【職場熱話】返工幾時變咗朝九晚六?明明以前係朝九晚五!網民:因為係6天工作變5天工作!

【職場熱話】返工幾時變咗朝九晚六?明明以前係朝九晚五!網民:因為係6天工作變5天工作!

現時很多公司普遍的上下班時間為「朝九晚六」,撇除午膳時間,打工仔平均每天都要工作8小時,若然加上通勤時間及超時工作每天用於工作的時間有可能超過10小時。近日,有網民於連登討論區發文,指自己在看舊電視劇先突然想起以往的公司是實行朝九晚五,而非朝九晚六,事主因此好奇為何現時大部分公司都變成了朝九晚六的工作模式。

延伸閱讀:【職場趨勢】4天工作只是夢?企業冇人性?近1成公司欲於2025年實施6天工作周!

按圖了解網民回應:

樓主:早兩日電視播啲舊電視劇,其中有句對白係「無風無險又到5點」,先醒起以前返工明明講緊係朝九晚五,但而家差唔多全部公司變咗做朝九返六,或者朝十晚七,究竟係幾時開始由朝九晚五變成朝九晚六?

網民A:因為以前係6天工作周,改咗5天工作周之後,星期六嘅工時分攤咗係平日,所以就變咗朝九晚六。

網民B:如果遲啲真係推4天工作周,會唔會變做朝九晚九㗎……

網民C:有得朝九晚六咪好,我每日8點返工,夜晚8、9點先可以收工。

網民D:經歷過WFH之後,覺得返工仲要限住員工一定要9點準時返到公司拍卡有少少反智。搭車來回加埋都要2個鐘,返5日已經無咗10個鐘,啲公司好應該彌補返員工嘅通勤時間,變做4天工作周。

網民E:就好似點解咁多公司將員工OT當咗係基本,無補水、無補假,就係因為啲老闆庹縮,所以先搞到咁。

網民F:唔使返工就唔使驚朝九晚六啦。

網民G:樓主00後?未經歷6天工作周?

網民H:你朝九晚六啫,我5點前已經走咗。

網民I:根本啲公司應該畀員工WFH,員工又可以瞓耐啲,精精神神咁返工。員工見有得WFH就唔會嘈要4天工作周。

網民J:我寧願返5天工作周嘅朝九晚六好過6天工作周嘅朝九晚五。星期五一收工就可以放假,返6日嘅話要星期6收工先可以正式休息,唞1日之後又要再返工。

延伸閱讀:【4天工作】新加坡12月起 可每周4天工作!打工仔可要求彈性上班時間及地點?

帖文一出,立刻引起網民熱烈討論,不少網民指出,以往公司皆是實施6天工作周的政策,由於社會環境的影響,令到5天工作成為主流風氣,因此不少企業都將星期六的工時平均分攤到平日之中,變成了朝九晚六的工作模式。有部分網民表示,雖然工時變為朝九晚六,看似比以往辛苦,但好處是每周有2天休息,讓打工仔可以稍微從工作壓力中喘一口氣,以及有較多的私人時間。

延伸閲讀:【薪酬待遇】得7日大假仲要返6日嘅工邊個做?網民:咁嘅工拍拖都拍唔成

按圖即看網民分享公司單方面將更改5天工作周改成6天的經歷:

延伸閲讀:【職場熱話】人工高每個禮拜返六日都肯?網民:有得揀邊個唔想休息多啲

按圖即看8個4天工作周的好處:

延伸閲讀: 【4天工作】4天工作制有助減輕「職業倦怠」兼徵才?美國企業改制後求職申請增230%!


最新專訪片︰

【CEOTalks】肯定員工努力 願意堅持終能獲得成功 譚仔國際行政總裁劉達民:中途放棄的話 永遠未能欣賞山頂的風景

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【薪酬待遇】打工仔加人工 竟然只加得OOO?事主大怒:加完等於無加過咁濟!

  • 【職場熱話】打工仔要做陪審員 老闆一舉動隨時犯法!網民:叫你老細有咩留返同法官講!

  • 【4天工作周】4天工作日返10小時VS. 5天工作日返8小時 究竟點揀好!網民:梗係揀返4日啦!

  • 【打工仔辛酸史】打工仔放假去旅行 竟因為OO畀上司鬧爆工作能力低!事主大嘆:啖氣真係吞唔落……

  • 【殘酷2選1】中型外資公司經理VS全球Top100公司普通員工!選擇人工好定名聲好?網民:梗係睇工作量!

  • 【打工仔辛酸】打工仔lunch time瞓覺休息 上司竟作出一舉動令打工仔爆氣!網民:明明瞓完晏覺可以做嘢精神啲……

  • 【中年危機】人到中年越嚟越怕見工!每次見工都會畀HR質疑 網民:好多公司見你年紀大就會質疑你能力方便壓價

  • 【全球最具創新公司】2024 年全球最具創新公司排名出爐!國家女子足球聯賽排第5名 微軟只排第3?第一名係OOO!

  • 【職場熱話】一人一個打工仔被炒原因!同事工作能力高遭老闆妒忌、打工仔首次遲到便遭解僱……

  • 【職場熱話】公司氛圍似邪教?日日同打工仔sell熱血團結!事主大嘆:好似用友誼情緒勒索啲員工

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow