【人才招聘】招聘中介公開Whatsapp對話 批評香港求職者無禮貌

新冠肺炎疫情持續，好多失業的打工仔都心急搵工，有求職者因WhatsApp收不到HR的回覆，指對方覺得自己不重要，令對方嬲嬲豬打篇千字文回覆。該Agent公司的HR收到求職者WhatsApp求助，不過求職者沒有得到任何回覆，於是他隔天再發訊息，指HR無視自己，又不回覆訊息，更指對方覺得自己不重要先沒有收到任何回應。

延伸閱讀︰【人才招聘】年輕人見工因落大雨放飛機　一句話激嬲老闆

延伸閱讀︰【見工面試】Phone Interview求職者仲易犯錯？HR須留意5個位

事後，HR就嬲嬲豬指責求職者，在連登開post之餘，更打篇千字文回覆：「我覺得你好無禮貌，你識唔識尊重人？定係你覺得所有人都要當你皇帝咁服侍？你搵我我未講任何嘢你就話我？」、「你可以WhatsApp問job，夜晚9點半用海外電話send訊息畀我，唔代表我要即刻覆你」、「你唔係其中一個搵我幫手嘅求職者，我都要處理其他求職者同做嘢。同埋我放咗工suppose係私人時間，唔係standby覆你訊息」。

不少網民紛紛留言，覺得該HR EQ太低，不應開post鬧人：「個agent唔驚做臭自己個朵」、「呢條女都黐黐地（哋）線」、「咁就火山爆發，EQ奇低」、「佢以後唔洗（使）做recruitment」、「做得AGENT就要24小時standby嫁（㗎）啦，想準時放工咁你咪收commission囉，個個返緊工都唔得閒傾電話，淨係得你返工？」。

有網民覺得應大事化小，無必要公開件事去公審該名求職者：「求其講句唔好意思，overlook左（咗）唔記得覆咪算囉」、「是但say個sorry咪算囉，曬（嘥）時間打千字文」、「其實除非whistle blowing，正常professional都唔會公開係social media disclose client資料/對話啦，你唔happy唔想接可以同上司講，但係social media公審就應該唔符合一般professional service firm既（嘅）ethical standard la」。

延伸閱讀︰【招聘人才】僱主轉用視像面試 HR顧問︰要留意幾點

⏩⏩  需要請人？立即刊登招聘廣告！  ⏪⏪