【人際關係】返工放工兩個樣 樓主:明明屋企人先係最好!

【人際關係】返工放工兩個樣 樓主:明明屋企人先係最好!

在社會上打滾多年後,打工仔的稜角都會慢慢被磨去,待人接物變得圓滑,生怕得罪公司的上司及同事。但隨之而來的便是對家人發洩工作上的不滿,強行將其當作出氣袋。近日有網民於網上討論區發文,慨嘆自己被職場的各種紛擾逐步磨滅,待人處事的方式開始扭曲,上班對待同事變得畢恭畢敬;下班回家時又會因工作的不滿情緒對家人出言不遜。縱然了解自己這種錯誤的待人之道,一時之間卻無法輕言改變⋯⋯

即睇事主看法:

樓主:有無人返工放工係兩個人:對同事好好;對屋企人好差?

樓主:明明屋企人先係對自己最好,反而自己就會對佢哋發脾氣⋯⋯

樓主:相反對公司嘅同事就成日做Yes Man,上司同事做錯嘢又唔夠膽直接話,最多背後呻下就算⋯⋯

樓主:公司有幾個同事出名臭脾氣、難相處,反而個個都買佢怕,唔敢叫佢做咁多嘢!

樓主:呢個世界係咪真係咁欺善怕惡?

即睇網民回覆:

網民:返工有錢收、返到屋企有無錢收?同埋有一半都係細個屋企人搵你出氣所致,一個喺幸福家庭環境長大嘅人係唔會對屋企人發脾氣。

網民:其實好多人都係咁。好多時候喺公司累積嘅怨氣發洩唔到,返到屋企就會唔小心釋放咗出嚟。屋企人對你好,就越易拎佢哋嚟出氣,唯有學識點樣減壓同經常告誡自己盡量唔好帶工作情緒返屋企。

網民:我反而係返工同喺屋企態度都好好,但屋企人成日發我脾氣。有時覺得返工仲好過對住屋企人⋯⋯

網民:呢個世界大把呢啲人啦!最好嗰面畀晒外人,最差嗰面永遠最親嘅人受晒。

網民:通常返工細細聲嘅返到屋企就成條龍咁;相反地返工大大聲返到屋企就成條蟲咁!

網民:講真最後生活有事邊個會幫你?最後會無條件幫你都係得屋企人。所有朋友都係路人,吃喝玩樂就得;更加唔好講毫無關係嘅同事。

網民:所以真係要珍惜屋企人!要嘗試將工作嘅不滿搵方法發洩,因為如果將呢啲情緒帶返屋企唔覺意對屋企人發洩咗,將來自己一定後悔。

網民:反而係我屋企人將呢啲情緒帶返屋企搵我發洩,咁我可以搵邊個發洩?

網民:咁好大機會係你份工唔啱你做。我以前都係咁,自從轉咗工之後就算嗰日好多嘢做/好攰,我都唔會發脾氣,依家屋企相處都和睦咗好多!

網民:返工負能量重就搵其他嘢發洩完先好返屋企。運動/做Gym/打拳,出身汗先返去!

 

從問題根源入手
即睇4招如何處理好職場的人際關係:

- 尊重上司、同事

- 切忌散播負能量

- 虛心接受意見

- 適時轉換心態

即刻按圖了解如何妥善處理職場人際關係。

延伸閱讀:【人際關係】打工仔感工作後朋友逐漸消失 網民︰日日返工放工有咩好講

延伸閱讀:【職場風波】從C朗解約曼聯事件 分析如何處理職場人際關係

延伸閱讀:【職場人際】返新工搞清人際關係需一個月? 打工仔質疑:太長!

延伸閱讀:【職場人際】返工生存10條潛規則 HR︰有啲求職者面試已經表現到

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【面試攻略】見工被問上一份工離職原因 6大模範答案得HR歡心

  • 【投考ACO丨全年招聘2024】考咗3次ACO都失敗 事主究竟衰喺邊?一文睇清助理文書主任入職條件/人工/晉升/申請程序

  • 【辦公室會議】調查:4分3會議沒有作用 近5成人指會議是加班原因!

  • 【投行排名】行內人士票選!頭25間最值得加入嘅投行!摩根大通排第17 艾維克排第2 第1名係OOO?

  • 【職場熱話】好工可遇不可求!點樣先叫做好工?網民:老闆好、同事融洽已經好難得!

  • 【職場趨勢】做管理層唔一定要有自信識表達 調查:擁有呢個特質嘅人先啱做管理

  • 【職場熱話】見工間公司不允許外出食飯 事主:因為食飯問題拒絕Offer係咪好傻?

  • 【轉工轉行】調查指47%中年打工仔因為想有更高人工而轉工 有咩要考慮?

  • 【職場矛盾】唔加人工被逼轉部門 事主:僱主有權咁對我?

  • 【見工面試】見工被人碎咗張畢業證書 事主:有無得叫佢賠錢?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow