【職場熱話】新工試用期只有1個月合理? 求職者:未來上司話我好適合份工……

【職場熱話】新工試用期只有1個月合理? 求職者:未來上司話我好適合份工……

香港新入職的員工普遍有3個月試用期,但其實法例沒有規定試用期長短必須為3個月。有網民在香港討論區發文,表示自己的試用期較短,僅僅為1個月,因此對狀況感到不安。

留言區網民熱烈討論,有人認為試用期短是好事,亦有人指時間太短對事主和公司都有風險。你認為1個月試用期是好事還是壞事?

延伸閱讀︰【鐵飯碗】政府工不用憂試用期? 網民:不會炒但勸你辭職

按圖了解事主、網民分享:

事主:「新公司試用期特別短,只得1個月。佢哋要求我早啲入職,但要我自己賠錢畀而家公司。我衡量過,雖然請我做低一級嘅職位,但新工畀而家月薪多幾千蚊,又近屋企好多,所以都諗住take offer。我問HR,多數新人都係3個月試用期,點解我就得1個月?佢只係答因為上司覺得我好適合,其實咁樣合唔合理?」

網民A:嫌試用期短嘅奇人……早啲過唔好?可以早啲放有薪假期喎。

網民B:第一次見有人嫌試用期短,好難明嘅邏輯。佢覺得你好啱份工,想吸引你早啲返工,畀個短啲嘅試用期都合理呀。

網民C:得1個月對雙方都冇保障。

網民D:唔幫你賠錢,間新公司好明顯想慳錢。你人工多咗幾千,但title低咗,而且工作量你估一定少咩。

網民E:法律上咁樣做無問題,其實睇你受唔受。

網民F:要賠糧畀而家公司喎,仲要個職位低咗,好似唔太值。

網民G:出面有啲公司冇試用期,可以好伏。1個月叫做好過冇,你衡量吓夠唔夠時間試間公司。

網民H:聽過有啲公司試用期6個月長,但1個月咁短真係第一次見。佢要你自己賠錢走人,如果你試用期唔啱做,真係好蝕。

網民I:咁多公司試用期3個月係有原因,頭1個月畀新人熟習環境,第2個月熟習技能,第3個月試真章。個人認為1個月對雙方都唔太夠,除非你話同人哋好熟或者食回頭草,咁就另計。

《僱傭條例》有冇規定試用期長短?

《僱傭條例》沒有規定試用期長短,視乎公司文化和職位,各公司可能向員工提出不同試用期,坊間普遍會設定為3個月,一些中高層職位試用期可以長達6個月,相反一些公司會根據實際情況而不設試用期。

不少人以為試用期只是針對員工,其實試用期屬於勞資雙方,讓大家可以了解對方是否正確選擇,所以一般都安排3個月試用期。上述的未來上司或許經過面試後,深信事主能勝任這個崗位,才提出這個安排。然而,對於事主來說1個月未必是合理時間,畢竟不了解新公司實際運作和文化。考慮到事主還要賠錢離開現職公司,萬一新工作不合適自己,就真的賠了夫人又折兵。

如果事主希望延長試用期,可以主動與僱主或人力資源部門進行溝通,提出自己的想法和理由,看看僱主是否願意接受延長試用期的建議。

然而,延長試用期需要雙方同意,並且最終的決定權在於僱主。僱主可能會考慮公司的需求、預算以及其他因素來決定是否同意延長試用期。因此,事主應該準備好提出合理的解釋和論點,以說服僱主接受延長試用期的要求。

延伸閱讀︰【職場熱話】唔過試用期 公司竟然要求簽離職聲明?網民:因為可以唔使賠7日糧畀你!

【勞工合約】返新工被合約嚇倒 無試用期、離職通知期半年 網民:多數超惡頂

延伸閱讀︰【職場八卦】每次返新工都過唔到試用期 網民:冷靜思考當初揀呢份工嘅理由!

【勞工法例】過咗試用期都唔可以放年假?事主:公司話頭一年只可以請無薪假!


最新專訪片︰

【CEOTalks】肯定員工努力 願意堅持終能獲得成功 譚仔國際行政總裁劉達民:中途放棄的話 永遠未能欣賞山頂的風景

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】斥同事雙重標準 打工仔4個月轉7間公司 網民:想搵正常職場環境嘅工難過登天

  • 【辭職學問】上司唔肯寫reference letter畀下屬 搞喊同事!網民:其實有OOOO咪夠!

  • 【產假申請2024】打工仔有咗BB 應該幾時同公司講?申請產假要準備咩文件?即睇懷孕後通知僱主時間及如何申請懷孕證明

  • 【職場熱話】次次食完飯個鋅盤就塞咗!HR落令禁止同事OOO!

  • 【見工面試】被問「未來5年會有咩目標?」應該點回答以提高錄用機會?

  • 【見工面試】你點解會唔做之前嗰份工?面試應該點答先唔會變成訴苦大會?

  • 【職場熱話】人工45K冇壓力但冇前景 公司減人手推「肥雞餐」賠半年人工!點揀?

  • 【職場熱話】有病應唔應該返工?SL完戴口罩都被同事嫌:咳到好煩呀!

  • 【見工面試】點解次次講到好想請你但又冇offer 網民:見工時雙方都係演戲!

  • 【職場熱話】大家會因為咩原因而辭職?網民:冷氣太凍搞到成日病…

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow