【職場熱話】網民齊分享最短嗰份工做咗幾耐　結論：第一份工觀感好重要

工作並非時時刻刻盡如人意，職場上的打工仔普遍也轉職跳槽，難免會有「中伏」經歷。那些「伏」可能關於老闆，也可能關於同事，甚至乎整間公司的文化。最近，有名打工仔目睹其公司有新同事於僅僅兩天內離職，隨即到網絡討論區「連登」發文，詢問各位在職網民最短工作經歷，以及該次離職理由。

延伸閱讀：【職場熱話】返工預咗要受氣？ 職場新人呻遇上衰格senior 搶功勞黑面樣樣齊

即睇各網民最短嘅工作經歷：（按圖了解）

+12

+11

發文者：前日我公司嚟咗個新同事，做咗兩日就話唔啱做所以走，HR即刻激到癲咗話：「玩嘢咩？整好晒MPF同合約畀佢填就走。」
發文者：我心諗，有咩好鬧呢？夾硬留個唔適合嘅人喺度，將來對公司咪仲麻煩！
發文者：各位試過份工最快做咗幾耐就唔做？

網民：5個月，原本打算做一年先走，但24/7咁support，而老細又無料頂唔順。
網民：頂咗2個月，當時Fresh grad做得勁唔開心、同事勁西，好多人都鬧我話係心智問題唔捱得，但其實係份工啲人同管理問題，所以返工好唔開心真係要及早轉。
網民：兩個禮拜，公司太癲無人係準時走，個個OT到咩咁，然後咁啱有另一間大公司offer，即走！
網民：兩個禮拜……做咗幾日，有兩個同事病咗無返，跟咗佢哋啲嘢嚟做幾日，跟住阿HEAD將其中一個人啲嘢過畀我，然後我拎鎖匙去廁所都啤住我，跟住我頂唔順走了。
網民：中學時期做過某快餐店生產員，喺工廠度返，勁多嘢做，要將熱辣辣嘅醬汁入冰缸度用人手不停攪，又要幫手煮咖喱汁，啲汗滴鬼晒落去，人工又奀，啲阿姐又煩，做咗兩個星期就唔鬼做！
網民：一個禮拜，Feel到個氣場唔適合真係要走。
網民：大概4日，返工嗰幾日，個老闆成日鬧人，又聽同事講成日OT，嚇到我走。利申：Fresh grad後第一份工。
網民：兩日，第一日跟大佬開三個會，兩個會都畀對家插到癲，然後臨收工內部開會搞到7點先走。
網民：一日，返咗工先知日日都要24小時on call，第一日就OT到20:30，仲有同事做到流產。
網民：半日，有朋友介紹去貨櫃碼頭做，本來只係話pack箱、scan條碼、封膠紙，之後無啦啦叫我拉板車，仲要我做埋跟車，結果半日走咗。
網民：見過有條友半日走咗，公司本身有嘢叫佢出去做，lunch time發覺佢擺低啲嘢喺門口，從此消失咗。
網民：一個鐘，返咗陣覺得好鬼悶，扮唔舒服早退就唔返。

心理折磨最難受　網民：首份工作奠定職場心理

眾多網民認同心理折磨比勞力消耗更難受，某網民直言：「肉體上痛苦係可以頂好耐，但係心理上嘅痛苦就令人好快頂唔順。」不少網民留言認為，如果入職後感到公司氣場奇怪，應該盡早盤算後路。有一網民提及其個人經驗，指其過往剛投身社會時「唔識諗」，即使公司感覺奇怪仍然「頂硬上」，仍然苦苦支撐半年，害怕讓人覺得自己「好似唔捱得」，但回想後卻認為浪費了該半年。

對於投入職場有一段時間的打工仔，公司氣場應該不難察覺，但社會新鮮人卻未必有這些觸覺。有意見認為，不少人「第一份全職工作好易有錯誤認知，覺得點都要做多排，最好做夠一年半載先走」，但往往問題未必出自於個人，而是企業本身，因而一些企業會趁機剝削經驗不足的社會新鮮人，有留言更狠批這些企業：「啲衰公司係真心想搵畢業生笨。」

如果進入職場第一份長工遇上不良僱主，相信會令該新鮮人對職場有負面印象，不少網民認同畢業後第一份工十分重要，因為「如果第一份工就唔開心咁做落去都幾影響你日後返工嘅心理質素。」

延伸閱讀：【職場熱話】打工仔控訴公司設計師有錯唔認　事主：每次都輪迴十幾次
延伸閱讀：【職場熱話】放假收到老細訊息 要求即日處理文件 事主：去食飯途中拎部電腦出嚟…
延伸閱讀：【職場熱話】WFH開會輪到主管出聲　突然有把聲：又講埋啲廢話

⏩⏩  需要請人？立即刊登招聘廣告！  ⏪⏪