【職場熱話】同事家人染疫卻知情不報照返工 打工仔怒斥:責任感去咗邊?

【職場熱話】同事家人染疫卻知情不報照返工 打工仔怒斥:責任感去咗邊?

Omicron傳染力驚人,導致本港第五波疫情失控,現時每日確診數字逾萬,可謂總有一個確診者在附近。現時仍有少數公司依然維持每天返回辦公室的安排,但該等企業的員工卻心驚膽跳,害怕將會成為下個感染者。最近,有名仍須返回辦公室的打工仔到「香港討論區」發文,指摘某一位同事知情不報,導致辦公室要突然大清潔,而每位員工亦要做檢測。

延伸閱讀:【新冠肺炎】網民齊報告公司幾多人中Omicron 打工仔悲叫:應該我都就會中

即睇投稿人分享:(按圖了解)

事主:公司行A/B team,已經少好多人返office,食飯時間我地盡量分散食,始終有啲同事仔女好細個,唔想有咩事大家一鑊熟。
事主:近來有個同事返到office就已經聽見佢係咁呻鼻,諗住佢係鼻敏感,所以我地無問咁多,都覺得同事如果有唔舒服就唔會返工。
事主:點知夜晚收工之後,佢先喺WhatsApp group度話佢噚日朝早個女有燒,又咳同喉嚨痛,做快速測試兩條線。
事主:而佢夜晚返到屋企再做測試係陰性,但係佢都覺得應該要同我哋講。
事主:咩事呀?係講都唔會返完整日工先講啦係咪呀?返足成日工先講,我真係寧願你不幸確診先同我地講好過。
事主:而家好喇,就係因為佢返成日工先講,搞到而家全個office又要消毒又要做檢測啦。
事主:有啲責任感遲到嘅同事,真係我唔好彩……

網民A:懶好咁樣,返足成日工先講,真係多謝……
網民B:其實隔離當WFH定SL?
網民C:其實同住屋企人中咗要隔離一星期,我同事屋企人中咗,個老闆開頭仲白癡到想佢照返工,好彩後來改變主意叫佢唔好返。
網民C:同事擦鞋擦到癲,講價咁話隔離兩日就返,佢話要中都中咗啦。
網民D:呢個時勢大把擦鞋仔現型,咁鐘意返工就返飽佢。
網民E:你個同事算係咁,我公司班友仔日日中午食堂食,仲要喺office唔戴口罩。
網民F:我公司一定要快測到中咗先可以唔返8日,一日未中一日都要返,就算有病徵或家人感染都要返工……
網民G:我公司老闆都係好乞人憎,有個同事個女懷疑中招,即刻唔返工,老闆仲話要扣佢年假,但幾日後衛生署出埋報告先肯收聲。如果唔係個同事醒目,成間公司被老闆害死……
網民H:當越嚟越多人中招,大家就會慢慢地麻目㗎喇。
網民I:其實早中就早啲有免疫。
網民J:只要除口罩、飲杯茶或食塊餅乾,已經可以令附近的人中招……
網民K:就算唔係確診,不過係咁呻鼻,其實都幾disturbing,都好嘈。
網民L:最近要自己做好防護,無事就當然最好。

違反防疫安排可判罰款並監禁 僱主應保障員工健康

現時公立醫院與公營醫療機構瀕臨崩潰邊緣,即使是確診者也未必能夠送到隔離設施,所以現時香港主要患者及密切接觸者皆於家居內進行隔離與檢疫。根據政府「居安抗疫」網頁,密切接觸者須進行為期分別14天家居檢疫,而與密切接觸者的同住家人之家居檢疫期為4天。

假若遵從上述原則,事主同事知悉其女兒發燒並確診,理應即時在家居檢疫14天,而非返回辦公室,此舉或會嚴重影響辦公室其他同事的健康。參考政府於2022年2月23日的新聞公布,食物及衞生局局長陳肇始教授指出,任何相關人士如擅自離開處所或未有遵從檢測規定,即屬犯罪,最高分別可處罰款港幣10,000及25,000元,並監禁六個月。

雖然不少網民認同事主的同事欠缺責任感,但同時另有網民指出僱主對工作安排的取態也是造成此辦公室亂局的主因。許多網民吐苦水指其僱主為了維持運作,也不願實施特別工作安排,甚至有人講述其辦公室事例,表示「有個同事個女懷疑中招,但老闆仲話要扣佢年假」,直斥其僱主「乞人憎」。

現時是疫症的非常時期,僱主應盡快與僱員商討特別工作安排,減少互相感染的機會,共同抗疫。

【自行申報確診】員工快速測試呈陽性點呈報?按下圖睇清申報方法及注意守則:

延伸閱讀:【新冠肺炎】20大Omicron病毒常見症狀你要知!
延伸閱讀:【在家工作】兒子做公司嘅司機 最近日日話WFH 網民:做住模擬訓練先啦!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【人工智能】ChatGPT有助於搵工?近6成人使用AI寫CV後獲聘!

  • 【辭職學問】打工仔離職難開口?僅6.8%人和盤托出辭職原因!調查揭加薪最能挽留員工!

  • 【職場趨勢】Job Title趨向誇張?4大導致職銜通脹(Title Inflation)的因素

  • 【人力資源】公司炒人首當其衝?微軟前HR副總裁:最易被解僱的3類人是⋯⋯

  • 【人力資源】揭示HR數碼轉型策略關鍵Gartner:領導者要做到呢5點!

  • 【人工智能】8個ChatGPT作人力資源管理工具的優點與缺點

  • 【見工面試】Interview後獲HR私下聯絡 提醒「呢間公司好伏!」

  • 【人力資源】8大2023年HR面臨的挑戰

  • 【企業及社會責任】7個助HR實現ESG的貼士

  • 【人力資源】5個2023年HR需考慮的優先事項

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow