【第五波疫情】公司有人確診但堅持唔畀WFH 大肚同事:點解咁老闆刻薄

【第五波疫情】公司有人確診但堅持唔畀WFH 大肚同事:點解咁老闆刻薄

近日本港確診數字屢破新高,單是第五波疫情的確診者已高於前四波的總和,因此不少企業都實施Work From Home,呼籲員工盡量留在家中工作。可是,不是每個老闆都有同理心。日前有懷孕36周的媽媽在網上發文,指公司有多宗確診,但老闆堅持不能WFH,令她擔心自己和胎中寶寶的健康。

延伸閱讀:【勞工法例】有咗BB告知老細要請產假 老細:你哋夫婦開心關我乜事?

按圖了解懷孕員工的遭遇:

事主:「公司幾日內爆咗3單確診,但老闆堅持唔畀work from home,要員工(包括懷孕36周的我)返工。雖然我自己驗過係negative,但都好擔心返去會被感染。又唔知其他同事係咪真係negative,同埋萬一我被感染都唔知之後去醫院產檢生仔嗰啲點算。」

「其實我都只係返文職,喺屋企做嘢完全無問題,唔明點解有啲老闆會咁刻薄?我同家人商量咗,決定用年假加病假咁請,盡量拖到放產假(之前請定)。預咗我而家請假,公司一定會畀說話我聽,但我諗任何一個媽媽都唔敢再返去搏。只係唔明⋯⋯公司爆緊,老闆唔怕自己都會受感染㗎咩?」

網民意見:

網民A:既然你而家都36周,不如前四後十提早放產假啦!

網民B:請sick leave或者no pay leave,總之一定唔會番囉。

網民C:唔好為呢啲公司動氣,安心放假先,無嘢緊要得過BB。

網民D:同你一樣處境,我都22周,但老細唔肯畀我WFH,無咁多假捱到産假⋯⋯

網民E:再唔係請病假囉,我都係每次睇中醫開一星期假紙,老細吹我唔脹。

網民F:再刻薄啲都有,我有次流啡血放緊病假,打算穩定12周先番工,點知上個月扣咗我份bonus。

網民G:而家疫情咁嚴重,為BB著想唔好出去啦,你老闆真係唔識轉彎,無人情味!

網民H:我公司都無防疫意識,老細平時戴口罩淨係遮住個口,我每日返公司都好驚,黐綫!

大多數網民都贊成事主不要回公司工作,並提供多項建議,例如提早放產假、請病假、用盡大假等等,總之要減少與人接觸的風險,萬事以寶寶健康為先。

政府在前年正式刊憲,將法定產假由10周增加至14周,每位合資格女性僱員每月最多可獲8萬港元產假補貼。根據《僱傭條例》,產假分為有薪及無薪,僱員要符合特定條件才可享有14個星期的有薪產假;由僱員經醫生證明書證實懷孕之日起,至產假結束而應復工之日為止,僱主亦不得解僱該僱員。僱主可被檢控,一經定罪,最高可被罰款10萬元。

如果孕婦想享有14月周有薪產假,要符合以下要求:(按圖了解)

延伸閱讀:【職場熱話】日資公司規定員工行樓梯返工?職員爆料:大肚婆都無情講

延伸閱讀:【職場歧視】老細質問懷孕員工:你有冇心喺度做?定因為有BB先留喺度?

延伸閱讀:【勞工法例】女同事入職不久即結婚兼大肚 產假有薪無薪點樣計?

如果大家在職場上有不開心想發洩,或是對《勞工法例》有疑難,歡迎投稿給我們,我們會盡量解答你的問題,當打工仔的樹洞!👉 https://forms.gle/o2K2DaZWXzLFhypT7

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】公司實施AB Team政策 但女同事居然為了OO返office?

  • 【職場健康】九成打工仔因WFH產生負面影響 報告指重返辦公室有助提升幸福感

  • 【在家工作】WFH增資料外洩風險 私隱公署建議9招保障個人資料

  • 【Omicron襲港】銀行界重啟WFH 一文睇清各大銀行應對疫情工作安排

  • 【ESG】混合工作模式有助企業達成ESG目標 推動性別平等、減少碳排放

  • 【在家工作】Work from home都係投資之一?點樣先進入工作狀態?

  • 【在家工作】80、90後打工仔拒絕WFH 原因簡單又直接

  • 【在家工作】企業實行混合工作 令工作效率降12%

  • 【在家工作】微軟調查︰73%員工望繼續遠距離工作 推新功能解決企業痛點

  • 【職場文化】疫情工作方式轉變 員工發揮機會減16%

Jobs You Maybe Interested In

刊登招聘廣告