【伏工特徵】公司同事全部新人 打工仔疑惑:工作經驗最多嘅得4個月

【伏工特徵】公司同事全部新人 打工仔疑惑:工作經驗最多嘅得4個月

對打工仔來說,職場上最怕遇到的,大槪是「伏工」。面試時未能找到蛛絲馬跡,一不留神就「伏已中」。在網上討論區Dcard有打工仔分享自己的經歷,指自己發現身邊的同事都是新人,這個情況讓他感到疑惑:「最資深的只有4個月⋯⋯」

點圖了解更多事主經歷:

延伸閱讀:【職場貼士】待業期間無所事事?5個規劃有效降低求職焦慮
延伸閱讀:【職場貼士】5個開會不再浪費時間的方法

「我係應屆畢業生,啱啱入職無幾耐,以目前嘅觀察嚟講,覺得呢間公司環境唔錯,合作嘅員工幾容易相處,人工算係我面試嘅6至7間中最高,唔使加班,返工唔夠10日,公司就請咗我哋飲嘢4次,工作內容都叫合理。雖然我咩都唔識,但老闆都會教員工。

好似提過嘅咁,無好大嘅缺點,都唔錯嘅,但唯一奇怪嘅係,公司最資深嘅員工只係嚟咗4個月,身邊嘅3至4個同事,都只係同我差唔多時間入嚟,覺得有啲奇怪,搵唔到公司好明顯嘅缺點,但就留唔住啲人。喺公司枱面我發現有一份入職證明,上面寫住有個新同事8月入職,但而家公司完全無呢個人喺度,係咪即係代表佢兩個月內就走咗?

做嘢嗰陣打開工作嘅File,發現裡面有唔同人名嘅File,代表同一個Case有好幾次人接手。我嘗試過問身邊嘅人,『點解之前啲員工都唔做』,有個前輩話佢知道,但老闆應該唔想大家傳來傳去,所以唔太方便講,真係覺得怪怪地。」

網民回應:

A/你唔使緊張喎,你好快就會知道點解

B/你好快就會變成File裡面嘅其中一個名,公司無能,短時間內走好多人,唔係罕見嘅事

C/等你了解完再嚟分享

D/之前去過間公司,舊人只得3個,然後新人有10幾個,後來做咗一個月,發現工作量多到爆炸,所以我就走咗

E/我盲估,一係就有職場性騷擾,一係就係工作好繁複

F/唔負責任咁估,1/你公司有違法行為、2/某個時間你嘅工作量會突然暴增、3/老闆好情緒化,但而家做緊戲、4/你老闆會炒人

G/如果話要去東南亞視察嘅話要小心

H/你可以查吓公司個名,睇吓佢係幾時開,可能佢係新公司嚟,反正職場就唔使諗太多,按指示做,自己好好判斷吓,做耐咗你就發現

I/會唔會係佢之前蝕大錢,所以大裁員,而家開始搵返啲新嘅員工嚟

J/好似我之前睇嘅劇集咁,突然好多人消失

K/可能係每兩三個月就會炒人,我屋企人之前遇過啲咁嘅公司,同佢同期入嚟嘅新人都被炒,嗰間公司好怪,每兩個月會有人開一模一樣嘅Post嚟請人,而且每次都係請兩個人

L/一睇就知間公司有問題,唔好喺度浪費時間,快啲離職唔好做

面試前後做好資料搜集
不少網友都指員工年資不長,很可能代表公司有問題,有的更提及公司有違法、工作量爆增及老闆有情緒問題的可能性。另外有網民勸喻事主,盡早離開現時的公司,別浪費時間。畢業生初踏職場,對於「伏工」的警戒心不高,事實上在面試前後,求職者都應該做好資料搜集,對公司「起底」,如公司的背景資料及公司的網上評價等等。提早發現伏工,就能避免浪費公司及自己寶貴的時間。

伏工有甚麼特徵?(點圖了解更多)

即睇5條於面試了解公司狀況的問題:

延伸閱讀:【見工面試】想由小薯晉身成管理層 面試可以點樣凸顯管理技能?
延伸閱讀:【職場文化】如何收服下屬的心?後疫情時代「好上司」必備5個特質

 


最新專訪片︰

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工面試】HR見工多次被震驚!應徵者:阿媽幫我申請

  • 【職場辛酸】畢業生做幾個人workload 返工2個月即跟大project 網民:人工無呢個數即走!

  • 【薪酬趨勢2024】全港住戶月入中位數$30,000!18區月入排行榜出爐!住「富人區」中西區搵幾多?

  • 【4天工作】新加坡12月起 可每周4天工作!打工仔可要求彈性上班時間及地點?

  • 【行業秘聞】機師廿萬一個月?揭開航空界秘密!

  • 【Z世代】逾7成年輕人自認幸福!4大理由同錢冇關係?

  • 【薪酬趨勢2024】讀書越多人工越高?7大類教育程度就業人士每月就業收入中位數!呢個類別月薪達$35,000?

  • 【推薦信|請求】請人代寫Reference Letter!邀請信要有咩內容?(內附範例)

  • 【職場文化】Amazon始創人兼CEO斥工作與生活平衡浪費時間!曾被指「壓榨員工」?去廁所都冇時間?

  • 【自我推薦信|範例】寫Self-Recommendation-Letter有咩要注意?即睇6大要點!(內附範例)

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow