勞工處︰共建銀齡友善職場

小雲與任職人力資源顧問的舊同事Carrie聚舊，談及公司人手不足的問題。

小雲：「公司有幾位同事就嚟退休，但成兩個月都請唔到合適人選，好頭痛呀！」

Carrie：「你哋公司有冇考慮過續聘佢哋？僱主可以按企業嘅個別情況，靈活咁聘用年長人士，例如延長退休年齡，或者提供兼職崗位，咁就可以留住人才，幫公司應對人手需求。」

小雲：「聽落幾好喎，佢哋熟悉公司運作，咁樣真係慳返好多時間同資源。」

Carrie：「係呀，佢哋具備豐富嘅經驗、知識同技能，做事成熟穩重，仲可以幫手培訓新人。支持佢哋就業，既可以解決人手短缺嘅問題，又可以促進知識傳承！」

小雲：「收到！公司仲可以點樣支援佢哋？」

Carrie：「公司可以推行彈性工作安排，方便佢哋兼顧工作同家庭；亦可以根據佢哋嘅體能狀況，安排適當休息時段；再加埋提供輔助工具同設備，例如加強燈光照明、提供活動放大鏡同可以調節字體大小嘅電腦顯示屏等，都能幫助佢哋更舒適咁完成工作。如果你想知多啲，可以參考勞工處出版嘅《共建銀齡友善職場》小冊子。」

小雲：「好啊！等我話畀老闆聽先。」

Carrie：「『老友記』擁有寶貴嘅工作同人生經驗，值得我哋重視，只要有合適嘅工作機會，佢哋一定可以繼續發揮所長！」

《共建銀齡友善職場》小冊子

⏩⏩  需要請人？立即刊登招聘廣告！  ⏪⏪