【職場熱話】老闆出double人工 要求打工仔頂兩個人工作量 網民:有錢咩都得!

【職場熱話】老闆出double人工 要求打工仔頂兩個人工作量 網民:有錢咩都得!

面對不穩定的經濟狀況,部分僱主會選擇凍結招聘,以降低人力資源成本。在這個情況,現職同事往往要承擔更多工作量。最近有打工仔在連登討論區發文,指同team同事即將離職,而上司則提議出雙倍人工,要他一人兼兩職。面對金錢的誘惑,大家會點揀?

按圖即睇事主分享經歷:

事主:「同team同事嚟緊resign,team head話唔請人住因為freeze咗headcount。問我肯唔肯做埋同事嗰份,肯嘅話會岀埋佢嗰份糧畀我,直到有replacement為止。預大概頂3至6個月左右,睇吓HR fill人fill得快唔快。而家人工約30K,如果頂埋同事嗰份嗰段時間就60K左右。」

「但一定做到天昏地暗,仲要我同事係負責美國嗰邊啲project。我本身都跟緊澳洲project,再跟埋美國唔使瞓。我同事係因為workload所以resign,我怕我頂唔到。如果你係我會點揀?去啦,有錢岀仲想點VS不了,有錢冇命享?」

網民意見:

網民A:緊係頂,上位就係呢啲經驗!

網民B:擺明畀機會你上位,同老細講話唔收錢幫佢食埋,包你升職快過坐火箭。

網民C:短期得,但一完咗,你老細知你一個人做到兩個人嘅嘢,之後你就慘。

網民D:畀啲信心自己,18萬應該夠填補你嘅付出。

網民E:半年頂咗佢啦,有confirmation letter,又有錢又有功,去邊度搵?

網民F:唔建議做,如果你真係好想賺呢嚿錢,建議你問問你前同事點解走、有咩伏位。接人手尾仲煩過重新做,你接咗要有心理準備,呢幾個月要喺公司過夜。

網民G:我都想有咁機會,利申頂緊兩人份嘅嘢,但人工加得$4000。

網民H:咁佢未請到,啲嘢都係搵你做啦,幾大都照收咗錢先,做唔切都無計。

大部分網民都支持事主答應上司請求,皆因除了有雙倍薪金外,還是日後爭取升職的好機會。亦有小部分網民認為事主想清楚,指出「你要有心理準備,呢幾個月要喺公司過夜」,應該先向舊同事打探有沒有「伏位」。無疑,金錢未必能彌補身體上的健康,萬一工作量超負荷,繼而令身體出現毛病,是得不償失的。

主管級人員應小心以下6大信號,避免員工過勞:(按圖了解)

同場加映:10種減壓食物助你重拾好心情(按圖了解)

延伸閱讀:【見工面試】Interview後獲HR私下聯絡 提醒「呢間公司好伏!」

延伸閱讀:【請辭攻防戰】提出離職上司死纏爛打 事主:點先可以好來好去?

延伸閱讀:【職涯規劃】想再賺多啲 淨係一份正職唔夠?盤點8大打工仔熱門副業

---------------------------------------

有新嘢‼️覆老細&同事唔使打字,有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️👉🏻https://bit.ly/3XCqYyY

---------------------------------------

🌟全新Banking & Finance一站式平台正式登場!🌟
涵蓋最新市場消息、行業趨勢、求職資訊、頂尖企業及領袖故事、行內八卦趣聞、職位空缺,幫你喺銀行金融業更上一層樓:https://bit.ly/3RVuscz


最新專訪片︰

【星級斜槓族】港隊劍擊運動員吳諾弘專訪 中五停學決心打劍 東奧後卻遇職業生涯最低潮

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場老海鮮】打工仔狠批老海鮮態度惡劣、工作能力低下 卻遭老闆力保 事主大嘆:仆心仆命做project 同老海鮮相處唔到而決定炒我!

  • 【返工無自由】返工要沒收手機 仲要經常OT 打工仔近乎斷六親!網民:你確定係返工而唔係坐監?

  • 【點知面試請唔請?】HR問呢啲問題即係唔請?網民:不如唔好浪費大家時間!

  • 【打工仔薪酬】喺香港月入5萬同月入10萬嘅生活冇分別?打工仔指都係一樣交租、去旅行 網民反駁:工作壓力同交稅係幾何級數上升!

  • 【2024頂級顧問公司排名】2024年頭10間顧問公司排名出爐!Bain & Company榮登首位 第2名係BCG!

  • 【打工仔被炒】請病假去見工被公司發現!HR批打工仔無誠信決定即時解僱 網民:你下次都係請AL去見工啦!

  • 【2024年職業前景】大學生注意!呢5個職業前景最好 ESG策略師月薪可達10萬?

  • 【任職細公司注定無前途?】喺細公司做嘢唔會有運行 人工、福利、晉升機會根本唔及大公司好!網民:細公司純粹拎嚟做跳台!

  • 【極品上司好難頂!】上司經常送禮請食飯然後勞役員工 同事差啲無埋條命同婚姻 網民:做人最緊要有底線 唔好公司叫你做咩就做咩!

  • 【求職面試】打工仔不斷見工 發現公司出offer同見工表現無關係?事主:面試in得好差,但竟然都畀offer我……

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow