【職場熱話】升職但不加人工? 老闆說話震驚打工仔:●●就有機會加

【職場熱話】升職但不加人工? 老闆說話震驚打工仔:●●就有機會加

從來升職會伴隨更多責任,所以薪酬普遍會於升職後有所增加,與「升官發財」這個詞語如出一轍。假如你早前獲升職機會,但發現薪酬沒有上調,你會如何反應呢?拒絕升職還是辭職?最近,一名打工仔到社交媒體專頁「奴工處」發文,表示數個月前升職卻沒有薪酬待遇的改善,怎料老闆一句回應震驚所有網民,網民安慰事主應跟隨老闆心意而行。

延伸閱讀:【職場熱話】獲老闆主動升職、加薪想拒絕?事主:唔想好似管理層咁⋯

即睇事主分享及網民回應:(按圖了解)

事主:上幾個月大佬升咗我職但唔加人工,想問究竟係咩玩法?責任大咗但人工不變?佢仲話我title高咗,就算轉工,出去都有機會加人工……

網民:畀人搵咗笨啦!
網民:咁你唔轉工就有負老細一番心意。
網民:咁咪啱囉,正式升咗之後畀一個月通知佢,又係你叫我出去轉工加人工嘅。
網民:升職加「辛」!
網民:曲線炒魷,老闆有情有義!
網民:講到咁白,梗係即刻交信走人。
網民:佢想你辭職!
網民:即係話你hea多陣好走啦!
網民:講咩都廢,人工最實際。
網民:咁你咪見新工時多個理由問點解轉工。
網民:你唯有升咗職之後辭職……
網民:改靚CV轉工啦!
網民:攞住個title一路搵工,善用機會。
網民:攞咗封升職證明先,然後嗱嗱臨搵工。
網民:升咗一個月就出去搵喇,一陣辭職問點解走?就話大佬叫我過塘呀!
網民:某程度上佢又冇講錯,你都真係可以考慮吓拎住呢個Title準備轉工。
網民:你而家係用原價出糧但做多好嘢囉!
網民:有無諗過最衰係,Title 無轉,但工作量大增。

 

升職不加薪如「搵笨」 網民:趕人走方法

眾多網民怒斥,升職不加薪做法離譜,更多責任理應以更高薪酬補償,否則員工只會得不償失。此外,事主老闆說話震驚多名網民,一句「就算轉工,出去都有機會加人工」疑似有弦外之音,多名網民認為,這話「畫工仔畫出腸」,勸事主盡快離職尋找工作,成全老闆一番心意。另有網民指出,這種「曲線炒魷」算是較好的方法,因為更高的職銜有助轉職。

新世代未必喜歡升職

內地的「躺平主義」、日本的「低欲望社會」現象早於本港出現。本地機會不如往昔,努力未必有成果,加上樓價無止盡飆升導致新世代置業與成家無期,令年輕人缺乏上游意志,所以升職在今時今日未必是一種優待。

按圖即睇員工不願升職的原因:

 

延伸閱讀:【職場文化】不想升職成全球趨勢 薪金責任需平衡

延伸閱讀:【職場調查】機構發現23%青年選擇「躺平」 租金及樓價高企成主因

延伸閱讀:【職場熱話】獲老闆主動升職、加薪想拒絕?事主:唔想好似管理層咁⋯

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告