Next
【職場好事】求職者面試自知英文差 坦言想放棄 點知HR好熱心鼓勵！
【職場好事】求職者面試自知英文差 坦言想放棄 點知HR好熱心鼓勵！
2023-08-18
求職者面試自知英文差，卻遇到了一位熱心的HR面試官。他不以英文能力為唯一標準，而是給予鼓勵和支持，讓求職者重新點燃對自己能力的信心。這種善意和關懷的力量，讓我們相信在職場上仍然存在着一些美好的人和事。你是否也有類似的經歷呢？
延伸閱讀：【另類職人】被搶劫、被襲擊可以點算好？學以色列自衛術 保護自己同身邊人！
有網民在社交媒體專頁「奴工處」上以「我英文好差，有次面試要用英文，個HR竟然咁樣對我…」為題投稿分享，指自己竟然遇到一個很好人的HR！令他在面試時有良好的體驗，他指：「想講返啲正能量嘅事！之前喺間細公司裸辭，搵工嗰陣間見到一間行內嘅大公司請人，咪send CV去博下，點知佢打嚟叫我去interview，其實冇期望過佢哋會請我，因為人哋係國際大公司，自己啲英文又小學雞，志在去拎大公司面試經驗。」
即睇事主分享及網民回應：（按圖了解）
事主：「上到去做咗幾個test，之後就見HR姐姐，一開始用廣東話同普通話講吓嘢都交到貨嘅，再嚟就用英文，但我英文水平真係好低，我直接同HR姐姐講我放棄啦，點知HR姐姐係咁鼓勵我叫都再試吓，佢仲好幫我咁一句句英文慢慢、慢慢咁對我講，嗰吓我都唔好意思放棄，用自己僅餘識嘅英文答佢問題，完咗之後佢仲同我喺度傾咗陣偈。
雖然HR姐姐最後都寫住我英文唔好，本身請人個部門唔考慮我，點知另一個部門唔介意要我。上到去簽約又係嗰個HR姐姐，佢知我英文唔好，拎住份合約同我一行行去翻譯，仲好詳細咁解釋我知。
最後呢份工做咗兩年，不過一句英文都冇講過，但我真係好多謝呢位HR姐姐，好多謝你畀咗咁大嘅機會我，你真係幫咗我好多，古語有云相由心生，呢位HR姐姐真係我見過最靚女嘅HR。」
網民：「做得嗰兩年，你對唔對得住嗰位HR姐姐？」
網民：「HR係有責任清楚解釋合約嘅每一個細節，就算我識睇佢都要講一次，呢個係作為公司代表嘅責任。」
網民：「想幫HR洗底？唔係咁易呀葉師傅！」
網民：「唔係個個HR都係有問題，師兄好彩遇到一個。」
網民：「好多公司interview會考英文對答，到真係做就一句英文都用唔着。」
網民：「祝職場好人身體健康！」
網民：「其實係好難請人！咪有部門唔使識英文咪收囉。」
網民：「HR姐姐可能主修翻譯？」
網民：「神仙HR姐姐、部門都好好，用你。感人的事件。」
網民：「咁你就學啦！成世都咁好彩咩！」
網民：「唔理呢個故事真定假都好，我喺條街度睇，都感動到喊咗出嚟！」
網民：「希望佢嘅英文會進步。」
網民：「你好幸福哦！遇到咁好嘅HR姐姐。」
網民：「可惜，如果兩年日日用英文，投稿人應該改善咗。」
網民：「我公司近排都請咗個新人，睇英文email要用google translate……份工基本上做嘢唔使點用英文，only要睇英文email，唔使覆，但新同事做咗一個月都無就quit咗。」
自我進修 勿辜負對方期望
求職者遇到了一位好心的HR，得到了鼓勵和支持。然而，網民們提醒他要正視自己的英文問題，不能僅僅因為遇到好人而心存僥倖。他們建議他要好好進修英文，增強自己的能力，以免辜負HR的期望。
當遇到善意的幫助時，我們應該珍惜和感激，同時也要有自我成長的意識，積極提升自己的實力。只有這樣，我們才能更好地回應他人的期待和支持！
延伸閱讀：【另類職人】被搶劫、被襲擊可以點算好？學以色列自衛術 保護自己同身邊人！
延伸閱讀：【職場健康】咩係「亞健康」？測試自己係咪喺健康同生病之間嘅狀態！
延伸閱讀：【職場文化】講嘢直率唔識包裝 職場新人相信認真工作就會被認同 網民：學吓禮儀先！
延伸閱讀：【NGO百科】喺NGO做HR有咩唔同？需要具備咩入職條件？
最新專訪片︰
【Office豪華旅行團】華懋集團新辦公室轉型！每層都有唔同主題嘅Social Hub 又靚又方便
讚好 CTgoodjobs 專頁，獲取更多求職資訊！
相關文章
唔想錯過最新職場新聞、搵工貼士同好工推薦？立即接收 CTgoodjobs 推送！