【職場熱話】同事玩大咗 將榴槤放老細房 換嚟嘅懲罰竟然係…

【職場熱話】同事玩大咗 將榴槤放老細房 換嚟嘅懲罰竟然係…

大家平時會與同事們開玩笑嗎?可能一點口頭上的玩笑,無傷大雅,但大家又有沒有試過整蠱上司呢?這樣的行為,相信大家一聽可能會目瞪口呆,這是想斷送自己的前途還是想挑戰甚麼嗎?可能很多打工仔都未必敢做,可能卻有網民分享,自己的同事竟然整蠱老細……

延伸閱讀:【職場熱話】想做職場醒目仔?6個話題避免透露!

有網民在社交平台專頁「奴工處」上以「弊家伙!玩榴槤玩大咗!」為題投稿,分享自己的同事竟然斗膽地整蠱老細!「前幾日,同事知老細超憎榴槤,特登趁佢朝早AL時放咗隻開咗嘅榴槤喺佢房,點知LUNCH後老細約咗個客上嚟開會,個客同佢一入到間房就即走返出嚟,因為公司細冇其他會議室,個客皺晒眉咁話下次先再嚟。

仲講咗句類似:『你下次見完客先食榴啦!』老細勁尷尬……最後整蠱佢嘅同事被捉到,畀老細鬧到上天花板,罰返佢當日全日喺老世房閂埋門做嘢,如果唔係就炒佢。」

不少網民看畢後都大讚老細大量,同時斥責事主的同事非常幼稚,理應立即解僱才對!大家又點睇?

即睇網民回應:(按圖了解)

網民:「呢個老細又幾好喎,用嘅懲罰方式好似教小朋友學識感同身受咁。」

網民:「對付小學雞,唔係咁罰可以點?都唔明點解出嚟做嘢仲可以咁低能,唔識分輕重。老細好大量。」

網民:「玩完老細,仲有房坐咁開心?!」

網民:「唔即炒已偷笑!」

網民:「返工搵嘢玩?傻的?仲要你哋明知老細憎榴槤都咁玩!呢個case,攪到冇咗個客,其實已經可以合理即炒唔使賠。」

網民:「老細無咗單生意,只係鬧吓你,遇到個咁好嘅老細,好心生性啲。」

網民:「幾十歲人就唔好玩啲咁嘅嘢啦!」

網民:「個staff買得都唔會怕榴槤味啦!」

網民:「我覺得個老世好好!」

網民:「明知老細唔鍾意隻味都敢擺入佢房,應該呢位老細平時都同啲員工關係唔錯,啲員工至夠膽咁樣玩佢。」

網民:「我係老細會叫佢一係將個榴槤連殼食,一係食自己。」

網民:「個老細幾好人,畀着我真係即炒!」

網民:「個老闆真係好人,無即炒個員工其實真係偷笑,個員工都成年人啦!仲咁幼稚!」

網民:「咁大個人玩都唔知分寸,冇底線,熟嘅、friend嘅,可以仲癲都得,但都要睇場合!」

 

工作要知分寸
網民一眾稱讚老細大量,指老細平時與員工的關係應該不錯,員工才會夠膽開如此玩笑,亦覺得老細只是向同事訓話和關在榴槤房中工作,是非常和善的做法。另一方面,網民紛紛斥責該同事幼稚,完全不同得分寸,令老細得失客戶,沒有被立即解僱真的要好好感恩!

有網民指:「都唔明點解出嚟做嘢仲可以咁低能,唔識分輕重。老細好大量。」、「咁大個人玩都唔知分寸,冇底線,熟嘅、friend嘅,可以仲癲都得,但都要睇場合!」其實即使與上司或老細的關係多好都好,有時真的要懂得分寸,知道甚麼是可以做,甚麼是不能做,始終有一條界線是我們不能僭越的。工作環境就應該專心工作,別做如此多餘又無聊的事!而且,這是還好老細只是討厭榴槤味,而非對其敏感,如果有些人對某些味道或物質敏感,這就危害到別人的生命和健康,不是所有事情都可以開玩笑,請各位打工仔安於工作本份,別做多餘事就好了。

延伸閱讀:【職場熱話】想做職場醒目仔?6個話題避免透露!

延伸閱讀:【職場兩性】辦公室戀情註定冇好結果?網民:咁唔係公司識 可以喺邊度識另一半?

延伸閱讀:【辭職學問】壓力大到日日發惡夢 多次辭職不成功 員工苦惱:老細扮睇唔到我封信…

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告