【卡塔爾世界盃】老闆要大家畀$500估世界盃邊個係冠軍 有冇犯法？

今年卡塔爾世界盃的氣氛可能比過往的世界盃氣氛沒有那麼刺熱，不過都無阻一眾真正球迷睇波的心情！不少人是真心的喜歡足球，看球賽的樂趣就是單純欣賞球員、部署，雖然有些人就覺得賭波才是樂趣來源，不過只是要合法，就各取所需，投其所好就可以。

延伸閱讀：【卡塔爾世界盃】足球上的職場啟示 你適合踢咩位置？

然而，有公司的老闆卻不知道是想帶起辦公室的睇波熱，還是意圖不軌想做犯法事，竟然迫大家賭波！有網民在社交平台專頁「奴工處」上投稿指：「Admin話老闆要每人畀$500，估世界盃邊個國家冠軍，唔畀就要自己入去同老闆講。咁即係被迫賭錢？$500對你係閒錢，對我夠一星期用！」這會犯法嗎？如果你是那些同事，你又會怎樣應對？

即睇網民回應：（按圖了解）

網民：「老闆經營外圍。」
網民：「我撐中國隊！但中國隊冇參賽，所以我都唔玩！」
網民：「到時冠軍爆大冷記得賠足，唔好諗住賠個Double就算。」
網民：「唔使講咁多，報警喇，非法收外圍賭博。」
網民：「課咗會變參與咗，唔課又即係話咗畀老細聽自己就係鬼……」
網民：「報警處理。」
網民：「你腦細係病態賭徒？唔只自己賭仲要迫人賭，真有病！」
網民：「唔好跪，佢一陣要求每人6千你都玩咩？」
網民：「『 老闆！5舊好小事！但估中出三糧！估錯出雙糧！又冇法律問題幾好呀！』」
網民：「我會揀自己入去同老細講我唔賭錢，無得解，唔賭就唔賭，係咁。傻的嗎，想賭去馬會唔好，做咩要佢賭？」
網民：「我阿媽唔畀賭錢，有咩你同我阿媽講。」
網民：「冇話估中有得賠，點算係賭？」
網民：「咁更加要賭！贏咗夠使幾個月！」
網民：「錄低當證據，未來有啲咩事就靠佢喇。」
網民：「你喺度出post，又冇寫你有乜實際行動，咁證明你係一個冇能力反抗嘅職員，快啲畀錢啦，記得表情要興奮啲，仲要同同事討論賽果呀！」
網民：「支持報警，咁嘅老細同admin唔可以姑息。」

有冇犯法？
根據《賭博條例》 (香港法例第148章) 訂明，除了獲政府授權開辦受規管的賽馬、足球博彩及六合彩的馬會、獲民政及青年事務局發牌批准的營運者如麻將館，以及受法例豁免的社交性質賭博活動之外，其他賭博活動均屬非法。根據現行法例，非法收受賭注，最高可被判處罰款港幣500萬港元及監禁7年；參與非法賭博最高可被罰款3萬港元及監禁9個月。

所以很多網民都指，事主應該報警處理！亦有網民覺得不應該屈服於強權之下，要入房解釋就入房解釋清楚，指：「我會揀自己入去同老細講我唔賭錢，無得解，唔賭就唔賭，係咁。傻的嗎，想賭去馬會唔好，做咩要佢賭？」

切勿以身試法！

延伸閱讀：【卡塔爾世界盃】足球上的職場啟示 你適合踢咩位置？

延伸閱讀：【卡塔爾世界盃】同事祼辭只為睇世界盃！及時行樂就係任性？

延伸閱讀：【卡塔爾世界盃】森保一無解調動致落敗 硬頸上司如何逆境求存？

延伸閱讀：【卡塔爾世界盃】唔識睇波 怕喺職場冇話題？偽球迷秘笈你要知！

延伸閱讀：【卡塔爾世界盃】睇波OT搞到第二朝返工無精神？5招教你健康捱夜

延伸閱讀：【卡塔爾世界盃】沙特阿拉伯慶祝反勝阿根廷 全國放假一天！一文了解當地職場文化

延伸閱讀：【卡塔爾世界盃】虛擬銀行ZA Bank貼心員工福利 增設一天射波假兼攞正牌遲到

⏩⏩  需要請人？立即刊登招聘廣告！  ⏪⏪