【勞工法例】HR要求2日試工但不合就冇糧出　求職者：犯法都理直氣壯

面試後收到獲聘消息無疑令人興奮，但假若消息是試工邀請，你又會否接受呢？本港近年出現怪現象，某些企業不欲直接與求職者簽訂僱傭合約，打算先試工，後聘用，不諳勞工權益的打工仔很容易會墮入求職陷阱。

最近，有打工仔到社交媒體專頁「奴工處」投稿，透露獲邀試工經歷，更指該公司HR表明試工後如覺得不合適將沒有薪酬發放，大感不解。

延伸閱讀：【見工面試】搵工使人感到絕望 事主：每次Interview被羞辱好痛苦⋯

即睇事主分享及網民回應：（按圖了解）

+14

+13

事主：HR打嚟叫我試工兩日，我問佢有冇糧出。佢話之後做落去就有，如果兩日後唔再做就無。佢仲話如果真係有心做，就唔好咁介意嗰兩日錢。點解啲人犯法都可以咁理直氣壯？

網民：問返公司話，想試兩日做你老闆。
網民：如果真係有心請，就唔好介意畀個兩日人工。
網民：做完兩日之後炒咗你，咁你就做咗兩日免費勞工。
網民：呢啲公司兩日人工都諗縮數，做落去都唔會有咩好處。
網民：呢啲公司唔做無損失。
網民：就算本身有心做，聽到呢啲垃圾公司即刻想縮沙。
網民：好想知係咩公司，乜依家啲公司咁黐線嘅。
網民：作為打工仔，可唔可以要求confirm個offer前先攞一個月人工，睇下份糧係咪真係夠生活開支先？
網民：試用期咪已經係試工，有糧出㗎喎，唔好被人呃喎！
網民：有心做還有心做，冇錢還冇錢，兩樣嘢係分開嘅。
網民：不停請試工，人工都慳返！
網民：我都做過兩三次試工，不過係傾好價錢先試，唔介意試工價略低，畢竟試工對雙方都好，但係無錢試工就叫佢返歸啦，不如叫佢出份試糧呀。
網民：我之前做過某診所都被呃咗半日試工，我當時傻吓傻吓就返咗。

網民大呼不合理
對於事主遭遇，所有網民皆大呼不合理，批評該公司想藉機節省薪酬開支而剝削付出勞力的打工仔。多名網民稱「唔好咁介意」一話自相矛盾，質疑為何要求職者不介意兩天薪酬，自己卻介意支付兩天的人力成本。

眾網民意見相似，認為遇上「人工都諗縮數」的公司，就算正式獲聘也不會加入，皆因往後也不會在工作上獲得任何好處。當中更有人狠批該公司待遇差，即使有心做的人都會想打退堂鼓。

另有打工仔則指，試用期本來已是測試僱員能否與企業磨合，呼籲求職者要小心被騙。

勞工應保障自己
打工仔在試工前應採取適當行動保障自己，要求僱主以書面訂立保障雙方條款及協定釐清責任與薪酬，否則難以在付出勞力後追討相應報酬。

事件中的HR聲稱，試工薪酬會於完成試工後並繼續留任後才會發放，反映試工並非義務工作。根據《最低工資條例》（香港法例第608章）第8條(1)款，「僱員有權就任何工資期獲支付不少於最低工資的工資」，只有第3條所述的學生僱員（包括實習學員或正處於獲豁免學生僱用期的工作經驗學員）才能獲得豁免。

此外，《僱傭條例》（香港法例第57章）指，除了指定9種情況以外，僱主不可非法扣薪，並須於工資期屆滿後七天內發放薪酬。

《僱傭條例》列明只有以下9種情況可以扣糧（按圖了解）

+7

+6

唔單只畢業生，所有打工仔都要知道試用期的3件事！（按圖了解）

+13

+12

（上述部分並非法律文件。有關法例條文的詮釋，仍以法例原文為準。若遇上類似事件時，應尋求法律專家之意見。）

延伸閱讀：【勞工法例】新入職要一個月離職通知期？僱傭合約咁寫有冇問題？

延伸閱讀：【職場熱話】公司突宣布執笠分批炒人 HR唔肯縮短離職通知期仲叫員工賠錢走人？

延伸閱讀：【見工面試】5個Interview中應避免的肢體語言

⏩⏩  需要請人？立即刊登招聘廣告！  ⏪⏪