【職場熱話】老實回答主管正在搵工　事主：佢唔想批假好尷尬

轉工跳槽幾乎是所有打工仔職涯的必經階段，尋求更優厚的薪酬待遇往往是離開熟悉環境的動力。對於僱主、上司來說，人才流失象徵不久後要付出招聘及訓練新人的成本，並非樂見之事。由於雙方存在根本衝突，打工仔跳槽前通常不會告知公司正在尋找工作，以免招惹麻煩。最近，有一打工仔到香港討論區發文，表示正在陷入兩難局面，皆因他自爆個人秘密。

延伸閱讀：【職場熱話】打工仔遞辭職信後遭上司留難 要獨自完成店舖盤點？

即睇事主分享及網民回應：（按圖了解）

+15

+14

事主：請咗幾次AL去見工，主管終於問我係咪搵緊工，當時覺得沒必要講大話，根本瞞唔到。我就話係。因為最近先走咗一個同事，佢話請緊人，等請咗先畀我走，叫我暫時唔好搵住。又問我想要幾多，大家傾傾，我答佢，有offer我就走了。佢叫我下星期畀答覆佢，我而家陷入兩難。一來，佢覺得我沒義氣，未請到人我就話要走，佢講到有啲嬲，講咗一句，不如你而家走。我只係覺得而家有機會我唔去爭取，我一定會後悔。二來，我而家仲未有offer，佢又唔想批我假去見工，好尷尬嘅處境。最壞打算我裸辭，再慢慢搵工。

網民：唔批咪請病假！
網民：再唔批就NPL！
網民：點解佢叫你而家走，你唔即刻點頭？
網民：請年假基本不用講理由，年假係法例要求，主管只是大你。(*)
網民：佢知道你有離心，就算留你都只因暫時缺人。決定咗走的話，根本冇需要想太多，打工而已。啱做就做，唔啱就走，正常不過。今日你唔走，以後佢玩你就後悔啦。
網民：佢叫你走，你可以走，仲可以要求賠錢。點解唔走？怕搵唔到工？
網民：你係有心走，佢出到聲你做乜唔走？畀我就問返佢：你而家係咪即炒？定我畀信你？
網民：梗係走啦！就算你搵唔到留低，而家都搞到面左左啦，實玩死你。
網民：乜你咁蠢㗎，搵工緊係靜靜雞，死口唔認啦！
網民：下次醒水啦！如果唔係想留，唔好咁直接同上司講。如果你都有心，都仲可以講下條件……
網民：你認為咁樣揚咗，你會有好日子過咩？唔係話唔可以騎牛搵馬，但你搵工搵到咁揚，完全唔畀面，公司上級玩針對都好正常！
網民：人哋只係試探下你，你自爆攞嚟衰！依家爆咗就積極搵工啦！

(*) 實際上，《僱傭條例》第41AA條列明，「所給予的年假時間，由僱主經徵詢有關僱員或其代表後決定。」從此可見，僱員只為諮詢角色，僱主有年假日期的最終決定權。

誠實如雙面刃　職場世界要慎言

誠實是人一種良好特質，但若過分誠實或會成為了口不擇言，苦了他人也害了自己。留言中，多名網民認為事主舉動不智，應該要對搵工一事守口如瓶，避免陷入進退兩難局面，更有人直言：「乜你咁蠢㗎？」

事主讓上司知道自己有離心一事已無法逆轉，但更大問題是，上司未必允許事主告假參與求職面試。部分網民指，如果上司不允許請年假，可以告病假甚至無薪假，有心面試總會有辦法。

對於事件本身，不少網民認為上司只在試探一下，豈料事主「自爆攞嚟衰」，現時境況屬咎由自取。另有網民提及，上司曾說「不如你而家走」，當時應該立即打蛇隨棍上，商討自願離職或即時解僱收取代通知金，就可以避免雙方繼續留在辦公室「面左左」。

返緊全職無時間搵工？以下5個貼士助你騎牛搵馬覓好工！（按圖了解）

+15

+14

不只求職者，好多打工仔都不明瞭《僱傭條例》對假期的規定，以下3個常見誤解，你又知幾多呢？（按圖了解）

+14

+13

延伸閱讀：【辭職學問】5個寫得體辭職信的技巧 (內附辭職信範例)

延伸閱讀：【辭職學問】想遞信但未想同事知點算好？網民建議3種方法向上司請辭

延伸閱讀：【辭職學問】辭職信使唔使講原因？唔通真係一句：頂唔順你哋所有人？

⏩⏩  需要請人？立即刊登招聘廣告！  ⏪⏪