【打工仔辛酸史】打工仔放假去旅行 竟因為OO畀上司鬧爆工作能力低!事主大嘆:啖氣真係吞唔落……

【打工仔辛酸史】打工仔放假去旅行 竟因為OO畀上司鬧爆工作能力低!事主大嘆:啖氣真係吞唔落……

正所謂「休息是為了走更遠的路」,不少打工仔每天努力工作,只要一有時間便會放假讓自己在家好好休息,或者出外旅遊,排減工作壓力。不過,若然打工仔在放假期間接到公司訊息,又會處理呢?

近日,有網民於香港討論區發文,指自己早前出外旅行,每晚都有留意公司有否緊急事務需要自己處理,豈料返回崗位時,卻遭到上司斥責,更大鬧事主沒有回覆訊息是工作能力低的證明,令到事主深感不忿,更明言「啖氣真係吞唔落……」

延伸閱讀:【職場熱話】每次同事請假 上司都會發脾氣 網民:我都試過因請假差啲被炒

按圖了解網民回應:

事主:上星期請咗假去咗幾日旅行,由於放緊假嘅關係,我見公司無咩好緊急嘅訊息所以就無覆過。點知今朝返工嗰陣上司行埋嚟,問我去旅行去得開唔開心,之後就畀說話我聽,話「你放假真係放假,完全唔理公事喎」,上司仲話即使佢平時放假,公司有咩urgent嘢都會照跟。

我好直接答佢:「嗰陣我放緊假,同埋每晚返酒店嗰陣,都有望吓係咪有啲urgent嘢需要我處理,但睇完都係啲好普通嘅事嚟,唔需要我都可以解決到。」上司聽到之後就鬧我:「咁咪即係你工作能力低囉!」

真係好嬲,佢覺得咩原因要我放假都要做嘢,仲要我真係有留意公司係咪有緊急嘅要我處理,咁樣都話我工作能力低?一定要邊旅行或者放假邊做邊玩先叫工作能力高?啖氣真係吞唔落……

網民A:我自己就做team head嘅,無論夜晚定放假、件事急唔急,我都會照覆一覆,畀人知道我收到啦,唔使擔心。呢個係我以前份工養成嘅習慣,就算而家轉咗工唔需要都會咁做。睇你緊唔緊張份工啦,無話啱定錯嘅,只係人哋會覺得你緊張你手頭上嘅工作。

網民B:人工高唔高先?高就忍;唔高就唔使理。

網民C:如果你自知自己係overpaid,或者入職時講到明要on call嘅話,咁就真係無得怨。

網民D:其實係公司管理差。如果有人放咗假,無同事跟到嘅話,咁員工放假前,上司一定會搵人過來跟一跟啲嘢,避免影響公司運作。

網民E:唔理佢啦,放假都要做嘢咪即係無放過假!

網民F:其實只係試吓下屬好唔好控制,每個上司都希望下屬好控制,咁樣可以無風險叫佢做多啲嘢。

網民G:香港工作文化係咁,我公司有啲外國客,佢哋只要放緊假就唔會覆所有嘢……

網民H:其實好多老海鮮成日講公司有咩urgent,放假都會照跟,仲要逼新一代嘅人跟呢套思維。成日覺得係佢哋睇唔過眼,明明自己咁樣捱返嚟,但新一代追求work life balance都可以升職加薪,所以搞到心理唔平衡,要其他人都要跟佢套公司上位形式!

網民I:放假都要處理公事真係好反智!上司話係urgent嘅,係咪去緊旅行嗰陣唔理老婆仔女,即刻飛返香港處理?如果間公司無咗邊個唔得,莫講話放假,應該工都唔好收,直接瞓埋喺公司!

已經唔係話咩work-life balance,打工本身就係一場買賣,喺限定時間內賣自己的能力同時間畀公司。公司成日要啲員工當公司係自己屋企,但轉頭又唔會對員工手下留情。根本成個香港職場文化係畸型嚟!

網民J:如果你去個旅行,上司可以令到公司冧晒檔嘅話,咁其實上司喺公司係可有可無喎!

網民K:唔明點解唔需要樓主都可以解決嘅問題,你上司會話你工作能力低?你上司啲邏輯都好混亂吓……

延伸閱讀:【2024病假申請】公司規定SL一定要醫生紙 經期想唞一日都唔得?有病就要睇醫生 VS 一日唔使病假紙!

對於事主的經歷,不少網民都深表同情,指出事主即使放假期間亦有查看公司有否緊急事務需要事主出手相助,事主認為其他問題不大才沒有回覆訊息,網民表示事主已經盡了他的責任,痛斥上司的行為過分,更稱是上司管理不善,才導致員工需在放假期處理公事,令員工未能好好休息,失去放假的意義。

不過,有部分網民表示出於禮貌關係,放假期間收到公司訊息亦應該要簡單回覆,表示自己了解狀況,會在上班時處理,向上司及管理層知道自己對工作十分上心,讓他們對事主留下深刻印象,提高晉升機會。

公司強逼員工放假工作,是否犯法?

根據勞工處在《勞工法例》中的《第四章:休息日、法定假日及有薪年假》列明,僱主不得強迫員工在休息日工作,如有緊急事故,必須要員工處理公務,必須另定休息日予員工。

延伸閲讀:【職場熱話】躁狂症老闆日日搵「戰靶」鬧 事主:無做錯不停受氣

按圖即看為何同事放假都會返公司做嘢:

延伸閲讀:【職場熱話】打工仔表示返工冇晒私人時間 網民:有埋小朋友仲得了?

按圖即看老一輩是否特別捱得:

延伸閲讀:【職場熱話】公司有特殊請假規矩 網民:好唔人性化……


最新專訪片︰

【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【打工仔被炒】請病假去見工被公司發現!HR批打工仔無誠信決定即時解僱 網民:你下次都係請AL去見工啦!

  • 【極品上司好難頂!】上司經常送禮請食飯然後勞役員工 同事差啲無埋條命同婚姻 網民:做人最緊要有底線 唔好公司叫你做咩就做咩!

  • 【職辭照被鬧】打工仔已辭職 事後仍遭到上司大鬧特鬧!事主:更加確定當初遞信係無遞錯到!

  • 【返工VS.讀書】細個想返工 出嚟做嘢先發現讀書嘅美好 事主慨嘆:成日以為讀書辛苦,其實根本就係呃自己

  • 【無良老闆】返工突然暈低發現身患大病 公司以經濟不景為由不再續約!網民:你返得合約工就預咗㗎啦

  • 【面試奇怪事】見見吓工 HR突然要求求職者展示歌喉!事主大嘆:我又唔係要做歌手 叫我唱歌係咩事……

  • 【拖欠薪金】返兼職1個月 份糧竟出少咗三分之二!網民:直接搵勞工處備案!

  • 【打工真係好大壓力!|壓力大徵狀】一人一個返工壓力大徵狀!晚晚失眠、極不願意入公司門口、電話一響就焦慮……

  • 【扮工扮出禍|WFH|銀行熱話】銀行員工扮工扮出禍?美富國銀行突炒10多名員工 因為用咗OOO神器!一文睇清僱主可以點樣有效防止員工「扮工」

  • 【月入幾多先正常!】香港生活成本高 究竟要月入幾多先夠生活?網民:唔使供樓月入$2萬至$2.2萬就夠!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow