Next
【行業辛酸】做飲食業有苦自己知 做足七個鐘無得唞⋯⋯
【行業辛酸】做飲食業有苦自己知 做足七個鐘無得唞⋯⋯
2022-05-06
最近有網民公審兩位在壽司店的女食客，指她們在用餐時，只吃壽司上的刺身，將剩下的飯堆放成一座小山，浪費食物。有自稱在店舖工作的網民就指，其實客人是可以要求「走飯」，不過客人要指定是哪碟。在壽司店除了要滿足客人不同的要求，還要面對甚麼困難呢？在網上討論區，有曾經在壽司店工作的打工仔，分享上班時的辛酸，表示忙到無法休息，就連水都喝不了。
點圖即看飲食業員工辛酸史：
延伸閱讀：【職場熱話】熱選5個最沉悶工作 金融業竟然佔了4個？「工作乏味但收入高」
延伸閱讀：【行業趨勢】銀行及金融業2022年平均加薪幾多？了解熱門崗位月入中位數
網民回應：
A/你返得呢份工就要預咗每一日都好忙
B/絕對無得偷食，真係諗都唔好諗
C/返過兼職，要喺全職見證下洗三次手，仲要跟住個拍子洗十下，大叫「而家要進行第二次洗手動作」，再大叫「1 2 3 4 5 6 7 8 9 10」，隻手跟住一起郁，完成第二次洗手，就要着圍裙，之後再洗第三次手
D/未做夠三個月Quit嘅話要扣全數鞋錢，做夠三個月再Quit要扣一半鞋錢，做夠六個月對鞋就歸你，唔使扣錢
E/對鞋會着到對腳好痛，一唔使做我就掉咗對鞋喺公司垃圾桶
F/我做過廚房兼職，真係好辛苦，返7個鐘得1個鐘食飯，唔包埋飲食，如果自己想食公司嘅嘢要自己攞飛，得返工嗰日食先有優惠，返七個鐘真係一秒都無得停，就連水都唔得閒飲，返工唔可以返到公司即刻打卡先，換好晒衫，洗晒手，戴返圍裙先打得卡。喺開工之前，要洗多次手，噴埋消毒酒精先可以戴手套開工。另外啲老員工好鍾意公審其他人，成日喺公司Chat Group度鬧人，如果你遲到，佢哋會喺個Group開你名，問你去咗邊，喺嗰度做嘢嘅人，奴性都好重，人工唔高，福利唔係特別好，但又好多規矩要跟
G/一枱客人嗌十幾款壽司，一啲只係叫一件，一啲叫幾件，執到你眼花，簡單嘅真係握兩下就可以，但花之戀、炙燒、卷物，同軍艦就大件事，日本嘢已經叫好做啲，做飲食業真係好慘
H/舖頭好多事非，忙到無停手，暑假就更加唔使講
I/我試過做一段較長嘅時間，有時連平日下午茶都會爆，最辛苦試有年出一款和牛，大大塊仲要由全生燒到變7-8成熟，最麻煩係燒完一面，要放飯、鹽同黑椒，再燒埋另一面，啲客叫全熟嘅話，真係會冧檔，我嗰間舖嘅壽司吧喺假期嗰陣，出單真係長到可以用嚟跳繩
J/做飲食，唔包福食，真係諗都唔使諗
K/我覺得做得慣，但又Keep住做嘅人都幾犀利，特別係留咗一年以上嗰啲，其實做咗幾日係真係會做得慣，畢竟日日都咁多單，但忍受到咁耐真係好勁，我一入到去做兼職就有好多全職走，嗰啲全職差唔多都係做咗兩年以上，明明出面有其他工可以返，人工仲要高啲。
飲食業工時最長
雖說每個行業都有它的難處，但根據過往統計處的資料顯示，本港全職僱員的每週工時中位數是45小時，而飲食業的每週工時中位數，達至54小時，是所有行業之冠，而當中有超過30萬名打工仔是每週工作超過60小時，以每週工作五天計算，平均每日都要工作12小時。工時長之餘，還要經常面對人手不足的問題，負責自己的工作，並頂替其他崗位，絕不容易，衷心向從事飲食業的打工仔致敬。
怎樣才能夠成為同事眼中的好同事？（點圖了解更多）
延伸閱讀：【職場貼士】收到Offer點問加人工？教你10個加薪談判技巧！
延伸閱讀：【辭職學問】合約於離職後依然有效力？！ 3個常見離職後的限制條款
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!