Next
【讀者投稿】重返Office連環不幸事件 無廁所水、冷氣太凍、等車有排等……
【讀者投稿】重返Office連環不幸事件 無廁所水、冷氣太凍、等車有排等……
2022-04-20
第五波疫情逐漸緩和，每日感染人數從高峰的逾五萬人，下降至近日不足一千人，抗疫措施可望鬆綁，市面人流漸多，各大小企業開始要求打工仔重返辦公室。對於不少已連續多月在家工作的打工仔來說，返回辦公室需要些適應時間，而究竟市面是否真是回復正常呢？CTgoodjobs近日收到打工仔Calvin（化名）投稿，講述其重返辦公室首日的連環不幸事件。
延伸閱讀：【職場熱話】間斷式WFH嘅感想係？網民：Output比準時返工更重要！
延伸閱讀：【企業管理】混合工作模式成大趨勢？歐、美銀行對重返辦公室取態大不同
即睇Calvin分享重返Office連環不幸事件：（按圖了解）
Calvin：經過大概兩個多月嘅WFH，公司終於要求所有人今日重返office，係有唔捨得，但點都要返。起身嗰一下還好，因為我早幾日開始慢慢調節瞓覺時間，怕今朝起身成個人function唔到。或者而家仲未係所有人都重返office，所以金鐘站都無想像中咁逼，第一班就逼到上車，順順利利8點50分就返到公司門口，點知噩夢就開始。
首日即停廁所水
我習慣開工前去個廁所，腸胃習慣同一個時間都會好啲，點鬼之入到去就發現成個廁格係米田共，仲要乾咗成陣味，跟住沖水，What？！原來無廁所水，走過隔籬廁格，情況都係一樣，唯有忍住。返到去自己位，唔知邊個開到部冷氣咁勁，但無人出聲，我就一路打字一路手震，最慘係我頭先無去廁所解決，越嚟越肚痛。終於頂唔順，飆去廁所，揀個情況無咁差嘅廁格去。
冷氣溫度過分凍
山洪暴發完，返去位前望下部冷氣個remote。嘩！16度？今日已經有落雨，21度左右，加埋部冷氣，聖誕氣氛出晒嚟，打算聽日喺屋企拎返頂聖誕帽嚟戴。我即刻調校返去20度，當時先知道附近同事一早就覺得凍。
午膳地點無開門
終於食飯時間，打算去返平時食開嗰，平平哋又好食，行大概6、7分鐘就到，點知……Oh my God！今日最慘就係呢度，原來無開門，救命！走去快餐點求其食個包，整杯汽水就算。食飯期間同朋友WhatsApp，講我飯堂無開，點知佢仲慘，佢間飯堂執埋！不過無辦法，而家開餐廳甚艱難，頂到就命硬，頂唔到都無辦法。
交通未恢復正常
頂埋下午就收工，放工打算搭巴士，一開個App，有無搞錯，半個鐘一班？你開玩笑嗎？算吧，我都係逼地鐵算。相信大家都明白總要回復正常，返office都係預料之內，但係而家咁樣係正常咩？
適應需時 預先準備為上策
經過一段時間的在家工作，不少打工仔已經習慣在家中處理公務的生活模式，而作息時間、日常活動均與朝九晚六辦公室大有不同，所以再次轉回辦公室工作會有難以習慣的情況出現。企業應及早通知僱員重返辦公室之日，以讓僱員有充足準備。當然，實施混合公作模式是未來職場趨勢，而企業也可藉此逐漸讓僱員適應辦公室環境。
當打工仔知悉重返辦公室之日時，可預先數日準備，以減輕心理和生理上的負擔。以下是5招讓你準備重返辦公室工作！
5招讓你準備重返辦公室工作：（按圖了解）
逐漸調節睡眠時間
・在家工作期間，打工仔不須花費通勤時間，所以不少人會拖至上班前最後一刻才起床，而入睡時間也可能相應推遲。
・當在家工作安排取消後，打工仔需要回復過往返回辦公室的作息時間，所以應預先調整睡眠時間與心理時鐘，避免返回辦公室前當晚難以入睡。
・假如下星期開始回復辦公室工作，而在家工作期間較往常晚睡約90分鐘，你可以嘗試早3天開始，連續每日早睡約30分鐘，以調整作息時間。
查詢公共交通服務
・雖然市面逐漸恢復正常，但現時仍有不少公共交通服務依然維持疫情嚴重期間的服務安排。
・全港仍有多條巴士路線停駛，打工仔返回辦公室前應先查詢公共交通服務安排，以免班次，甚至路線暫停服務打亂上班行程。
預先整理上班行裝
・在家工作期間，打工仔不須整理上班行裝，例如衣物、背包等。為免上班忘記將重要東西帶回辦公室，打工仔應最遲在前一晚執拾行裝。
・員工證、文件、公司電腦等，記得要帶齊才好上班啊！
・辦公室冷氣是共用，溫度未必如你所想，帶定多一件外套可讓你應對過低的冷氣溫度。
了解職場抗疫政策
・疫情雖然回穩但仍然存在，打工仔應先了解公司的防疫政策，並予以配合。
・現時許多公司皆會要求員工在上班前進行快速檢測，員工應根據公司的宣布做好防疫措施。
尋找午膳可到地點
・不論處於疫情期間與否，午飯也是打工仔難得歇息的時間。疫情重創飲食業，部分打工仔慣常到的餐廳或不敵難關結業。
・為免向隅，打工仔可先搜尋餐廳資訊，避免午飯時間都要失望而回。
・現時餐廳堂食設有防疫限制，打工仔需要滿足相關防疫規例才可入內進食，敬請留意。
延伸閱讀：【返工血淚史】各大公司取消Work From Home政策 打工仔大呻：又要踏上塞車之旅
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!