【行業辛酸】網民熱討最辛苦行業 飲食地盤走唔甩 AV後製都有份？

各行各業都有自己的辛酸史，就算是自己做老闆，同樣有很多說不出的委屈。有網民就在討論區發文，盤點曾經返過最辛苦的工作，飲食業與地盤當然榜上有名，有網民表示當ＡＶ後期剪接一樣有苦自己知。

延伸閱讀：【行業辛酸】銀行前線大呻顧客無理行為 唔肯排隊、最叻恐嚇取消戶口

即睇網民回應：﹙按圖了解﹚

-AV後期剪接，長期聽呻吟聲，聽到有啲恐懼
-救生員返私人泳池 每日15個鐘 由朝曬到黑 仲要無客都唔畀用手機
-夜更通宵CS又要受氣又要捱夜
-做地盤執垃圾，又熱又要被人點
-酒店洗衣房摺被單摺毛巾40度真心黐線
- 做臨時演員 有時啲戲服好臭
-喺日本做sales 企足八個鐘 腰都痛埋 日日貼止痛貼
- big4 audit，沒有之一  
- NGO帶隊，要瘋狂對住學生嗌同埋走動，最長試過朝9晚9
-去大西北返地盤朝早6點起身趕shuttle，夜晚8點先返到屋企
沖個涼食個飯又差唔多要瞓
-每日返十五至十七個鐘，連續返十幾日先放一日嘅機場地勤
-湯麵舖侍應 每次傳菜都係滾水淥手
-賣魚佬，早七晚八
-上山個啲斜坡清渠，執樹木有時啲渠勁污糟，有泥有垃圾，無樹陰嘅話要陽光曬住咁鏟泥，有時仲有勁多蚊，唯有着住件長袖衫做

有網民就認為工作最辛苦不是在內容上，而是在個制度，若遇到上司指令不一或是雞蛋挑骨頭，分分鐘比連續工作九小時更痛苦。不少人都認同此說法，更笑稱如果兩者同時出現，那份工作應該「唔使諗即刻辭」。

其實每份工作都有它辛苦的地方，有時候轉個角度去安慰一下自己，至少令自己在心態上過得舒服點。

如果真的有份「絕世筍工」，日日不用工作，返工等放工，可能分分鐘會成為別人的「眼中釘」。

 

延伸閱讀：【行業辛酸】做保安遭同事屈偷懶唔做嘢 被經理列黑名單　打工仔鬧：好黑暗

⏩⏩  需要請人？立即刊登招聘廣告！  ⏪⏪