【職場熱話】辭職遭連環刁難?事主:自問做嘢盡心盡力⋯

【職場熱話】辭職遭連環刁難?事主:自問做嘢盡心盡力⋯

在職場,每位打工仔都希望能做到「好聚好散」,如果可以絕不想做到撕破臉的地步,讓自己、同事及上司覺得難堪。正所謂「一樣米養百樣人」,並非每個上司,與同事都與我們帶着相同的想法。在網上討論區Dcard,有打工仔向網民訴苦,指自己因為辭職慘遭刁難:「自問做嘢盡心盡力⋯」

點圖了解更多事主經歷:

延伸閱讀:【職場心理】「唔好意思」唔好掛口邊? 職場正確的道歉方法? 3大心法要記低
延伸閱讀:【職場英語】點樣用英語約開會? 時地人一次過教學 用SAY字都可以

事主分享:「唔知大家辭職嘅時候,有無被刁難過?我自己覺得上司有心刁難你嘅話,可以去到好盡,話說我前排辭職都搞咗好一段時間,高層話要同我傾偈喎,見完上司,再見唔同嘅大Boss,其中有一個同我講「睇你出到嚟之後點樣,你返咩工都係要畀人點㗎啦」之後佢仲要講「我唔係留你,但我畀你遲多幾日再覆我,係唔係真係要辭職。」呢啲就係情感勒索,出好多招刁難我,好衰格。

第一份全職工作,自問好盡心盡力咁做,都可以畀人踩到好似地底泥咁,真係受到幾大打擊,上司同事平時笑騎騎,臨尾就放毒蛇,世途真係好險惡。第一份工就已經有啲咁嘅經歷,我呢個新鮮人嘅經歷真係好不幸。但好彩我夠堅定,畀佢咁樣嚇完,仲留低就真係好傻啦,我曾經因為覺得委屈,返到屋企夜晚喺喊,但好彩我快就清醒,呢啲垃圾地方真係早走早着,我係唔會畀你哋打沉。」

網民回應:

A/吓?我係直接打電話講辭職,話今日會即刻補返Email畀上司同HR。咁你都已經叫通知咗佢哋話要離職,咁之後佢哋搵你傾咪繼續傾,你封Email Send咗出去就得啦,間唔時提吓上司,你會喺最後兩個星期做好工作交接就OK。Btw,你有企硬辭職做得好

B/我都經歷緊呢啲事,我做緊一間酒店嘅Housekeeping clerk,本身要做緊嘢,只係聽電話同處理文書工作,但上個月突然同我講話唔夠人,叫我幫手頂個清潔位,又執垃圾又消毒咁,起初叫我頂一個星期,後來成個5月更表都編我返清潔,於是我就頂唔順,決定辭職。

到我一遞咗信,上司就開始刁難我,畀勁多粗重嘢我做,仲要執埋房,佢賤到叫supervisor鎖埋Office嘅門,目的係等我無得入去休息,有次畀佢知道我坐喺雜物房休息,佢就搵人搬走晒啲櫈,等我坐都無得坐。

佢明明知道我係一個長期病患者,體能好差,仲要特登安排我做呢個位頂清潔,話執房係鍛鍊我身體,未見過人做大佬做到佢咁,真係好Cheap,仲有成個5月要捱

C/原來咁多人都畀人針對,抱抱大家,我上一份工都係Office文職工,有9成相同職位都係男人,但因為我係新人,就成日叫我搬重嘢,呢啲搬嘢嘅工作,一搬就搬成日,咩叫重嘢,就係個上司會叫我蹲低個身搬,唔好整親條腰嗰種,搬完但做漏少少嘢,佢當眾鬧咗半個鐘,我啱啱辭職走埋,希望大家可以早日脫苦海。

D/所以無咩事,唔好亂辭職,除非你準備另謀高就。

E/吓乜咁都有嘅,仲有一年我就出社會做嘢,聽到好淆底。

交代原因及工作安排
在辭職之前,我們應該將自己想要辭職的原因及背景交代清楚,讓同事和上司了解你決定辭職的理由,否則他們很容易會誤會,你是因為對公司有不滿而選擇辭職。另外,在辭職後你亦應該告知上司及相關同事,交接工作的詳細安排。當上司及同事清晰理解所有事情的詳情及背後原因,自然就能夠減少當中的誤會,真正做到好來好去。

被問到辭職的理由,應該要如何回答?(點圖了解更多)

 

合約於離職後依然有效力?! 3個常見離職後的限制條款(點圖了解更多)

延伸閱讀:【見工面試】返屋企等消息!究竟等幾耐先係正常?
延伸閱讀:【進修學習】決定進修前的4大要點

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告