Next
【職場熱話】與上司不和遞信辭職 對方一舉動令事主甘願留低
【職場熱話】與上司不和遞信辭職 對方一舉動令事主甘願留低
2024-02-14
職場上如果未能與上司及同事順利相處，處處被針對，的確十分難捱；如果在薪金待遇上未能符合心目中的水平，更分分鐘會令人萌生去意。有打工仔於社交媒體專頁「奴工處」投稿，表示自己與上司不和，去年底獲得花紅後，向上司遞信辭職，但上司一個舉動，令他回心轉意，更與上司關係好轉。
延伸閱讀：【職場求生技能】職場上想遠離麻煩？教你用6個方法保持冷漠
按圖睇發生咩事：
事主：一直都覺得自己underpaid，我勁憎上司，亦都覺得上司勁憎我。佢成日勁多挑剔，做極都得個彈字，終於捱到年尾最後等埋bonus，仲要有新Offer，於是新年前遞信。點知阿姐竟然問我對家出幾多，佢最後加2萬蚊留我，我真係呆咗。
佢仲同我講佢好重用我，希望繼續可以合作，仲話：「平時我都知我個人係要求高啲，少啲讚人，但我真心覺得你得，我先交咁多嘢畀你，都知你辛苦……」
跟住我好唔爭氣咁收返封信，加咗人工，但一切都冇變冇多咗嘢做，亦冇多咗說話聽，反而同上司關係好咗。
網民A：即係公司一直都有大把budget加人工，而且高層們認可工作表現，所以可以極速批加薪，只係上面有人唔想加……
網民B：咁代表一直underpaid 2萬蚊。
網民C：無人話加完2萬蚊唔可以繼續搵工嘅，加油！
網民D：講錢傷感情，唔講更加傷！
網民E：用2萬蚊塞住對耳，都夠厚嘅。
網民F：其實畀我會走，講真佢話你做得嘢，之前有冇加你人工先？定係冇人做，得你肯蝕底，你走咗，冇人用先加返？
網民G：做住先，下次跳槽又可以再叫高個價。
網民H：其實佢係等你出聲走先加，幫公司慳返唔少，哈哈！
網民I：本來想大聲斥責，但錢真是太多了。
網民J：知你有離心，好難會重用。
網民K：從來沒有永遠敵人，只有永遠嘅利益。
不少網民認為事主的薪酬一直低於市價，如果上司有意加薪，應該一早已經有行動，而非到最後才決定加薪留人。亦有網民指出，事主如果轉工，相信已做到管理層級別，認為事主不應該繼續留低。
睇埋如何判斷自己有無Underpaid：
延伸閱讀：【職場熱話】返工攰但開心 將興趣變成工作 打工仔: 我興趣係唔使做
延伸閱讀：【打工仔薪酬】工作同人工完全唔成正比 邊種職業最underpaid？網民：所有厭惡性行業！
延伸閱讀：【薪酬福利】覺得自己underpaid！點樣同上司開口提出加人工？
最新專訪片︰
【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!