【職場熱話】打工仔投身社會後覺得自己好廢　網民：接受廢都係成長

投身社會後的路途，並不如學生年代般有清晰的階梯與目標。求學時期，你會知道自己的目標是取得好成績，甚至有人只以入大學為目標；進入職場後，不少人早已完成求學時期的目標，對前途感到迷惘，但依然要營營役役，甚至為了追趕一些社會期望而放棄理想。當遭遇到人生各階段的瓶頸位置，為數不少的打工仔不時會質疑自己能力。一名打工仔最近在網絡討論區「連登」發文質疑自己的能力，更稱自己「好廢」，隨即有網民流言安慰。

延伸閱讀：【職涯規劃】三十而立 10個改變助你奠定成功基礎

即睇事主分享及網民回應：（按圖了解）

+11

+10

事主：唔係讀唔到書，亦都向緊未來自己有興趣嘅工作努力，但就係覺得自己好廢……

事主：每去到某一個階段都質疑自己。唔知係咪本身有嘢煩緊，一諗起自己咁垃圾、好大壓力就想喊⋯⋯好似有病咁⋯⋯

網民：廢其實係一種比較，睇吓同邊個比，人嘅成長就要學識唔好同人比較。

網民：人比人比死人呀！

網民：你知自己廢，覺得有問題，其實已經廢唔晒！

網民：學下叻人優點，睇佢哋上咩網睇咩書。

網民：人係有追求，你追完一樣嘢又會想追另一樣嘢，永遠無話會滿足。

網民：接受自己廢都係成長一部分，大部份人都係唔太叻又唔太蠢，但中中等等，又搵到自己興趣或者鍾意嘅嘢，已經可以有一個唔錯嘅人生同生活。

網民：成長係要你慢慢接受自己嘅平庸，其實全世界9成9嘅人都係平庸。

網民：人大咗係咁，長大就係要你接受自己係廢，有好多嘢做唔到，所以要識搵人幫，仲要同人合作。

網民：就算天生異稟，嚟到社會無被同化，都只會係條廢柴。

網民：只要諗通咗就會有真正嘅成長。

網民：世界需要嘅唔只係天才，廢柴都有用處，唔好成日同人比較。

網民：弱者也有一片天，呢個世界唔係只係俾強者生存。

學懂接納自己　接納不完美之處

眾多網民如同過來人，深明事主的想法，勸勉事主要學懂接納自己的弱點。有網民指出廢是個相對概念，廢與不廢在只於比較對象，因此呼籲事主不應與人比較，要關注於自己的進步。事主其後回應，指自己的「自卑感好大」，更認為其中一個主因與薪金相關，但看畢網民回應後知道自己需要「調節心態，學識滿足」。

此外，另有網民認為「完美主義者嘅生活會好痛苦」，無窮地追求更高層次只會令自己喘不過氣來。不過，社會風氣有可能是導致人不斷質疑自己或追求更高物質生活的因素，一個留言控訴「點解呢個社會同身邊嘅人都不停話要向上爬」，認為其實自己「只想簡簡單單過生活」。

最後，有網民提出如何調整心態的方法：「自卑時，要調整自己有多啲信心；自大時，要多欣賞別人的長處」。無論如何，懂得接納自己才是好好活下去的不二法門。

延伸閱讀：【職場熱話】40歲朋友在便利店打工 打工仔擔心被看不起 網民:可能人哋係高層

延伸閱讀：【職場熱話】失業唔敢同家人講 諗住扮工再搵工 網民齊勸事主應坦白

延伸閱讀：【職場熱話】打工仔抱怨新人問題多多 網民：唔識帶新人仲要擺款

⏩⏩  需要請人？立即刊登招聘廣告！  ⏪⏪