【職場熱話】上班日與無薪假各半卻工資歸零?! 網民:啲數學跟大耳窿學?

【職場熱話】上班日與無薪假各半卻工資歸零?! 網民:啲數學跟大耳窿學?

第五波疫情依然持續,縱使染疫數字近來有下降趨勢,但每日確診數字依然維持過萬,而今波疫情的影響早於勞工市場浮現,眾多打工仔被迫放無薪假期,更衍生了一些造成勞資糾紛的問題。薪酬固然是打工仔上班最關注的一環,不少糾紛也因此而起。最近,有名打工仔到社交媒體專頁「奴工處」投稿,表示自己某月只被迫放半個月無薪假期,但月薪計算得出的答案竟然是「零」!

延伸閱讀:【勞工法例】返兼職疑遇黑店 老闆:出少咗糧會次月出返 究竟有無問題?

即睇事主分享及網民回應:(按圖了解)

事主:最近因為疫情被迫放無薪假,某月check糧單發現一蚊都無,但明明我返咗半個月先放假,於是走去問會計,佢竟然話:「你放咗半個月假,咪抵銷返之前返工嗰半個月。」

網民:一日返工就8個鐘,但係就休息16小時,所以每日都要賠返8小時人工畀公司。
網民:咁如果成個月無返,係咪要出返糧畀公司?
網民:數學咁差做會計……auditor同呢間公司個audit真係慘。
網民:個會計係咪專做假賬?
網民:好難相信「智將」都可以做會計……
網民:你去存錢,我去提款;你將你啲錢直接畀我,咪抵銷咗囉!大家都慳返排隊嘅時間,win-win呀!
網民:佢嘅數學係咪跟大耳窿學?
網民:個會計啲數邊間學校教出嚟㗎?半個月no paid,仲有半個月係有糧計㗎嘛!
網民:佢數學由體育老師教㗎?
網民:做體育老師數學應該唔會太差,打比賽全部要計分。
網民:難道會計中咗招有腦霧?
網民:咩叫抵銷呀?返咗就要畀錢啦!無返最多只可以係無錢,而唔係扣錢喎!
網民:就當無返工 = no paid,返工一天就有一天人工!而家無返工應該係無罰款,人事部同財務部是低能?
網民:No paid leave = 唔出糧,並不等於扣糧!
網民:佢會計唔叻,但做生意真係好叻!
網民:搵勞工署啦!

抵銷論語出驚人 網民揶揄:一個月無薪假係咪要賠錢?

眾多網民對事主遭遇目瞪口呆,大都認為事主果然無奇不有,竟然有企業出現這種薪酬互相抵銷的無稽之說。有網民突破盲點問道,如果員工一整個月因被迫放無薪假而沒有回到公司,「係咪要出返糧畀公司?」眾多網民直斥該公司無良,更有人懷疑事主公司計算薪酬的負責人智商有問題。

為數不少的網民勸告事主到勞工處舉報,呼籲事主「直接報勞工處叫佢上去解釋」,並相信此事件可當作拖欠薪金論。根據《僱傭條例》(香港法例第57章),「僱主應該在切實可行範圍內盡快向僱員支付到期的工資,支付日期不得遲於工資期屆滿後七天內。」若僱主未能遵守相關規定而出現拖欠薪金的情況,僱主可被檢控,一經定罪,可處罰款港幣三十五萬元及監禁三年。

從事主發文所述可見,他於該月應有為公司工作約半個月,理應獲得相關日子的薪金。無論如何,薪金抵銷論是每個打工仔也不能接受的一件事。根據勞工處指引,僱主只能在特定的9個條件下才能扣除員工薪金,其中當然不包括薪金與無薪假日的互相抵銷。

9個僱主可扣除員工薪金的特定條件:(按圖了解)

延伸閱讀:【僱傭條例】公司停工、迫員工放有薪假期係咪合法?勞工法例咁樣講⋯
延伸閱讀:【職場熱話】打工仔想WFH 卻被迫放無薪假 法例原來咁樣講
延伸閱讀:【職場熱話】業績不佳而獲有宗教信仰上司感謝母親 下屬:另類問候家母?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告