【勞工法例】做月餅臨時包裝被拖糧 打工仔︰咁大間公司三催四請先出糧

【勞工法例】做月餅臨時包裝被拖糧 打工仔︰咁大間公司三催四請先出糧
中秋節快到了,香港不少店舖都正趕工製作月餅,因此造就很多臨時工空缺。不過最近有打工仔在網上大呻某大公司拖糧,而且工作期間不停被壓榨,令他非常生氣。有網民看到打工仔遭遇後,紛紛建議他到勞工處起訴該公司,究竟僱主遲出糧又有犯法呢?

按圖了解打工仔的故事︰
  打工仔分享︰「做月餅臨時包裝生產,做咗兩星期。人工唔係多,仲要半個鐘食飯,而且冇飯鐘錢,開工食飯都趕頭趕命。 一打卡,水都唔畀你飲啖,叫人即刻坐低開工。去廁所有特定時間,要叫停晒運輸帶操作,先一班人去,快手去完就埋位。間中會被Cut鐘,突然放假。辭職後話7日內出糧,拖到第7日一個電話都冇,打去問一直推,話同事唔喺度。 我打返去同佢講7日啦喎,佢重係咁耍我收線,我諗住直接走上去,佢先約時間叫我上去,態度同之前唔同晒。 到我忍唔住質問,先叫我第8日上去收支票!做得咁辛苦仲被搾壓!」

網民留言︰
A︰邊間公司咁衰?開佢名啦!

B︰咁出咗糧未?有冇同事係同路人?再唔出就勞工處協助,除非唔等錢使。

C︰機械人咁工作梗係辛苦啦,做呢啲唔着數。

D︰都叫做出咗糧啦…畀十盒八盒月餅當人工仲衰!

E︰呢啲咁嘅鐘點工做老細就着數用到盡,仲出糧俾人添出得慢已經唔啱。

F︰大公司行政嘢,可能比較亂加人事複雜,我都試過兩次辭職俾人拖糧,有間離譜到我催完,鬧我唔體諒佢哋,之後仲計錯數要我再追。 延伸閱讀︰【勞工法例】員工開Page大鬧某上市公司「血汗工廠」!犯錯罰錢公司有無犯法?

《勞工法例》點講?
根據《勞工法例》內的《僱傭條例》,僱主須跟足條例內容,在工資期內屆滿後7日支付員工薪金,違者觸犯法例。 (按圖了解更多) 延伸閱讀︰【職場熱話】離職後公司出多咗糧 警告事主唔好偷錢 員工:我一定要還?

延伸閱讀︰【勞工法例】兼職不足一個月無糧出?20歲打工仔︰可唔可以追返人工?

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告