【職場熱話】返新工第二日先被拒簽約 打工仔怒批HR不負責任:啖氣吞唔落!

【職場熱話】返新工第二日先被拒簽約 打工仔怒批HR不負責任:啖氣吞唔落!
對香港的打工仔而言,轉工跳槽是家常便飯,大家都想找到比前公司更好待遇的工作。不過就算新公司表示會給你Offer,一日未簽約,你都未算正式上任。有打工仔在「奴工處」Facebook專頁投稿,大呻慘遭HR「老點」。開工第一日撞正黑雨,打工仔打不通電話之餘,反被HR鬧No Show,最後更以此為由拒絕和他簽約。網民都紛紛批評公司不負責任,「冇心請人就一早講定」!
  小弟住北區,新工Location喺觀塘,Office工,返9點。
呢份工係6月初見工,隔咗一星期左右,HR就打返嚟問我有冇一份文件可以補返。我話有,但需要時間。
25/6打嚟就話收齊資料,公司決定畀offer我,叫我28號9點上公司簽約。
點知第一日簽約返工就黑雨,人在車上塞死,咁我就照返HR嘅來電號碼打返去搵HR同事。
08:30打返公司冇人聽,諗住黑雨可能未有人返到去,咁我隔一陣再打啦。結果由08:50一路打,打到09:30都係冇人聽。
咁我就留言交帶返聲黑雨情況,然後一路都冇打返畀我。咁我留喺有瓦遮頭地方避陣雨先,去到11:05黑雨轉紅雨,我等雨勢冇咁大先行返公司。
返到去,HR第一句劈頭就問 :「點解你今朝No Show嘅?」
我 :「今朝黑雨之後我一路都有打過返嚟,但係一直都冇人聽。」
HR :「冇喎,我今朝08:30就返到嚟,我枱頭電話睇唔到有Miss Call同Voice Mail喎!」然後我拎埋部電話出嚟畀佢睇通話紀錄證明,然後個HR就求其咁帶過左呢個問題。
跟住HR就話,個Department Head去咗食飯,叫我落去食個飯先再返上嚟。如是者我食完飯13:30上到去,再搵返個位HR同事。
HR :「而家都過咗半日時間啦,今朝又黑雨,你呢個Case就比較難處理,你聽日9點正再上嚟簽過,當你Start Up時間係聽日啦!」
咁我29/6就諗住上去簽約返工,點知個HR話:「X先生,由於你噚日嘅Attendance唔係咁理想,而我哋公司係比較著重Attendance嘅,閣下咁嘅表現,我哋公司就決定唔同你合作啦!」
我呆咗5秒……然後我就一輪咀咁瘋狂X咗佢5分鐘,跟住我就拎袋走人!完全唔畀佢有反駁嘅機會,因為真係谷氣,啖氣吞唔落!
樂觀啲諗,其實係咪呢場黑雨救咗我?如果真係簽咗約返左工,而個HR處事作風係咁的話,我諗入去做都有排受……
網民:我覺得係HR要掩飾佢地8:30之後冇人所以先搞走你,由頭到尾你都冇見過阿head或其他同事
網民:真係浪費人時間架喎,咁黑雨一向都係等轉紅雨兩個鐘內返到就可以啦,佢哋冇心請人就一早講定吖嘛!
網民:好運就真,無謂浪費時間喺間衰公司。
網民:黑雨都要返 呢啲公司都唔好做啦! 其實做HR也非容易,對一間公司而言,員工的質素就等同於對外的形象,HR部門要為公司尋找優秀的人才,並協助設計相關的訓練課程以培訓優秀的員工。要做一個好的HR,也要具備不少技能,看看這些特質你是否擁有,再決定是否適合做HR吧。
 
延伸閲讀:【勞工法例】試用期內辭職7日通知?點解打工仔被HR鬧曠工?

延伸閲讀:【員工福利】公司贈免費生理假 男女都有!居然有女同事貪心 仲鬧HR孤寒?

延伸閲讀:【職場熱話】同事又疴又嘔都堅持返工 網民:SL啦!唔好以為自己咁重要!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】老細態度差致公司流失率高 反怨新人唔捱得 打工仔:點令佢知係佢問題?

  • 【勞資關係】返工3個月先有電腦用 老細:點解投資喺低級員工身上?

  • 【勞資糾紛】老闆有權限制員工社交媒體Post乜?打工仔鬧爆被照肺兼出Warning

  • 【職場文化】00後女同事被老闆讚感動眼濕濕 點知翌日即刻…

  • 【職場生存術】睇清被炒6個先兆 HR動作頻繁成疑點之一

  • 【職場文化】辭職後想搞亂公司?HR:無謂整臭自己個名

  • 【辭職學問】日日OT到11點 補錢即走好衰?網民兩極意見 有人鬧︰同事會怨恨你

  • 【職場文化】老細鍾意放假突擊返公司 check大家有冇遲到 網民:唔偷懶咪唔怕佢查囉!

  • 【職場熱話】未返工先課金買衫?服裝店sales:返工要畀錢買公司衫真係好貴…

  • 【職場熱話】網民公司褔利排行逐個數 雙糧、生理假、彈性上班邊個最重要?

Jobs You Maybe Interested In

刊登招聘廣告