Next
【辭職學問】返工壓力太大但冇勇氣辭職？打工仔裸辭經驗分享
【辭職學問】返工壓力太大但冇勇氣辭職？打工仔裸辭經驗分享
2025-01-02
又到新的一年，不少打工仔都有尋找新機會、開始新挑戰的打算，亦有人因工作壓力太大，沒有餘力騎牛找馬，希望裸辭休息一段時間再重新出發。但裸辭有風險，打工仔應該如何抉擇？近日有打工仔在社交平台「Threads」發文，表示返工壓力好大想要辭職，但因擔心人工減少，沒有裸辭的勇氣，希望網民可以分享裸辭經驗。
按圖即看事主分享及網民回應：
事主：「返工壓力好大，好辛苦！但辭職真係需要一點勇氣，因為如果我辭職，將來好難搵返而家呢個人工，大概會跌40%左右。自問自己冇家庭壓力，未婚，眼見好多人都可以輕鬆裸辭，但自己始終未有呢個勇氣。有冇人可以分享吓裸辭經驗？大家又係點樣度過辭職後嘅空窗期呢？」
網民A：「我裸辭咗半年，搵嘅錢係以前三分一左右，但開心咗，鍾意就去吓旅行。」
網民B：「舊年6月裸辭咗，Hea咗2個月，8月開始搵工，個半月都未搵到就有啲壓力。都有心理準備可能要今年年頭先搵到，所以自動降低咗叫價，好彩10月頭搵到工。雖然上一份工我覺得冇乜壓力，但遞咗信嗰吓，心情又真係會開心咗。你睇吓你嗰行易唔易搵工，如果跌40%你係咪真係接受到？裸辭真係需要勇氣，尤其係而家個市好差。」
網民C：「唔好裸辭，因為HR會不斷重複問你離職原因，相反如果你仍然任職，新公司唔可以搵現公司做Reference check，會安全啲。」
網民D：「未有勇氣辭職，咁不如仲有份工嗰時，為自己建立一份被動收入再辭職囉。」
網民E：「一年內裸辭咗兩次，你唔辭職就會冇咁多機會。做得唔開心就走，唔同頻嘅人會影響自身成長。」
網民F：「有冇諗過如果你唔辭工，將來影響到你嘅精神健康，嗰40%夠唔夠用來睇醫生同買藥？」
網民G：「冇生存壓力又有儲蓄同投資習慣嘅話，辭職又唔係啲困難事，人都健康啲。」
網民H：「點解唔正常返工放工直到被炒？當你唔怕畀人炒，自然會冇壓力，做嘢都順晒。」
網民I：「呢兩年嘅經濟環境似乎唔多適合裸辭。試吓可唔可以搵到差距少啲但係冇咁大壓力嘅工？始終身體健康同情緒都好重要。」
網民J：「之前試過裸辭，本身份工人工好OK，但真係返得好唔開心，慶幸好快搵到另一份。雖然人工減咗好多，到而家都有少少後悔，但當買咗健康同快樂。」
網民K：「首先唔好妄自菲薄，你往往比想像之中值得更多。仔細評估辭職之後嘅壓力（例如經濟、家庭），會幫你面對空窗期嘅不安。喺空窗期畀自己一啲短期目標，因為搵工嘅過程可能漫長而枯燥，一心一意只掛住搵工反而會增加壓力。」
網民L：「舊年年頭我裸辭咗，經歷咗好多高高低低嘅心路歷程，用咗一年時間先做到呢個決定，因為唔知之後需要幾耐先搵到新工，但我覺得我好需要暫停、休息同新開始。最後休息咗兩個月，過兩個星期就搵到新工。唔好介意之後新工作係點，當下呢刻最重要。」
客觀評估自身情況 辭職與否都要謹慎選擇
部分網民支持事主辭職，認為心情舒暢和身體健康更重要，但更多網民考慮到當下的經濟環境不容樂觀，辭職之後未必能在短期內找到新工作，過長的空窗期或會影響到下一份工的薪水。如果工作的壓力已經危及健康，辭職不失為一個好的選擇，短暫的休整是為了更好的開始；然而，失去收入來源造成的經濟壓力也可能會加重焦慮，空窗期未必可以如願好好休養，所以做出決定之前必須全面地考慮自己的情況。
有熱心網民列出6大問題給事主反思，以判斷是否適合裸辭：
1/工作壓力大的理由是什麼？換工作是否能解決這個問題？
2/如果可以請假休息一段時間，你是否會打消辭職的念頭？
3/以自己的經驗，在現時的經濟環境下，可以找到新工作的機會有多大？
4/對你來說，工作以外有什麼是重要的？考慮到這些東西，會不會增加辭職的勇氣？
5/保持現在的狀態，你可以堅持多久？要付出什麼代價？
6/辭職後，有沒有足夠的儲備金可以支持6個月以上的開支？
延伸閱讀：【年尾搵工】打工仔後悔裸辭嘆年尾搵工難 網民：通常淨返啲老細要求高嘅伏工
延伸閱讀：【好想裸辭】FG嘆份份工做唔長 網民：放低返工會開心嘅執着
延伸閱讀：【求職難】30歲文員裸辭 欲轉行但冇學歷、一技之長！事主嘆：冇大學學位好難搵工⋯⋯
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!