增加侍產假 家庭樂無價

增加侍產假 家庭樂無價
(資料由勞工處提供)
資料提供:勞工處
小雲和同事Stanley閒聊,得知他的太太將於下星期分娩。

小雲:「恭喜你就快『榮升』爸爸!由2019年1月18日起,侍產假會由三日增至五日,你咪有多啲時間照顧BB同太太喇!」

Stanley:「多謝!唔知點先享有侍產假或有薪侍產假呢?」

小雲:「男性僱員如有子女喺當日或之後出世,並按連續性合約受僱於同一僱主四星期或以上,每星期最少工作18小時,就可享侍產假。僱員必須喺預產期前最少三個月通知僱主佢打算放侍產假;如果冇畀到呢個通知呢,就要喺放侍產假前最少五日通知僱主確實嘅放假日期。如果僱員喺放侍產假前,已經按連續性合約受僱達40星期,同埋提供BB嘅出世紙,証明佢係BB嘅爸爸,就可獲發侍產假薪酬,每日薪金等於過去12個月每日平均工資嘅五分之四。你梗符合資格啦!」

Stanley:「我知道侍產假可以喺BB嘅預計出生日期前四星期至實際出生當日起計10星期內嘅任何日子放,一次過放五日或分開逐日放都得。」

小雲:「想享有侍產假薪酬,記得喺第一日侍產假後嘅12個月內向僱主提交BB嘅出世紙,而僱主必須喺收到文件後或僱員放取侍產假後(以較後者爲準)嘅第一個發薪日或之前支付侍產假薪酬。如果僱主冇俾合資格僱員侍產假或支付侍產假薪酬,一經定罪,最高可罰款五萬元。」

Stanley:「好!等我睇吓勞工處網頁www.labour.gov.hk 或者打熱線電話2717 1771了解多啲先。」

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告