Next
【伏工特徵】見Office工要小心！網民喻求職者面試被要求做1件事即放棄？「呢啲公司多數好麻煩！」
【伏工特徵】見Office工要小心！網民喻求職者面試被要求做1件事即放棄？「呢啲公司多數好麻煩！」
2024-10-10
好工作可遇不可求，若果獲得心儀工作的面試邀請，求職者很容易一股腦兒集中火力於爭取這份工作，失去探知「伏工」的警覺性。有網民在Threads向求職者作出提醒，勸喻他們若被應徵公司要求做一件事，就馬上放棄職位，「這種公司多數很麻煩」。
Table of Content
網民分享1個公司的伏工要求
點圖了解更多
事主：「奉勸所有搵工嘅朋友，如果份工需要你做assignment，呢啲工唔好見。
或者要你喺面試嘅時候即場做test，呢啲工都唔好見。
我講緊嘅係office工。做assignment的話，有啲公司好衰，會抄你橋；見工要做test，呢啲公司通常好麻煩。
啱啱有朋友見完份工，開頭為咗𠱁佢做兩個PowerPoint，HR 落足嘴頭話就嚟請㗎啦，係差做PowerPoint呢步，我朋友做咗幾晚通宵之後，呢間公司話呢個position暫時hold住先。」
網民回應事主
A.有邊間公司唔使做test請問？Apt test、coding test、personality test，仲有written test 呢啲都好基本咋喎。
B.我試過有次見工，個written test係要英文寫「你覺得呢個行業有咩前景」500字。寫咗兩句就出去同佢講我寫完，拜拜。
C.我以前喺香港係幫手做埋HR，阿姐畀份test人in account，個女仔幾堅，一入到嚟見到份嘢就話唔好意思份工唔啱我，我要走先。
D.苦主表示試過請人佢CV寫識excel，然後唔識set條formula計percentage，所以做test是必須的。
E.見過一份小有名氣嘅餅店，佢哋請Sales Admin，見咗一個半鐘，要考我excel、marketing skill、記性，最癲係pack貨都要考埋，真係即場畀幾張貨單我執。
再不斷強調因為上一手好出色咩都識做，所以希望新請嘅都係咁，心諗關我咩事？咁你咪搵返上一手做囉，極後悔畀佢浪費咗1個半鐘時間。
F.畀人呃過我整game嘅UI，嗰陣我已經有4年經驗，要我一個鐘內出兩隻game嘅user flow同UI。佢話想睇吓我諗嘢嘅方向，然後喺我做緊嘅同時，我見到舊底有好多人都design咗同一樣嘢（都有五六份design）自此要做task嘅公司我都唔會見。（大企業除外）
G.都幾賤，可能佢分分鐘請埋第2個。其實如果個PowerPoint做得好，應該要直接請埋，搞咁多嘢為多一條橋，間公司應該都窮途沒路，多餘。
我請個marketing好直接，睇portfolio同performance record，用32k試工就知夾唔夾到。當然都有伏，但損害有限。
H.我做翻譯，見工做test係基本嚟。不過我都信有啲公司會衰到叫你做test其實係呃你免費幫佢做嘢。
I.好耐之前我去500大世企度見intern，個HR之前無提人帶計數機，去到就畀咗份test嚟，要計數同做mc。有A. Maths，做咗我3個幾鐘先完。之後仲有下半場要同幾個外國佬腦細級人物做group interview，現場兩個加幾個用conference call，最後等咗兩個月先有消息話請，最後我做咗六年先辭職唔撈，所以你講話做test好麻煩係睇見咩級數公司。
J.見IT工咪又係啲老細將啲解決唔到嘅技術問題掉畀啲Interviewee，結果畀我踢爆，喺First Round你個HR問過我同一個問題，佢話到而家仲係解決唔到。
K.之前見間垃圾華人公司，要我做個財務預算畀佢，我真係做咗3個鐘excel畀佢，佢哋有個project想run，感覺畀佢哋呃咗做義工。
L.以前試過見Marketing Designer都有呢個做test嘅情況，第一次in完之後，要返屋企做design。亦有啲係見之前我已經send咗portfolio，佢亦冇話要做test，去到in嗰時先話做test。可能同marketing有關嘅工好多都有test啩。
