【酒店熱話】酒店男員工心儀女住客 唔知出擊與否 網民大鬧：搏炒咩？一陣女又冇 工都冇埋！

零售及服務業的前線員工，一天內與很多不同的人接觸，有時突然對一些熟客產生感情，也是無可避免的事。不過，在工作期間接近心儀的客人，又會否是不智之舉呢？如果是你，你又會怎樣做？

延伸閱讀：【戶外工作】以新聞攝影紀錄歷史 上山下海、更曾中彈 只憑一份使命感

有從事酒店業的男網民在討論區Dcard上分享，自己對一位月租的女客人有好感……「是咁的， 我做緊酒店，家庭月租式，今日返工見到有個女仔住客，第一眼落去幾有feel，仲幫手幫我移啲嘢，幾好人咁。我嗰陣其實幾想識吓佢，但又做緊嘢，怕畀人投訴。 如果下次遇到呢啲情況應該點做？或者下次再見到佢應該點做？到底返緊工、做緊嘢應唔應識女仔？」

網民的反應都非常一致，亦有些教事主如何低調地認識此女住客！

即睇網民回應：﹙按圖了解﹚

+12

+11

-搏炒咩？仲有唔好嘗試記低客人啲資料！

-女又溝唔到，工又無埋！

-唔好搞到人返屋企都要提心吊膽、避開你！好慘！

-扮冇事啦，始終女方會尷尬，如果又見面。

-專業少少，唔好嚇親個客。

-除非人哋主動去識你，如果唔係唔好咁做！或者你有唔使再返工呢行嘅準備……但正常同人哋打招呼可以！

-除非你係女，否則都唔好諗住返緊工嘅時候溝客！

-做酒店想識女客，真係好危，好易因咁而冇咗份工！

-呢個情況唯有等個女仔主動。樓主主動嘅話，好可能會冇咗份工。因為關乎到操守問題，不過你可以諗個方法令佢對你留低印象，例如：見到佢會點頭、講早晨 ，但係千祈千祈千祈唔好做到太出面，或搞到好creepy！如果唔係會有反效果！咁如果佢都對你有好感，或者想發展落去，應該都會問你拎contact㗎啦。

-或者直接啲、誠懇啲，問佢有無興趣你放工嗰陣一齊食餐飯，如果佢話無，咁就正常變返客人關係，唔好死纏難打。

-留張卡仔，寫有咩需要可以call台搵你個名幫手，有冇得諗？咁應該唔太主動得嚟，又畀到好感人。

-做酒店好難approach到客，除非你charm到個客要approach你，自我增值吧，做到某個高職，甚至酒店嘅金鎖匙，你就有機會選擇approach。

-酒店仲要月租式真係唔好啦！你話你做sales或者飲食，呢啲抄牌失敗，人哋最多拒絕完你，下次唔再嚟幫襯，但月租酒店日日返去都見到你，你又知佢邊間房，諗落都好唔自在！

大部分網民勸事主勿衝動
幾乎所有留言的網民都勸事主必衝動，因為酒店員工以職員身份並以私人理由為由，而接觸住客，若住客感到被騷擾，實在是太危險、太大風險！很多網民都擔心事主會因此而被辭退，賠了夫人又折兵，工作也沒了就慘了。

所以網民都認為應該先忍忍，有網民提議以低調的手法嘗試，「你可以諗個方法令佢對你留低印象，例如：見到佢會點頭、講早晨 ，但係千祈千祈千祈唔好做到太出面，或搞到好creepy！如果唔係會有反效果！咁如果佢都對你有好感，或者想發展落去，應該都會問你拎contact㗎啦。」總之要等女方做主動，才有明正言順的機會。

因為網民都嘗試代入女方的想法：「月租酒店日日返去都見到你，你又知佢邊間房，諗落都好唔自在！」所以事主實在要三思！

延伸閱讀：【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀：【另類職人】劍擊十年 由運動員到社工 轉職感言：兩者最着重同是「溝通」

延伸閱讀：【轉職故事】前攝影師到老字號銀都冰室學沖奶茶 賣樽仔奶茶延續傳統

延伸閱讀：【全職爸爸】由舞蹈員到全職爸爸 試過凍水開奶、搽錯cream、仲有唔小心……

延伸閱讀：【職場戀愛】男上司同男下屬打機 情到濃時鍚咗啖 網民：快啲表白！

延伸閱讀：【職場戀愛】男上司追男下屬 結局竟然反轉？ 網民：sweet過睇BL！

⏩⏩  需要請人？立即刊登招聘廣告！  ⏪⏪