Next
【職場血淚史】打工仔畀HR叫入房！全因為1理由？事主：佩服到五體投地！
【職場血淚史】打工仔畀HR叫入房！全因為1理由？事主：佩服到五體投地！
2024-11-12
對於人力資源從業員（HR）的印象，有部分人會認為他們是老闆的「得力助手」，只會乖乖執行指令。實際上又是否如此？有打工仔在Threads發文分享個人經歷，指自己突然被HR叫入房，全因為1個理由，事主得知後直言：「佩服到五體投地」。
點圖了解更多事主講述經歷：
事主：「今日返工HR好鬼祟咁叫我，『你有冇嘢忙緊，入房傾傾。』我個腦入面閃過1,000種可能性，諗緊會唔會畀人炒魷魚。入到房，HR：『有同事反映你條裙今日太短啦，見到屁股啦！』（其實職場生涯已經多次遇到呢啲事，所以我今次打算反擊）
我話：『我條裙其實都長到膝頭，講到露屁股未免太離譜，隔籬阿Mary阿May日日貼身裙、短褲仔、牛仔裙又得㗎呢？』HR：『咁你靚呀嘛……隔籬Team啲阿姑點着衫都冇人望。』我：『……』HR：『你知啦，你條腿又長咁樣……』我：『得啦得啦，咁講多咗啦，我聽日由頭包到落腳趾尾。』真係佩服到五體投地，HR果然係要用時間浸，唔怪得啲求職網站請親啲HR都要N年經驗。」
網民回應
A.你啲HR咁好，以前我着少少短褲會畀人話：「聽日有客呀，你唔好亂嚟呀，醒醒定定！」不過，我做嗰日出現只係為咗執頭執尾，0見到客。
B.我公司都有個訓導主任，阿姐『姣屍燉篤』就得，我着短裙就唔得……
C.認真諗我估可能因為條裙企喺身同坐喺度會有分別，有啲及膝裙無彈性坐喺度會短到上大髀中間。（利申：返工多年從冇投訴過任何人衣着）
D.HR 識玩！讚到你飛天！
E.我以前返過份工係suppose冇dress code嘅，同事着超爛牛仔褲都得，爛到露大脾ok！但短褲短裙就唔得，因為大阿姐唔喜歡女同事着得太「暴露」，勁雙標。
F.去到膝頭點露到屁股？想唔通，想唔透。
G.出嚟做嘢後發現思想守舊嘅人真係好多，分分鐘捉儀容嚴過中學。長髮又唔畀，染淺啲又唔畀。
H.咁短嘅位係？有冇staff handbook指明要着幾長先？有病！
I.大家都係打份工，客客氣氣咪幾好，講嗰個又唔使勞氣，聽嗰個又舒服，最緊要都係溝通同有正面效果啫，個HR高手。
J.你應該畀對手投訴，當然，你從唔認為對方係你嘅對手。
K.個HR其實幾好相處。
L.佢處理得唔錯呀。
M.欣賞個HR！
N.公司有啲人就係鍾意乜嘢都要投訴。
網民普遍都稱讚事主的HR，認為他這個處理手法非常好，以稱讚的方式代替責備，讓事主有較良好的感覺，同時又會願意答應他的要求。有網民就講述類似的經歷，指公司有「訓導主任」，HR經常會讓女同事注意衣著。有網民就不滿公司的HR雙重標準，說到明明上司穿得很妖艷，HR卻只抓自己。衣着方面，公司應該訂立特定的標準，否則不清晰就好容易出現口同鼻拗的情況。
實習工作應該做甚麼？（點圖了解更多）
面試時HR偏好甚麼顏色？（點圖了解更多）
延伸閱讀：【見工應該着咩衫？｜面試衣着】求職者面試被HR嫌着得太Formal？Business Casual和Smart Casual有甚麼分別？
延伸閱讀：【見工面試攻略2024｜點先知面試成功定失敗？】10個Interview成功率高的跡象 面試時間長原來是好事？內附見工面試天書 齊集Interview對答及CV技巧！
延伸閱讀：【返新工第一日7大貼士2024】除咗準時同穿着得體 主動講byebye都係得分位！扮OT又應唔應該？
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!