【第五波疫情】Omicron康復者返工遭同事歧視 唔畀一齊食飯、講嘢要用OO溝通

第五波疫情降溫，政府早前宣布由4月1日起逐步恢復公共服務，有不少私人企業亦陸續取消在家工作（WFH）政策。同事久別重逢理應很開心，但有打工仔日前發文指自己感染Omicron康復後，上班竟被其他同事歧視，「無人敢過嚟我個位同我講嘢，食lunch都無人同我食」，令他覺得很孤單。

延伸閱讀：【Omicron懶人包】打工仔必睇：職場抗疫手冊

按圖了解事主經歷：

+15

+14

事主：「我早前中咗招  ，有報畀政府，該做嘅嘢都做齊晒。公司安排我可以在家工作，同事都有關心我。到變返陰性同自我隔離咗一段日子之後，呢幾日公司叫我可以返office做嘢。」

「但係點知我返工呢幾日，都無同事敢過嚟我個位同我講嘢，而且食lunch都無人同我食。有公事問佢哋，佢哋就話用email答返我，會formal啲同埋可以keep record，仲叫我啱啱好返，唔好周圍行。到夠鐘食飯，我問同事食咩，佢哋話已經叫咗外賣，食炸雞pizza。仲話佢哋平時都係食唔健康嘅外賣，話我啱啱康復，唔好食到咁油，要食健康啲。叫我多啲帶飯，遲啲個人真係好返先一齊食呢啲肥肥嘢。」

「其實我已經好返晒㗎啦，可唔可以唔好歧視我？佢哋連嘢都唔敢同我講，我只係想要啲社交，喺屋企困咗咁耐已經好辛苦⋯⋯」

網民意見：

網民A：同事唔係朋友，佢哋只想自保，唔需要被同事影響情緒，自己一個食飯都好開心！

網民B：其實中完招轉陰嘅一段時間內，理論上你唔會再中，同埋唔會惹到人。不過大家都係心理障礙，將心比心，個個都怕，理解吓佢哋啦。

網民C：一個人食仲好，成班八婆出去食，咪就係是非當餸咁囉！

網民D：而家最安全嘅人係剛剛康復者，抗體強勁，幾個月內唔會傳染人，又唔會被人傳染。

網民E：有咩所謂呀，我office啲人分開食好耐喇，自己邊食邊睇YouTube不知幾好。

網民F：你已經算好好，我明明無病，夠無人同我食啦⋯⋯

網民G：忍下啦，過多一兩個月無事，佢哋自然同返你一齊食。如果到時都唔同你食，咁可能係其他原因佢哋唔妥你了。

部分網民認為一個人吃飯更自在，不需與八卦同事談是非，可以靜靜一邊看YouTube一邊用膳，勸喻事主「睇開啲」；亦有網民質疑事主早已得罪其他同事，與感染Omicron無關。無論如何，在疫情的困難時期，同事之間應該多體諒及包容，互相支持大家，才可度過難關。

如果你發現自己社交性低，同事不願意和你多聊幾句，可能你就要反思一下自己有沒有做錯以下5件事。

按圖了解成為孤獨精的5大原因：

+10

+9

延伸閱讀：【Omicron】同事上司全確診 成team得返一個人做嘢 打工仔哭訴：中招係解脫？

延伸閱讀：【第五波疫情】同事中完Omicron返工當自己無敵 Office唔戴口罩、周圍出街食飯

延伸閱讀：【Omicron】同事中招 老闆仍要求返工 網民：返少一日會執笠？

如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/o2K2DaZWXzLFhypT7

⏩⏩  需要請人？立即刊登招聘廣告！  ⏪⏪