【職場熱話】普通文員要做會計?打工仔不忿被炒 招聘應說清工作性質

【職場熱話】普通文員要做會計?打工仔不忿被炒 招聘應說清工作性質

轉職終極目標往往是改善待遇,薪金無疑是首要考慮,但另有人則因工作地點、職涯規劃等尋找新工作。話雖如此,但轉職是否一定帶來更好待遇往往是個疑問,因為職場的好與壞必須透過體驗才能評價,而大多數求職者入職前只知悉企業的表面而已。最近,有名打工仔向社交媒體專頁「奴工處」投稿,表示自己一個多月前在朋友介紹下轉職,但最終竟然被解僱,箇中原因竟然是沒有工作範疇以外的技能!

延伸閱讀:【職埸熱話】見工即日被錄取 打工仔返工5日後被炒究竟點解?

即睇事主分享及網民回應:(按圖了解)

事主:本身有份工,同事幾好,但離屋企比較遠,上個月朋友介紹咗份喺我屋企附近返嘅工,咁見份人工差唔多,就辭咗原本嗰份。

事主:新工見工嗰陣要求係普通文員,點知做落就畀會計文員嘅嘢我做,

事主:做咗一個月,除夕前4日叫我做到31號唔使返工,原因係我唔識會計,真係嬲到我呢⋯⋯

事主:如果一早講明係想請會計文員,我就唔會辭原本份工,搞到我而家新年流流失業⋯⋯

網民:話明普通文員,會計正常唔係普通文員工作囉!

網民:你朋友同你有仇?

網民:份工做得好地地就唔好隨便轉工,同埋唔好輕信所謂朋友介紹,否則只會兩頭唔到岸。

網民:所以工就唔好亂介紹人,唔好人哋叫你轉就轉工,當買個教訓,畀心機搵個份啦!

網民:你朋友知唔知先,明知fake的話你去鬧爆佢啦!

網民:畀足通知期叫你走的話,你都無可奈何……

網民:到底佢個職位名本身係咩?如果post主見嗰陣同埋合約上寫嘅係「文員」,我覺得有少少非法解僱……

網民:其實試用期內同僱員講唔適合,如果係通知期內又無違反合約,好難講係無理解僱。

網民:當係畀自己離開comfort zone,搵份更好嘅工嘅機會!

企業應清楚解釋職責 工作轉介要了解背景

即使眾多網民對事主的遭遇表示同情,但卻愛莫能助,認為若其公司在給予足夠通知期的情況下終止合約,事主也是有冤無路訴。另外,事主的朋友也成為了網民主要批評的對象,因為該朋友令事主陷入困境,更有網民直言:「呢啲朋友盡快遠離」。眾多意見炮轟事主朋友需付上最大的責任,「一知半解就去牽線」,如果有收介紹費更是罪加一等。

另有網民提及事主公司也須負責,因為解釋工作範圍是招聘程序的必要環節,認為事主公司行為如同欺騙,造成了這個不理想的結局。不過,有網民提及會計文員薪金較普通文員高,所以事主公司或打算以較低廉的價錢聘請新職員。根據政府統計處「選定職業的平均每月薪金」於2021年9月的數字,會計文員平均月薪為17,201港元,而普通文員則為15,367港元。

延伸閱讀:【職場熱話】打工仔抱怨新人問題多多 網民:唔識帶新人仲要擺款

延伸閱讀:【職場熱話】失業唔敢同家人講 諗住扮工再搵工 網民齊勸事主應坦白

延伸閱讀:【職場文化】細公司唔複雜?大公司好福利?網民齊論兩者優劣

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工面試】見工做Written Test開Google算唔算出貓?網民反應兩極

  • 【見工面試】打工仔煩惱應否申請曾拒絕的工作 僱主可保留求職者資料多久?

  • 【職場熱話】打工仔投身社會後覺得自己好廢 網民:接受廢都係成長

  • 【職場管理】4個培養積極工作環境嘅關鍵

  • 【職場文化】細公司唔複雜?大公司好福利?網民齊論兩者優劣

  • 【職場辛酸史】散工大王分享工作辛苦程度!警局認人戲子、寺廟拔香

  • 【花紅雙糧】公司幾時派花紅?企業財政年度各有不同!

  • 【職場熱話】失業唔敢同家人講 諗住扮工再搵工 網民齊勸事主應坦白

  • 【2021職場回顧】打工仔年度關注議題 觀塘返工、地盤術語、「人生勝利組」上榜

  • 【展望2022】審視不足與成就 8條問題準備年度自評

Jobs You Maybe Interested In

刊登招聘廣告