【職場熱話】帶電腦返工被同事唔小心整崩 打工仔猶豫要求對方賠償維修費

月前「天線得得B」事件引起全城討論，網民紛紛爭論顧客應否賠償及店家責任問題。近日有打工仔在網上呻苦，指同事在辦公室不小心弄崩其MacBook，雖然電腦功能一切正常，但他望見花痕還是有點難過，詢問網民應否要求同事賠償。有網民反指，要員工帶私伙電腦上班的公司「唔好得去邊」，建議事主早日辭職。

延伸閱讀：【人物專訪】港大神科畢業生分享疫下求職經驗 參加比賽鋪路做商業諮詢顧問

按圖即睇事主經歷：

+16

+15

事主：「我係幫男朋友問，我見佢近排好唔開心。佢個人好慳，當日用學生優惠買MacBook，係佢成世仔買過最貴嘅嘢。我都知佢同事只係一時唔小心，成個飯壺一嘢車落嚟。佢都超唔好意思咁，抹走哂跌喺電腦上面嘅炒飯，不停講對唔住。部機仲要係全新，暫時觀察無影響使用，但啲崩位真係好礙眼。」

「我男朋友表面就話算，但我知其實佢好唔開心。佢都唔好意思開口要同事賠，但望住啲崩位真係好唔開心。最衰佢又無買Apple care，你哋會點做？會唔會同事賠返維修費？我又唔介意出錢等佢開心返嘅……」

網民意見：
網民Ａ：去apple搵人維修，然後拎張單叫同事畀返維修費囉，成件事好make sense。

網民Ｂ：你都買一部新機，然後喺佢面前一樣整崩佢，同佢講：「有人陪你一齊用爛機，唔使唔開心。」

網民Ｃ：點解要帶自己部MacBook返工？要員工用私伙嘢嘅公司唔好得去邊。

網民Ｄ：唔開心幾日無事啦，就算幾錫機都好難保唔會花唔會爛，突破咗個心理關口就唔會在意。

網民Ｅ：你男朋友都好廢，廢在又要唔開心又唔叫人賠，男人老狗一就一二就二啦！

網民Ｆ：帶啲貴野去公家地方就有風險啦，你男朋友都有一半責任。

網民Ｇ：既然你都唔介意岀錢，咪直接買過部畀男朋友囉，大家開心，super！

網民Ｈ：佢同事都未唔好意思啦，咁佢自己唔好意思就要硬食㗎啦，咁鵪鶉怪得邊個？

網民Ｉ：我部部MacBook都崩，習慣下無事啦～

網民Ｊ：新買嘅話可以補買apple care，買完攞去加少少錢換新就ok，然後畀張單個同事claim。

針對以上事件，大部分網民都認為事主向同事索取維修費是天公地道，沒有需要猶豫的地方。亦有人揶揄事主好廢，指他「男人老狗又要唔開心又唔叫人賠，做人咁鵪鶉怪得邊個？」

同樣是不小心，有網民錯把同事的雨傘當成自己，被對方氣憤地指責是「偷遮賊」，更要求他賠償500元。在這個情況，你又會不會賠錢呢？

按圖即睇事發經過：

+17

+16

同場加映：伏工6大特徵（按圖了解）

+17

+16

延伸閱讀：【絕世筍工】蘇格蘭小島年薪61萬 聘「5個小孩的校長」

延伸閱讀：【職場文化】「返工壽司論」引打工仔共鳴 網民：做基層「豉油」最慘但最襟撈

延伸閱讀：【職場熱話】職銜通脹問題嚴重？打工仔：銀行做經理先搵得25K

如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/o2K2DaZWXzLFhypT7

⏩⏩  需要請人？立即刊登招聘廣告！  ⏪⏪