【職場熱話】轉工收到offer點知最後食詐糊? HR告知一個共通點導致出錯

【職場熱話】轉工收到offer點知最後食詐糊? HR告知一個共通點導致出錯

在打算轉工或待業期間,收到獲企業聘用的消息無疑令人感到興奮,皆因這件事象徵你將會進入新環境。當你滿心歡喜準備迎接打工生涯新一章的時候,假如HR突如其來一通電話告知要收回offer(聘書),你會有甚麼感覺呢?最近,香港討論區有一名打工仔吐苦水,提及早前口頭上獲某公司聘用,但竟然食詐糊!該公司HR表示,出錯offer源於一個低級錯誤。

延伸閱讀:【招聘人才】10個聘請優秀求職者的方法

即睇事主分享及網民回應:(按圖了解)

事主:有一間公司喺星期二打嚟,畀咗offer我,月薪13.5K,9月5日開始返工。我同時問過間公司,最快星期三或者星期四先正式出到offer封email。有舊同事建議我要收到嗰間公司封offer letter兼正式簽埋約,之後先正式向現職公司遞信唔撈。點知到星期四仲未有嗰間公司封email,到咗今日朝早仲未收到,於是我下晝打電話去該嗰間公司個HR度問。原來佢哋嘅HR係搞錯咗得到offer嘅人(原來得到offer嘅人同我都係同一個姓)。最後我認輸,之後我又要重新send過CV再搵工。個HR咁都搞得錯,間公司好極有限。喺等候offer letter期間有另一份工打嚟叫我interview,就係因為食詐糊個offer而推咗。只不過幸好係,我仲未遞信辭職,可以繼續騎牛搵馬去搵工。食咗一次詐糊勁冇癮,唔知大家有冇呢啲食詐糊嘅經驗呢?

網民:真係勁唔professional,呢啲嘢邊可能搞得錯㗎?
網民:你去到9月5日返嗰邊新工,佢哋可能唔記得咗,搞錯咗請咗你做唔奇。
網民:可能係HR搵咗第2個,求其耍走你!
網民:好彩你未辭職!
網民:呢啲垃圾HR害死人。
網民:13.5K都咁巴閉咁混亂?咩職位?
網民:呢樣嘢最過份,你如果失業就冇所謂,但如果有工返緊,佢話請你,你同做緊嗰間辭職,跟住佢先話唔請,你就兩頭唔到岸。
網民:佢請咗你都可以找藉口話你唔適合炒你,所以轉工點都係無保障,都係打賭咁。
網民:可能佢哋財務都會唔小心,每月過數畀多1k大家使!
網民:呢啲陰濕公司藉口多多,唔請樓主執返身彩,否則入到去一個人做3至4人工作量。
網民:9月先上班咪要等成個月?而家仲有公司肯等一個月咁耐咩?
網民:等一個月時間太長,總會有變數。現在又多人搵工,好多都可以即時上班……
網民:我朋友都試過一個月後返工,但到佢上班時已經請咗另一個人,然後將佢投閒置散坐埋一二邊,好似當佢透明咁。即使有約簽都唔代表無問題,除非你係合約工,如果普通長工,簽約代表請你,但佢都可以在一星期內以不合適為由炒你,所以騎牛搵馬好難,除非肯賠一個月……
網民:好耐之前試過有份工話請我,後來打電話來話公司改變決策,唔請我,個時係冇嘢做,不過開心咗一陣搵到工突然冇咗,真係有少少唔開心!

出錯offer顯企業管理混亂

事主發文後,在留言表示其應徵職位為倉務員,更多次提及這次求職過程「勁冇癮」,慶幸未有遞交辭職信,並斥責該企業管理混亂險導致新舊職皆空。眾多網民同情事主經歷,有人表示,即使進入該公司也可能是另一種受害,因為向外間發出錯誤信息顯示其管理不善,認為事主「執返身彩」。從此可見,招聘程序出錯會影響求職者甚至外間對企業形象的看法。

網民慨嘆求職者保障不足

有些意見慨嘆求職過程欠缺對求職者的保障,如求職者轉工跳槽期間遭遇「彈弓手」可謂得不償失。另外,更有人提及,試用期期間,企業有權在首個月內即時以不合適理由終止僱傭關係,所以轉工跳槽與「打賭」無異。

處理招聘過程不佳損害企業形象,近年多有公司不發落選通知,原來會為企業形象帶來3個負面形象!(按圖了解)

性別偏見或因社會觀念造成,如何從招聘過程減少性別偏見成為了企業改善形象、用人唯才的課題,按圖即刻了解當中5個方法!(按圖了解)

延伸閱讀:【見工面試】搵工Miss咗HR電話點算?3個Call back嘅注意事項!

延伸閱讀:【見工面試】Interview中最難聽嘅說話係咩?事主:佢話我好意思Send CV嚟

延伸閱讀:【見工失敗經驗】面試HR勁讚符合公司要求 最後無回音 打工仔︰成日畀假希望我

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】HR遭求職者問點解要寫expected salary 網民:貨不對辦點算?

  • 【見工面試】填寫期望薪酬的5大貼士

  • 【見工奇遇記】Send完CV就有offer? 求職者感驚嚇:驚有伏

  • 【職場熱話】驚見公司正招聘自己個職位點算好? 網民:廣告可以係假

  • 【職場熱話】日日睇搵工App究竟正唔正常?網民:我一壓力大就會睇!

  • 【職場趨勢】2022年就業市場展望2大重點

  • 【職場熱話】問HR有咩特別福利獲回應某廁所設施 網民齊聲:呢樣嘢正!

  • 【見工面試】你認為自己5年後會點樣? 面試應該要點樣答?

  • 【辭職學問】Exit Interview會問啲咩?應唔應該講真心話?

  • 【職場熱話】打工仔遞辭職信後遭上司留難 要獨自完成店舖盤點?

Jobs You Maybe Interested In

刊登招聘廣告