【職場辛酸】卸膊同事恰新入職打工仔 事主:終於忍唔住鬧佢!

【職場辛酸】卸膊同事恰新入職打工仔 事主:終於忍唔住鬧佢!

新入職的打工仔,如果你遇上卸膊同事,你會選擇啞忍還是反抗?最近有打工仔在討論區發長文,講述自己被卸膊同事欺壓的故事,事主不但需要為該卸膊同事執手尾,更要受對方氣;最後事主忍無可忍,終於選擇向對方發脾氣,由啞忍到反抗!

按圖即睇事主經歷︰

事主︰「啱啱轉工無耐,公司都幾好,做咗無耐就加我人工。其實啲嘢唔難做,都係文件嘢,如果唔識就睇返上一份,研究吓點做。

不過返工都返到好大壓力,最大壓力都係源自同事度。公司有份project要我同另一個同事分工做,但去到最後都係我自己做晒!其實佢負責嘅item好簡單,只係搵返啲文件出嚟,我再負責double check;但佢搵返啲唔知咩返嚟,咁不如我自己做埋佢啦。

我同佢講個問題,佢就覺得我新入職,應該「新人新豬肉」,唔應該話佢錯,佢話︰「你都係想講無咗你唔得啫,係唔係?!」我已經唔識點覆佢,我有同上司講,但係得到嘅回覆係「我知你得,你醒目仔嚟,啲嘢做唔掂同我講啦。」但係依家最大問題唔係份嘢做唔掂,而係我要做埋人哋嗰份,仲要受埋人哋氣!我仲要啱啱入職,我好驚做錯,又無人帶住我去做……

去到噚日,份嘢有12個items要執,咁我已經搞咗11個,得返最後一個item畀佢做,只係影吓相,再改吓字眼就得。之後佢打電話嚟同我講影唔到,要我過去同佢一齊影(因為我哋唔係返死一個office,要走嚟走去),我話「唔得,有嘢做緊」,佢即刻答「我一個人點影啫?」我建議佢搵XXX幫手,佢就開始大聲講「你又唔係唔知我同XXX咩關係,佢實鬧我。」跟住我就發咗人生第一個對同事發嘅脾氣「咩鬧唔鬧啫?有需要就要做啦,你無嘢嘛?!」

點解返工都要我發脾氣呀?!我都想大家和和氣氣。」

對於事主的經歷,大部分網民都支持他向該卸膊同事反抗,也有人認為他應該向上司反映問題,免得情況惡化。

即睇網民回應︰

延伸閱讀:【職場人際】返新工搞清人際關係需一個月? 打工仔質疑:太長!

延伸閱讀︰【職場禮儀】同事做錯嘢 應唔應該喺group開名指正?網民反應兩極!

 

除了卸膊同事,打工仔最怕在職場上遇到甚麼同事?雙面人?八卦精?如果遇上這些同事,打工仔又可以如何應對?

與同事的相處絕對是一門學問,但打工仔要緊記在遠離衰同事的同時,自己也不要成為乞人憎的同事。

延伸閱讀︰【職場溝通】打工仔斥同事收工唔覆機 網民反駁:覆係人情,唔覆係道理!

延伸閱讀:【職場卸膊操】慘遭資深同事要求執手尾 打工仔:次次叫我得閒幫手⋯⋯


最新專訪片︰
智將情侶Cherry李星熲 離開100毛往外闖做Slash創業:「我以前真係好怕醜!」

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【職場熱話】英文名越普通 職場生活越易過? 「老細唔記得叫做少啲嘢」

  • 【見工面試】愈快有Offer嘅工就愈伏? 網民︰睇彩數咋喎

  • 【求職招聘】畢業生慘呻搵唔到工「又話歡迎社會新鮮人!」

  • 【職場熱話】同事工作8年無加過人工!因為一件事直接離職?網民:聽到都覺得痛心⋯⋯

  • 【加薪談判技巧】收到Offer點問加人工?做Appraisal想爭取加薪?教你10個加薪tips大大提升成功率!

  • 【職場文化】新同事驚訝冇welcome Lunch 打去HR投訴大家唔歡迎佢…

  • 【薪酬趨勢2024】香港實際薪酬預期增長只有1.7% ECA:低於亞太區平均!

  • 【轉工跳槽】應否放棄Bonus辭職?打工仔嘆:精神壓力大,成日做到喊⋯⋯

  • 【轉工跳槽】跳草裙舞要求加人工!微軟前HR副總裁預言「要脅辭職」出現3大情況!會適得其反?

  • 【英語水平】香港人英語水平只排亞洲第4 全球排名只得第OO?調查發現年輕人因疫情拖累而大退步

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow