Next
【職場八卦】網民盤點鬧客鬧上司職業 咩工可以鬧完人仲要對方道歉？
【職場八卦】網民盤點鬧客鬧上司職業 咩工可以鬧完人仲要對方道歉？
2023-03-02
香港人工作壓力龐大，為了保住工作每天只能忍氣吞聲，默默忍受上級、同事及客戶的責難卻無從發洩。如果獲得一份「奉旨鬧人」的工作，心情是否就能豁然開朗？有網民於連登討論區發文討論，集思廣益盤點工作時不禮貌對待客人或老闆的行業，當中又有多少個行業符合你心目中的標準？
即睇網民盤點鬧客鬧上司職業（排名不分先後）：
1：的士司機
網民：雖然都見過好多好好嘅的士司機，但有啲態度差嘅係會由個客上車鬧到落車，再搞大件事報警＋拍片擺上網。
網民：做的士司機仲可以話返個車主，投訴佢畀咁多錢租架車返嚟，冷氣又無風、行落又無力⋯⋯
2：教車師傅
網民：親身經歷，試過約好晒時間練車就臨時放飛機，上堂淨係識鬧人乜都無教過，去到考試嗰日都仲可以遲到。你出得嚟教係咪好應該有返少少責任感？
網民：試過遇到個教車師傅得閒就鬧你兩句，鬧完又唔講返應該點做。無奈考個牌要嘥好多精神時間，成本太大，班學神都無謂深究落去⋯⋯
3：監獄教官
網民：睇戲見好多監獄阿Sir鬧完個犯仲要對方Say Sorry，就算明明無做錯嘢都可以搵嘢嚟鬧，有得咁樣出住糧畀你鬧人嘅工去邊度搵？
網民：總之喺監倉入面阿Sir就係王道，你做錯嘢佢唔鬧到你盡已經要劏雞還神。獄長有咁多行政上嘅嘢要兼顧，邊得閒理阿Sir點樣鬧你？
4：老師
網民：識人做老師，見啲學生教極都唔識嘅時候同學生講嘢語氣都會不自覺重咗，鬧到啲學生喊⋯⋯不過佢哋咁細個，應該都未識向家長投訴。
網民：細個試過被老師罰留堂，留到佢OT完先走得，佢咁樣罰學生心理係咪會平衡啲？
即睇網民回覆：
網民：侍應算唔算？見啲好出名嘅茶餐廳就算服務態度幾差都大把人排隊去幫襯。
網民：其實所有職業都得，不過得一次機會，鬧完老闆就以後都唔使見到佢。
網民：究竟咩人有啲咁嘅本事，可以周圍鬧人都唔使承擔後果？
網民：諗諗吓好似咩工都得⋯⋯試過返Part-Time鬧過老闆娘，最後都無被佢炒魷魚。
網民：工程行業又算唔算？試過有次返過地盤，啲人全部用粗口溝通，係人就鬧⋯⋯
嫌正職人工低想再賺多啲？即睇8大打工仔熱門副業。
即刻按圖了解更多網民理想工作！
延伸閱讀︰【鐵飯碗】網友盤點5大最穩定不被炒行業 有份工竟然比公務員競爭更低？
延伸閱讀︰【工作模式】炒散開心過返長工？網民盤點10個炒散優勝之處
延伸閱讀︰【職場辛酸】盤點5個送貨員辛酸 網民：以為日曬雨淋已經好辛苦⋯⋯
延伸閱讀︰【防老秘訣】唔想擔心退休後生活？ 盤點5個老年生活規劃小秘訣
最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像
Look out for further updates on our Facebook fan page!
Follow CTgoodjobs for the latest career news, hot topics and recommended jobs!