M.啱呀！見過一間細廣告公司，傾完一輪，叫你返去做assignment，之後同我老師傾，佢話唔好做唔好有下文，又見過即場要你create啲嘢，又叫你改嘢，最後又係得個桔。
對於事主的論點，網民的意見分為兩派，有人因為曾有類似事主朋友的不快經歷，因此贊同對於需要進行測試的職位面試都有所保留。相反，有自稱負責招聘的網民就表示，曾經因為沒有對應徵者進行測試，導致交給應徵者的工作有所延誤，因此他更重視測試部分，更視為必須。
求職者在進行這類測試的時候，要份外小心，因為真的有公司會為了收集主題構思，或者省下對工作的付出，而將一部分的負責項目，修改成測試。面試前收到應徵公司的要求時，最好先詢問一下測試內容，假如對方不願透露，就要認真考慮是否值得為了得到這個職位冒險。
6大面試中伏位
中伏位一：面試過程非常混亂
公司多次更改面試日期或時間、面試官嚴重遲到、HR對應徵者表現不禮貌，這些徵兆皆顯示公司不重視和尊重人才。
中伏位二：工作氣氛不佳
見工時不妨觀察一下工作間的環境和氣氛。狹窄的工作間、同事之間零交流、有人高聲地發號施令或責備同事、員工看起來很沮喪等，這些都可能反映公司有高壓的企業文化。
中伏位三：崗位、職責不明
招聘廣告沒有列明具體的職位描述、面試官也未能清楚説明崗位的工作範疇，這可能表示這間公司管理出現問題、分工不明確，也沒有清晰界定各同事的職責。
中伏位四：高高在上的面試官
為了控制成本，HR壓價是無可厚非的。不過假若HR無理地壓價（大幅壓低申請人填寫的期望工資）、討論過程中貶低應徵者，就顯示這家公司不尊重和善待員工。
中伏位五：面試後即時聘用
面試後，部門主管或HR一般需時一至兩星期，進行内部討論，或篩選候選人進入下一輪面試。如果你面試後即時獲聘，或許是因為你的表現非常突出。不過若你認為自己表現平平、或申請的職位屬高層而卻即時獲聘，或許代表這個職位並不受歡迎，要慎重思考應否接受這個offer。
中伏位六：公司離職率高
如果你觀察到一家公司的招聘廣告經常更新、數量繁多，這可能表示員工離職率很高。你可以向面試官確認「企業是否正在拓展業務？」答案若是沒有或含糊不清，你就需要多加思索這份工作是否適合自己了。
伏工8大特徵
伏工特徵（一）離職率高
雖然公司有人離職是正常，惟如離職率偏高，抑或管理層頻繁更換，那就說明公司本身有問題，這是一個非常危險的信號。
伏工特徵（二）無理扣錢
準時是美德，惟公司會找各種不同理由來扣你的錢，例如：遲到1分鐘即扣錢、開會遲到即扣錢、遲完成工作即扣錢等等。或甚更嚴重的是，如遲回信息都扣錢的話，明顯是一種剝削員工手段，要趁早「跳船」。
伏工特徵（三）離職時同事反應
當向同事提出有辭職意欲後，各種簽名及其他鎖碎流程都會突然找上你的話，有機會無間斷地找你錯處，從而扣減薪酬。亦有可能出現，利用藉口拉長離職流程，趁機「過你一棟」。
伏工特徵（四）不按時出糧
打工仔最期待一定是出糧，不過有些公司總是喜歡把人工延後一個月發放，更會經常更改出糧日期，或出現無故拖延。正常出糧是一個公司應盡的義務，如果人工都不能保證正常如期發放，還怎麼能讓員工放心。
伏工特徵（五）面試官態度
公司是否「直升機」，很大程度可以從面試時看到。如對方在面試的的態度表現比較傲慢，或無故讓面試者等待很長時間，又或者在面試的過程時，對方顯得十分高傲，甚至提問一些無理、無禮問題，便要小心了。
伏工特徵（六）老闆上司常開空票
如老闆或上司經常開「空頭支票」，例如時常提醒你「好好做，繼續加油，年底升職加人工！」，惟到頭來沒有一件事是能兌現的話，那便應該好好想清楚。
伏工特徵（七）公司推崇OT文化
如公司經常在各種場合，直接或間接倡導員工定必要加班，或者直接把OT作為考核員工的要素之一，亦是一個明顯的壓榨手段。
伏工特徵（八）調整薪酬時間
正常情況下，薪酬會按年度調整，如果在公司工作了兩年，還沒有調整過薪酬，一是上司有機會覺得你無能，故意不加人工，亦有可能是公司發展出了問題。
延伸閱讀：【見工面試】HR堅持打電話約面試！全因1個理由？「我都唔想打畀求職者！」
延伸閱讀：【見工面試】In完即請嘅都係伏工？網民傳授1招辨清！如果有呢個特徵似中伏？
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!