【職場熱話】覆WhatsApp唔加表情等於hea?網民:表達到個意思咪得

【職場熱話】覆WhatsApp唔加表情等於hea?網民:表達到個意思咪得

智能手機普及之後,通訊變得更加方便,但這種方便對不少打工仔來說都是一種煩惱,因為現在不論大型公司或中小企都很喜歡透過WhatsApp發布與工作相關的訊息。

最近於網上討論區「連登」,相信有位作為上司的網民,出了一條題話:「新同事覆公司WhatsApp group勁hea」,怎料最後被其他網民齊聲聲討,究竟為甚麼呢?事緣事主認為同事覆WhatsApp時不加表情符號,認為他好hea,如覆得很不願意般。

延伸閱讀:【Fresh Grad必讀】避免一返工就出錯 職場新人須避免做6件事

即睇事主分享及網民回應:(按圖了解)

事主:「我哋team有一個WhatsApp group,用嚟平時放工傾公事用。個新同事經常都唔覆group,要我哋tag 佢先肯覆吓。呢個都算,始終唔係辦公時間,覆得慢都可體諒。但佢哋回覆勁hea,仲要所有回覆都無表情,覺得佢勁唔願意咁。譬如大家講緊星期五一齊出去飲茶,佢都剩係回:『noted』,連表情都唔加。依家我哋成條team都勁不滿,諗緊計點玩佢。」

網民:「表達到個意思咪得,無啦啦加咩表情。」

網民:「睇完第一句已經㷫,火都嚟埋。」

網民:「放工仲要傾公事,Hea覆合情合理。」

網民:「唔加表情又得罪你?」

網民:「唔覺得有咩問題,覆咗你咪得。」

網民:「係成條team都有病,仲要諗點玩人。」

網民:「新同事好慘,無emoji都係罪。」

網民:「星期五一齊出去飲茶係公事?」

網民:「打工啫又唔係同你做人世。」

網民:「成班人渣,仲夠膽講岀嚟,不得好死!」

網民:「人哋無私人時間嘅?」

 

 

用表情符號也應小心

不少網民認為事主非常過分,更不應該因這些小事而想辦法整蠱新同事。究竟回覆WhatsApp短訊時不加表情符號是否等於hea的問題,就留待各位自行判斷。

不過在公事群組溝通時,各位應該要小心運用emoji,以免接收者誤讀,從而影響個人形象及往後的職場交流。

 

有邊啲emoji係唔應該用呢?(按圖了解)

延伸閱讀:【職場文化】愛用全形符號、打千字文、貼長輩圖……老一輩同事Send訊息5大常見習慣

延伸閱讀:【職場文化】愛打感嘆號的人自尊心強?從標點符號看同事工作態度

延伸閱讀:【職場熱話】老細深夜send訊息 打工仔第二朝即覆慘被罵 網民:點解放工時間冇人工?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告