【行業辛酸】服務業常遇客人奇怪問題？展覽會職員：有人問展品係咪真

香港大部分打工仔從事第三產業，工作本質與服務息息相關，但工作崗位也有分前線與後台，當中前線職員會直接與客戶交流，但客戶行為並非前線人員能夠控制。最近，有名網民到「香港討論區」發文，提及其過往在展覽會做兼職時遇上客戶的奇怪問題，引來一眾服務業從業員的熱烈討論，並分享客人提出的奇怪問題。

延伸閱讀：【職場熱話】各行各業有咩奇怪「職業病」？零售Sales：行街會忍唔住幫人摺衫

即睇發文者分享及網民回應：（按圖了解）

發文者：以前做兼職時，曾做過展覽工作人員，當時有個客問我：「啲展品係咪真㗎？」
發文者：我真係好想答佢，如果係假嘅，你估會唔會放喺到呢？
發文者：大家返工有無遇過啲客問白癡問題？

網民：你應該答，你估羅浮宮入面啲展品係真定假？
網民：以前某商場做過恐龍骨展覽，不過全部都係模型。
網民：海X公園熊貓肯定都係人扮啦！展覽放假有咩出奇～（曲）

客人奇怪問題數唔完？即睇服務業人員分享：（按圖了解）

網民：以前做兼職，有人問我可唔可以平啲，但我係做連鎖公司。
網民：試過有個客畀錢時話：「嘩！呢度咁鬼臭！點解你忍到坐喺度㗎？」我一邊找錢，一邊答：「真係好鬼臭！頭先都無味㗎！」其實係臭，唔知乜味，我當時都想走。
網民：我係男，曾經喺超市做，有個大媽問邊隻姨媽巾好用，我真係唔知點答……
網民：曾經遇過有個客問，點解洗手盤無熱水，我話無熱水爐咪無熱水囉！
網民：客：有咩顏色呀？我：呢款得白色呀！客：有無黑色？（我咪答咗你得白色囉！）
網民：我試過叫個客撳lift上樓，佢竟然問返我用邊隻手指撳好？（無言）
網民：我有個朋友喺商場做客服，有日有位年約三十女士到櫃位問：「你見唔到見我拖住個女呀？」唔講以為有鬼，原來係佢自己一直望手機由書店出嚟，但佢個女仲喺書店入面……
網民：曾經有個客碌咭分期付款買嘢，點知佢之後去銀行問可唔可以cut咗張咭去。
網民：之前做某快餐店part time，啲客係咁喺度問啲餐幾多錢，我心諗你有眼睇㗎嘛，你盲嘅咩？
網民：喺藥房，經常有人會問啲藥係咪真係有效㗎……仲有生果檔會有人問啲橙甜唔甜㗎？
網民：最無言係有個客話：「點解你呢間郵局啲郵票好似比其他區貴？」
網民：曾經有個男人問，邊隻絲襪好着舒服。我話唔知，但佢買完後，下次真係見佢着住絲襪出現……

服務人員要忍得　服務業打工仔：客人經常有奇怪問題

不少服務業打工仔在貼文留言，指出客人問題五花百門，奇怪問題多不勝數，一時間難以回應。有網民認為對付客人要懂得忍耐，因為客人問題並非個人能夠控制，但最要緊是讓自己處於上風，該網民更直言：「睇下你嘅功力可以玩掂佢定你佢玩你！」

有網民認為許多客人都好麻煩，提及「成日經常被客人問白癡問題」，更會詢問與工作無關的問題，令其感到十分困擾。不過，有網民則指：「今時今日呢個態度已經不合時宜。」

約於20年前，劉德華為政府拍攝了一系列「優質服務致勝之道」的廣告，當中一句「今時今日咁嘅服務態度唔夠㗎」至今仍然影響服務行業。有不少人認為這句說話讓消費主義盲目抬頭，導致服務從業員必須秉持「顧客永遠是對的」的理念，也許忍耐是服務業打工仔生存的金科玉律。

【見工面試】求職者interview被問想做服務業原因　HR：咁樣答最得體（按圖了解）

延伸閱讀：【讀者投稿】連鎖時裝店暑期工大爆秘聞 試身室Sample由開業至今冇換過？
延伸閱讀：【職場熱話】返intern奉旨被指派叫外賣 實習生：追數追到收工先最慘！
延伸閱讀：【行業趨勢】6個零售業HR 2022年會面對的挑戰及解決方法

⏩⏩  需要請人？立即刊登招聘廣告！  ⏪⏪