【勞工法例】面試被迫回答生唔生小朋友 網民:我公司試過邊個大肚就被炒⋯

【勞工法例】面試被迫回答生唔生小朋友 網民:我公司試過邊個大肚就被炒⋯

很多無良顧主不喜歡女員工放產假,因為需要調配公司人手以配合,彷彿有所虧蝕,不過,他們又不考慮一下,自己都有母親生,自自然然需要產假才不至於太辛苦和吃力。這一點很多老闆都會不自覺地忘記了……

延伸閱讀:Speed Dating定用交友App好? 最多單身職業係工程師、醫生……

有網民在社交平台專頁「奴工處」上以「老細唔畀人生仔」為題投稿分享,面試時被迫回答是否會生小朋友,老闆更坦言自己其實只想請男力,奈何沒有一個男求職者適合,令事主非常震驚,這是歧視嗎?

即睇事主分享網民回應:﹙按圖了解﹚

事主:「話說我去in senior officer 之類,老細interview 時問咗我一個問題,問我會唔會生小朋友。」

事主:「老細話希望坐呢個位嘅人可以做三五七年,所以唔想呢個位有幾個月係冇人坐

同埋前4後6 好嘥時間。」

事主:「又話本身想請男人,只因男人唔使生仔,又冇產假,又唔使湊仔,可惜冇個男人睇得上眼。」

事主:「後來我就答唔打算生小朋友,佢就請我啦!不過我做咗兩個月走咗,原因係我實在頂唔順呢位老細。」

事主:「經常收工都打嚟問公事,完全冇哂私人時間做家庭嘢,其實呢句說話係有歧視成份?認真,我生唔生小朋友關你鬼事咩?」

網民:「我生仔,我老細講咗 N 次最衰我有咗,仲話我放產假太長,問我可唔可以遲啲放或唔放咁長。」

網民:「我之前間公司呀,邊個大肚炒邊個。」

網民:「有啲老細會揀一啲仲好後生,或依家近三十幾,預佢唔會再生嘅女性。佢哋有時會覺得剛請她回來冇耐又要畀產假,好似賠咗畀嗰員工咁!」

網民:「所以有啲公司填入職嗰陣會問埋婚姻狀況,同埋有幾多個小朋友。」

網民:「以前做零售,試過兩年內,六、七個高中低層同事放產假,連未婚小妹妹都大肚,激死老細,不過無炒過人,以前有人情味好多。」

網民:「 其實有咩好計較,撫心自問,計較嗰位都會結婚生仔,佢唔喺女人佢阿媽同老婆都喺女人,點解唔人性少少去睇件事?香港有勞工法例,跟足勞工條例去做咪得囉!又唔喺叫你畀多啲佢哋,何苦咁斤斤計較呢?」

網民:「佢同你講諗住請男人,已經係性別歧視啦!」

網民:「可以去平機會告佢家庭崗位歧視!」

網民:「『只因男人唔使生仔,又冇產假,又唔使湊仔』 男人有侍產假,亦都要湊仔,呢位老細諗嘢都幾有趣!」

 

《家庭崗位歧視條例》的作用是甚麼?
《家庭崗位歧視條例》(條例)於一九九七年六月二十六日制定。根據條例的規定,任何人如歧視具有家庭崗位的人,便屬違法。有關人士可以就指定活動範疇內的家庭崗位歧視提出投訴,投訴範圍並包括直接歧視和間接歧視。

任何人因另一人曾經或打算根據條例作出投訴,而給予該人較差的待遇,也屬違法。這項規定也適用於為投訴作證的人。

什麼是家庭崗位?
「家庭崗位」指負有照顧直系家庭成員的責任的崗位。

「直系家庭成員」,就任何人而言,指因血緣、婚姻、領養或姻親而與該人有關的任何人。這定義涵蓋了獲法律承認的各種關係,例如父親、母親、兄弟、姐妹、丈夫、妻子、兒子、女兒、祖父母或外祖父母、孫子女或外孫子女、姪女或甥女、姪兒或外甥、岳父或家翁、岳母或家姑、配偶的兄弟姐妹,以及其他上文未能盡錄的關係。

甚麼是直接歧視?
直接歧視是指在相同或無重大分別的情況下,任何人給予具有家庭崗位或某家庭崗位的人的待遇,差於他給予並無家庭崗位或相同家庭崗位的人的待遇。僱主歧視須照顧年老父母的求職者,就是「直接歧視」的例子。

甚麼是間接歧視?
當某項要求或條件表面上看似不帶歧視,而事實上對具有家庭崗位或某家庭崗位的人有不公平的影響時,便屬於間接歧視。舉例來說,如果一家公司只聘用可以不定時工作的職員,則很多負有照顧幼兒責任的人很可能未能符合這項工作要求。如果沒有合理的理由支持有關要求或條件,該項要求或條件便可能構成「間接歧視」。

條例涵蓋那幾個活動範疇?
條例訂明,任何人如果在指定的活動範疇內歧視另一人,即屬違法。有關範疇包括:

.僱傭;
教育
.貨品、設施或服務的提供;
.處所的處置或管理
.諮詢團體的投票資格及被選入或委入該等團體的資格;
.會社的活動;
政府的活動。

提出申訴
平等機會委員會負責監察條例的執行情況。你如果受到你認為與條例規定有抵觸的待遇,可以向委員會尋求協助。

任何人可以向委員會提出書面申訴,委員會會隨即進行調查,並鼓勵爭議雙方和解。如果未能達成和解,而受害人決定訴諸法庭,委員會可以在法律程序上提供協助。委員會在處理所有申訴及查詢時,都會緊守保密原則。

除此之外,你也可以親自向法庭提出法律程序。

平機會的聯絡方法 
地址: 香港黃竹坑 香葉道41號16樓 
電話 : (852) 2511 8211 
圖文傳真 : (852) 2511 8142 
網上查詢及投訴表格:請按此 https://www.eoc.org.hk/zh-hk/about-the-eoc/contact-us
電郵: eoc@eoc.org.hk [請留意,此電郵地址不適用於與反歧視條例有關的查詢及投訴。]
 

延伸閱讀:Speed Dating定用交友App好? 最多單身職業係工程師、醫生……

延伸閱讀:Speed Dating活動種類多 整蛋糕、郊遊 最受歡迎竟然係…

延伸閱讀:【時鐘酒店】新式主題爆房吸年輕人 負責人:SM、和風乜都有!

延伸閱讀:【時鐘酒店】分手嗌交、玩屎都未算衰 最驚係成床OO!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告