Next
合約條款列清楚 書面合約保障多
合約條款列清楚 書面合約保障多
2022-12-21
資料來源: 勞工處
小雲相約好友Jenny一起去購物，但Jenny最近就年終酬金和公司發生爭拗，所以滿面愁容。
小雲：「Jenny，就嚟出雙糧同年尾花紅喎，點解咁唔開心啊？」
Jenny：「唉！年初請我嗰個經理明明同我講過，只要好好工作，冇犯嚴重過失，年底就可以攞到年終酬金。但而家負責人話公司只會按盈利同個別員工嘅表現，酌情發放『賞贈性質』嘅酬金。」
小雲：「吓！你份僱傭合約冇訂明發放年終酬金嘅準則、酬金期同支付日期咩？」
Jenny：「公司冇同我簽書面僱傭合約㗎，加上請我嗰個經理又已經離職，所以呢筆年終酬金都應該凍過水啦……」
小雲：「其實無論書面或口頭合約，僱員嘅權益同樣受到《僱傭條例》保障，不過，書面僱傭合約清楚列出各項僱傭條件，可以提醒僱傭雙方嘅責任同保障雙方嘅權益，減少不必要嘅爭拗，對勞資雙方都有利。」
Jenny：「我下次會㗎喇，咁訂立書面合約時有咩要注意啊？」
小雲：「合約應以合理和公平嘅原則訂立。書面合約須列出僱傭雙方同意嘅薪酬福利、工作條件、假期同終止僱傭合約通知期等。僱員喺簽約前要細心閱讀合約內容，有唔明或唔清楚嘅地方，就要問清楚。仲要記得喺簽約後，保留一份合約副本。想了解多啲，最好就上勞工處網頁睇吓『使用書面僱傭合約』小冊子啦。」
使用書面僱傭合約
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!