Next
【職場矛盾】唔加人工被逼轉部門 事主：僱主有權咁對我？
【職場矛盾】唔加人工被逼轉部門 事主：僱主有權咁對我？
2024-04-03
在職場上得罪老闆，前途可能會引起驚濤駭浪，輕則會被擾亂日常工作，影響自己的工作節奏；重則更會令你被逼辭職，失去經濟收入。有網民於連登討論區發文討論，指公司最近調動人手安排，強逼自己轉到其他部門兼任陌生工作，而薪酬則維持不變，令事主感到不被尊重，惟公司告知其如果拒絕接受轉職安排將會被辭退。即使親自致電勞工處亦求助無門，孤立無助的事主到底應該如何應對，在保住飯碗之餘又不被公司壓榨？
即睇事主經歷：
事主：公司唔加人工、逼我轉部門都算，仲要我做埋依家同新部門嘅工作，1個人做2個人嘅嘢⋯⋯
事主：公司話如果唔轉就會炒你，順便踩下你依家做嘢好廢，似乎好得閒無嘢做。
事主：啱啱打咗去勞工處問，話原來僱主有權咁樣安排工作嚟玩你。
事主：除非佢炒你，但佢仲可以用「犯重大事故」嘅理由炒你，唔使賠一個月，除非你同公司鬥到上勞工處證明你無犯。
事主：如果唔係你就要焗住做，除非你主動辭職。
事主：好灰心，仲要自己遞信仲要一個月通知，如果唔係就要焗住轉部門。唉，條氣好唔順，明明上年仲為公司仆心仆命⋯⋯
即睇網民回覆：
網民：都係嗰句，人工唔高、自己覺得頂唔順嘅話就遞信走人啦！
網民：成件事好簡單，一係接受一係拒絕，拒絕公司安排咪等被炒囉！
網民：轉部門同轉職位係兩回事，要改僱傭合約上嘅條款係要雙方同意，所以一般都唔會喺僱傭合約上寫明做咩部門。如果無改到僱傭合約，僱主係可以單方面決定。
網民：同你處境差唔多：被老闆玩，條氣起初係唔順，走快啲，心理健康最緊要。
網民：如果老闆有心玩你嘅話，唔止逼你遞信，分分鐘焗你改埋Contract、通知期都唔畀你、要你即日走⋯⋯啲老細係可以做到好絕。
網民：之前有個上司就係同大公司有爭拗告到上勞工處。最後判咗佢輸，仲要被成個行業封殺咗唔再請佢，結果40幾歲人被迫轉行。
網民：「犯重大事故」一般係指好嚴重嘅錯誤，例如刑事行為。單純話你做得差好難話係重大事故，不過最後決定權都喺個官度。
網民：真係無計，有啲公司就係會鑽漏洞，因為勞工法例嘅目的就係保障僱主！
網民：作為一個全職員工，要玩返僱主嘅方法都有唔少。睇吓有咩法例係保障僱員嘅，認識自己嘅權利；再留意公司有無踩緊咩法例嘅灰色地帶可以被你告得入。
網民：勞工處係信唔過，因為佢目的係調解勞資矛盾，而立場上係偏向僱主。無咗工會之後個情況仲嚴重咗⋯⋯
網民們都非常同情事主的遭遇，認為事主有可能之前無意得罪老闆才會遭此報復，「如果老闆有心玩你嘅話，唔止逼你遞信，分分鐘焗你改埋Contract、通知期都唔畀你、要你即日走⋯⋯啲老細係可以做到好絕。」所以話，做人最緊要有公關，要令自己前途不被複雜的人際關係搞砸，切記避免得罪身邊的工作伙伴。
即睇7個容易得罪同事乞人憎行為：
即刻按圖了解更多職場人際八卦。
延伸閱讀︰【職場八卦】每次返新工都過唔到試用期 網民：冷靜思考當初揀呢份工嘅理由！
延伸閱讀︰【職場八卦】男上司暗斥女同事婚後繼續返工好麻煩 事主：結咗婚就應該留喺屋企等老公養？
延伸閱讀︰【職場抉擇】高薪高工時應否砥礪前行？ 網民：捱到身體出事就幾多錢都醫唔返！
延伸閱讀︰【職場辛酸】問責制、無人帶、人工低仲要同公司共渡時艱？事主：捱到依家先走算係咁！
最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像
Look out for further updates on our Facebook fan page!
Follow CTgoodjobs for the latest career news, hot topics and recommended jobs!