【返工血淚史】觀塘放工返屯門 打工仔:瞓咗成個鐘都仲喺鑽石山⋯⋯

【返工血淚史】觀塘放工返屯門 打工仔:瞓咗成個鐘都仲喺鑽石山⋯⋯

香港打工仔的返工決心可以稱得上是世界級,打風落雨不在話下,跨區上班的打工仔更是日日長征返工。當你找到同樣是住屯門,每日都經歷着屯門公路塞車的洗禮,就如獲知音一樣,大家同是塞車上班下班的戰友。

撰文:霍芷晴

真實個案  阿嘉:觀塘放工之後就跌入塞車地獄

阿嘉(化名)是從事IT業的80後男生,家住屯門,工作地點則在觀塘,雖然打工8年亦曾轉過工,但一直都在觀塘上班,可說是往返屯門和觀塘的資深打工仔。「返咗咁多年,但塞車問題嘅無力感都唔會習慣,有時真係好辛苦。」

延伸閱讀:【返工血淚史】打工仔最怕係返工放工搭車 網民:打尖、踩鞋⋯⋯

他指住屯門的一群,大多數都比住在市區中心的人花雙倍時間搭車,「我喺觀塘放工,試過瞓咗成個鐘都仲喺鑽石山⋯⋯本身公司離個巴士站已經遠,如果不幸走車,又要再等20分鐘。巴士個報站計時器由10分鐘變到5分鐘,又上返7分鐘,加上夏天又熱又排長龍,你明唔明個心情幾咁不安又灰心⋯⋯」

上到巴士後,大家以為可以平平安安坐到家嗎?阿嘉無奈地笑說,這只是塞車地獄的開始:「去到觀塘迴旋處又塞,去到彩虹又塞,去到黃大仙龍翔道又塞,過咗龍翔道去到汀九又塞,塞完汀九去到屯門公路又塞。幾經辛苦終於捱到轉車站,但喺轉車站又塞⋯⋯」阿嘉指每次都要預起碼2小時在交通上,一日來回即共4小時,「視乎情況而定,有時塞得厲害,都試過返屋企要用2.5小時。」

WFH之後心情開朗

近日因應疫情,阿嘉的公司亦有安排員工在家工作(WFH,Work From Home),阿嘉的語調頓時變得開朗,道:「我做IT,WFH喺屋企都可以無阻電腦上嘅工作。WFH之後,唔使返公司,冇咗交通壓力真係好爽!每日慳$30幾蚊車錢同埋4個鐘車程,多咗嘅時間可以用嚟瞓覺同做運動,真係一大樂事!同埋少咗因為塞車帶嚟嘅煩燥同負能量,呢幾個月我成個人都開朗咗。」

日常生活的無奈 

然而,阿嘉明白總有一天會結束WFH的安排,重回這個塞車的循環之中,他表示:「有時放工返屋企,大約塞咗一個鐘左右,就會聽到有人喺電話講:『唔好等我啦,你哋食先飯啦。』、『唉,又唔知塞乜鬼,留飯啦。』之類。呢條路積埋都好多怨氣,你試吓喺討論區search 屯公(屯門公路),應該100%都係怨氣稿。」

阿嘉補充,除了上班下班要預留時間作通勤之用,平時與朋友約活動都很需要大家確實約定的時間才可以決定何時出門口,「因為我搭巴士,要預多啲時間。搭地鐵就唔使怕塞車?但因為地鐵易冇位,又要轉好多次車先去到東九龍。」

當問及阿嘉面對如此令人消沉的交通問題,有沒有考慮過轉在同區工作或搬離屯門居住,他說:「有考慮緊搬出嚟住,但最大問題都係錢⋯⋯所以都係照捱住先。」

延伸閱讀:【返工血淚史】每日來回4個鐘返工?網友︰橫跨成個香港 好辛苦

延伸閱讀:【屯門牛之苦】 日花1.5小時返工加OT 網民大呻:想有私人時間

延伸閱讀:【返工塞車】網友盤點最慘搭車路線 屯門公路加龍翔道連環塞最精彩

CTgoodjobs 推出全港首創 WhatsApp 搵工平台「搵工快」,八大行業 2,000+ 前線、兼職空缺等緊你!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【返工血淚史】搭車總有人大聲傾偈、播片 打工仔:想喺巴士補眠都唔得!

  • 【返工血淚史】屯門公路「受害人」︰一人一個改善屯公塞車創意方法

  • 【職場熱話】近年辭職後被當仇人 事主呻:以前辭職都可以做朋友

  • 【轉工轉行】調查指47%中年打工仔因為想有更高人工而轉工 有咩要考慮?

  • 【職場熱話】次次食完飯個鋅盤就塞咗!HR落令禁止同事OOO!

  • 【職場熱話】公司有特殊請假規矩 網民:好唔人性化……

  • 【失業潮】失業前上司月薪15萬 人工減50%都冇人請 打工仔:爬太高唔係好事

  • 【見工面試】Interview遇到態度惡劣HR 係咪可以拍枱走人?

  • 【見工面試】被問「未來5年會有咩目標?」應該點回答以提高錄用機會?

  • 【政府工空缺2024】民航處請暑期實習生!每月收入$11,200!有咩入職條件?

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow