【職場熱話】外資公司有娛樂室 員工可以隨時玩 網民:港資連去廁所到畀人話⋯

【職場熱話】外資公司有娛樂室 員工可以隨時玩 網民:港資連去廁所到畀人話⋯

最近不少人比較外資公司與港資公司的文化差別,不少人覺得外資公司的文化比港資的自由,更加着重員工的心理質素和抗壓能力,會在公司的設計上考慮到員工的需要。事實上,近年都有很多新公司的辦公室設計採用了很多新穎的元素,例如獨立的工作空間、隔音的電話亭、視像會議房間、按摩室、娛樂室、gym房等等,令不少打工仔都非常羨慕!

延伸閱讀:【NGO】註冊護士與登記護士有何分別?起薪點相差足足$10000!

不過,如果辦公室真的增設了這些設施,大家又真的會安心、自律地去使用嗎?有網民在社交平台專頁「奴工處」上投稿分享,指:「最近入咗間外國公司做,好難想像公司入面竟然有間娛樂室,如果同事做到有啲悶,可以自由入去篤波或者玩足球機。」不過,有時覺得,公司有如此多設施,那會否令員工留在公司的時間太長?又或者忙到根本其實沒有時間使用這些設施呢?

即睇網民回應:(按圖了解)

網民:「港資表示:去廁所耐啲都要出Warning……」

網民:「以前有乒乓球檯、遊戲機,都冇人玩啦!寧願快快手手做完嘢收工好過!」

網民:「雖然我公司冇遊戲室,但都有波檯,每日lunch後同放工同事都可以篤波。」

網民:「籃球場、按摩室、浴室都有!」

網民:「舊公司有:泳池兩個、室內籃球場、羽毛球場、健身室、band 房、桌球室、網球場 ,但咁又如何,隔三兩年就炒人!」

網民:「外國公司真係比較自由好多!」

網民:「有老細問我哋想唔想喺公司玩桌球,心諗已經忙到死,買嚟都係得老細左手同右手玩……」

網民:「我以前間公司,老闆試過放部xbox喺度,但除老闆自己外,冇人夠膽去玩。因為部份部門主管私下講明,邊個返工時間去玩會影響appraisal。」

網民:「普通嘢以前有間公司有梳化床可以瞓吓。」

網民:「我喺港資公司做,Pantry有千幾呎、有乒乓波枱同switch、汽水任飲!」

網民:「以前有間公司,零食杯麵放題、迫你打機、隨時可以出去買嘢食、夠時間就走得。不過打風都要喺屋企做嘢,但同事全部都係仔,得前枱同清潔係呀姐。」

網民:「金鐘office設gym room都有,電視播過!」

網民:「以前做商廈保安要揸貨𨋢,啲外資公司三兩日就嚟一次細貨(一板唧車); 一星期嚟一次大貨(最少三板唧車),全板貨都係零食同汽水。個snacks bar大到好似圖書館啲書櫃咁任食,淨係請嚟招呼snacks bar嘅打雜都三四個,問過送貨啲師傅,一板零食差唔多十皮!」

有娛樂室你會唔會用?
有網民都分享自己曾見識過的「豪華」辦公室,指除了桌球枱和足球機,更加可以讓員工打機、提供免費零食、有乒乓波枱等,而零食種類和數量都很驚人,亦不單單局限於外資公司,有些港資公司都有提供這些設施予員工。

不過,作為員工的大家,又會在何時使用這些娛樂設備呢?覺得一玩就停不了,更加有網民指,寧願花多時間於完成工作上,早點收工還好。不過,在腦閉塞的時候,來一個小休,玩一盤小遊戲,可能會讓你找到喘息的出口呢!

延伸閱讀:【NGO】註冊護士與登記護士有何分別?起薪點相差足足$10000!

延伸閱讀:【職場兩性】鍾意咗大十年女上司 對方初時示好但忽然冷淡…

延伸閱讀:【職場兩性】想同女同事拉近關係但無從入手 慘被網民指奇怪!

延伸閱讀:【職場熱話】KPI重要定工作氣氛重要?公司迫走好同事 成條team散晒…

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告