【失業裁員】經濟下行香港將會衰退十年？網民一人一個求職經歷力證市場現況！

CTgoodjobs' Editor

Published: 2025-06-20 22:00

Updated: 2025-06-20 22:00

近期香港經濟面臨多重挑戰，導致失業率持續上升，勞動市場壓力日益加劇。根據政府統計處最新數據，2025年2月至4月期間，經季節性調整的失業率由1月至3月的3.2%上升至3.4%，約有12萬9,400人失業，較之前增加約6,600人。同時，就業不足率亦由1.1%升至1.3%，反映出不僅失業人數增加，部分勞動力雖有工作，但工作時間或職位未能充分發揮其能力。

網民在網上平台「Threads」上發文表示近日留意到香港市況面對失業、裁員，結業潮，有部分他認為持「悲觀論」的人揚言香港經濟將會衰退十年。現在市場上充斥着這些流言蜚語，令社會亦帶着負面風向。網民不禁疑問，「其實係咪真係差成咁？」引一眾網友熱議自身經歷，力證市場現況。

即睇事主分享及網民回應：（按圖了解）

+18

+17

事主：最近見到好多失業裁員結業，有啲悲觀嘅話香港經濟嚟緊會衰退十年！

睇得多都覺得個人好負面，其實市況係咪真係差成咁？

網民A：係好差，我返診所，一星期有開6日，有3日全日得3個症！

網民B：我公司日日都收好多CV！有好多都好好經歷，但係空窗期咗好耐，一路搵唔到工！有啲Fresh Grad嚟見工時話成年無人請！有次佢開價1.6萬（佢讀嘅科係專科！絕對唔止呢個價！）對方壓到佢1.4萬，佢話諗一日，跟住已經請咗其他人。我哋公司Post任何位，真係任何位，都會收到無限多CV！巿道真係好差！

網民C：觀察下，然後自己判斷！

中環甲級寫字樓空置率（判斷金融行業）

地產樓價價位（判斷地產行業）

出口數據及貨櫃吞吐量（判斷出口貿易加物流行業）

知道呢啲走勢，你咪知道香港經濟走勢！

網民D：唔止香港，我住澳洲，呢個月已經炒咗幾百人！

網民E：最近招聘收到好多CV，比以前多幾倍！仲多咗非本地人CV，甚至一啲外勞Agent！感覺好大競爭！

網民F：肯定未差完，會唔會差10年就唔敢講……失業率宜家先開始見真章！負資產宜家先至浮上面，富豪嗰班愈來愈多成幢大廈變銀主盤畀銀行收，銀行捱到今日先開始炒人！與其話係衰退，我更加傾向話係「大洗牌」！

網民G：你打開求職網仍然有公司招聘人，咁又代表咩？

即使被裁亦唔代表世界末日，視乎你願唔願意放下身段，做啲工時稍長，薪酬可能比以前低少少工作都仲有！

當然如果你能力好出眾唔需要自降身價，根本唔需要擔心，外勞都挑戰唔到你！

網民H：一啲以前大排長龍嘅零售店都變得好靜，老闆心態收細咗就唔會開返大，你話仲點會有職位空缺？

香港經濟正處於一個充滿挑戰與變革的階段。雖然面臨失業率上升和裁員潮，但同時也有新興產業和市場機會的出現。政府及社會各界需攜手推動經濟多元化和勞動力培訓，協助勞動者適應市場變化。對求職者而言，保持靈活和積極的態度，提升技能，善用各種資源，是應對當前嚴峻就業形勢的關鍵。未來發展雖充滿不確定性，但透過調整與創新，仍有望迎來新的機遇與成長。

延伸閱讀：【裁員潮】公司要求員工揀「被裁」或「自離」兩要素分析點選擇最着數！

+24

+23