【無理解僱？】收工唔記得熄Mon竟成解僱理由！僱傭條例點定義「不合理解僱」 無理解僱賠償點計？

在《僱傭條例》下，僱主需要有「正當理由」才可以解僱打工仔。但是，近日就有一名打工仔向社交平台專頁「奴工處」投稿，表示自己因下班忘記關閉電腦熒幕，被公司以違反員工守則為由解僱。

延伸閱讀：【職場熱話】一人一個打工仔被炒原因！同事工作能力高遭老闆妒忌、打工仔首次遲到便遭解僱……

按圖睇樓主及網民回應：

+9

+8

樓主：我收工唔記得熄Mon，之後放咗兩日假，返嚟被公司以濫用資源，違反員工守則為由炒咗。

網民A：莫須有。要你死，可以有好多理由。

網民B：擺到明搵藉口炒人啦！就算冇呢單，都會有第二單，呢種公司早走早着！

網民C：溫馨提示：去搵勞工處處理！

網民D：明顯本來就想炒你啦。

網民E：其實唔郁電腦一輪，個Mon都會自動熄，我覺得係公司根本就想炒咗樓主，只不過係畀佢有個藉口咁做啫。

網民F：公司電腦唔係不嬲都長開㗎咩？

網民G：東家唔打打西家，早走早着冇蝕底嘅。

網民H：曾幾何時有同事話我個一開四USB叉電，待機LED燈着住係好唔環保。

網民I：我公司用Notebook，所以無呢個問題。不過電腦唔係有Screen Saver㗎咩？無郁一段時間就自己熄㗎啦！

網民J：今次唔炒，下次分分鐘話你去廁所用多咗格廁紙，呢啲工唔做都罷！

網民K：都係搵個理由啫，公司要炒你，個Mail寫少個S都可以係理由……

如何判斷是否不合理解僱

在樓主的情況下，到底算不算是無理解僱呢？根據《僱傭條例》規定，如僱員於一份連續性僱傭合約中受僱不少於24個月，且並非基於以下有效理由而將涉事員工解僱，便會構成不合理解僱：

1. 僱員的行為
2. 僱員執行工作的能力或資格
3. 裁員或其他真正的業務運作需要
4. 法例的規定
5. 其他實質原因

在樓主的案例中，在判斷解僱是否合理時，應考慮「解僱」是否公司的「最後手段」，即公司在解僱前，有否作出其他較輕微的懲戒措施。另外，單純沒有關閉電腦螢幕，通常不會被視為嚴重的違規行為，除非這種行為導致了嚴重的安全或保密問題，否則很難將其視為足以構成即時解僱的理由。

無理解僱賠償

根據香港《僱傭條例》，不合理解僱的賠償主要包括以下幾個方面：

1. 補償金額上限：

不合理及不合法解僱的最高補償金額為15萬港元。

2. 申請資格：

僱員必須按連續性合約受僱不少於24個月，且僱主並非基於《僱傭條例》規定的正當理由解僱該僱員。

3. 申請時限：

僱員必須在被解僱後或被更改的合約條款生效後3個月內，向僱主發出書面通知。如有充分理由，勞工處處長可將限期再延長6個月。

4. 補償內容：

復職或再次聘用

5. 終止僱傭金

補償金（最高15萬港元）

6. 實際補償情況：

雖然法律規定了最高補償金額，但在實際環境中，補償往往有限，補償金額通常僅限於僱主在終止合約時已經支付的正常解僱費。

7. 申請程序：

如果無法通過調解解決爭議，僱員可以向勞資審裁處提出申索。申索必須在被解僱後或被更改的合約條款生效後9個月內提出。

打工仔臨過試用期前一個禮拜被即時解僱？

+11

+10

服務公司16年，突然被勸退早退休，原因係……

+12

+11

延伸閱讀：【職場熱話】放完假返公司發現部門大換血 事主驚悉冇被炒因1個離譜原因 網民：搵定工啦

延伸閱讀：【職場熱話】金融業裁員 中層打工仔想犧牲自己保下屬 被高層咁樣拒絕…

延伸閱讀：【職場熱話】新offer人工高20%！但預感間公司可能裁員、結業 事主：做不做好？

最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