【職場熱話】老細聲稱獲得神明啟示要求員工OOOO 網民:叫佢帶耶穌去勞工處傾吓

【職場熱話】老細聲稱獲得神明啟示要求員工OOOO 網民:叫佢帶耶穌去勞工處傾吓

古往今來有不少人都曾聲稱獲得神明啟示,而這些啟示往往涉及重大事件。然而, 近日有打工仔於社交媒體專頁「奴工處」投稿,指老闆聲稱獲得神明啟示,內容竟然與勞工法例有關……

延伸閱讀:【勞工法例】12個僱傭合約常見部分

按圖睇吓老闆獲得咩神明啟示:

投稿人:早幾日老闆安排,叫我同其他人喺星期日專登返嚟開會,仲講明會跟足勞工法例,喺之後補返一日畀我哋休息。點知當大家照足程序向公司申請補假嗰陣,佢就同我哋講返話自己係教徒,仲話佢感應到神明啟示,又話神都唔希望有一班對加班咁計較嘅員工。之後搞到大家都好唔開心,想爭取返自己應該有嘅嘢原來都會得罪神。

網民A:叫佢帶耶穌去勞工處傾吓偈。

網民B:神話每個星期第七日都要休息喎?

網民C:冇問題喎,去勞工處開file咪係政府同佢計囉,仲完善咗神嘅旨意。

網民D:話畀老細聽,你都得到神明啟示,請老闆二擇其一,一係補錢,一係聯同其他同事勞工處見!

網民E:希望老細都唔好介意同事無故缺席。

網民F:神話唔鍾意計較人工嘅老細呀!

網民G:我都聽到有把聲話要準時放工。

網民H:真係神又係佢,鬼又係佢。

網民I:同老細講:我係無神論者。

網民J:員工得到神明啟示,日日可以WFH。

網民K:一般基督教天主教:星期日係安息日,喺有得揀情況下星期日係唔會做嘢嘅……

先不論事件中的老闆是否真的獲得神明啟示,但他這樣做其實已經違反了香港法例第57章《僱傭條例》,根據法例條文指明,凡按連續性合約受僱的僱員(即受僱於同一個僱主工作連續4星期或以上,每星期工作滿18小時),每 7 天可享有不少於 1 天休息日。

而如果僱主要求員工於休息日工作,必須於原定休息日後的48小時內通知僱員另定休息日的日期。僱主如無合理辯解而不給予僱員休息日,可被檢控,一經定罪,最高可被罰款5萬元。

睇埋有邊啲假期係勞工法例法定假日?

延伸閱讀:【僱傭條例】員工於法定假日自行返工 能否獲得補假?

延伸閱讀:【勞工法例】老闆唔批假見工 勞工法例得唔得?

延伸閱讀:【求職陷阱】 打工仔被不公平對待 想辭職要賠錢因同意《懲罰性條款》?


最新專訪片︰
【星級斜槓族】Deep吳浩康為養家任地盤工人 消息衝出香港卻大呼諷刺 認為夢想與現實應並存︰「追夢唔需要捱肚餓!」

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工面試】HR問「遇到困難會點解決?」為測試3種能力 用STAR框架答最穩陣!

  • 【見工面試】見工都失敗!全因求職者1舉動?網民:難怪3個月見10間公司冇人請⋯⋯

  • 【薪酬趨勢2024】返工1個鐘搵$140?公開20大行業每小時工資中位數!

  • 【2024勞工法例丨試用期需知】Probation內可唔可以請病假?放假會扣糧?畢業生必知的試用期3件事 免受僱主剝削

  • 【職場熱話】斥同事雙重標準 打工仔4個月轉7間公司 網民:想搵正常職場環境嘅工難過登天

  • 【薪酬趨勢2024】人工中位數高達$31,800嘅行業係?揭曉20大行業每月工資中位數!

  • 【2024勞工法例|僱傭合約|解僱原因】10大老闆迫辭職常用手段!架空員工可令其自願離職?

  • 【見工面試】求職者抱怨HR突然致電!直斥應用電郵預約!網民質疑事主有否做1件事

  • 【面試攻略】被問「有冇In其他公司?」 可能係show off機會?專家教你應該咁答!

  • 【Z世代】年輕人話想躺平只係扮?近半數想做話事人!希望賺夠錢出人頭地?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow