Next
【職場熱話】新人入職貨不對辦 循循善誘定係手起刀落？網民：留佢喺度大家只會唔開心
【職場熱話】新人入職貨不對辦 循循善誘定係手起刀落？網民：留佢喺度大家只會唔開心
2023-05-29
新人入職最怕遇到與職位描述不一的工作，而對上司或老闆而言，他們同樣害怕遇上一個面試前後表現有落差的員工。最近，有網民在連登討論區分享自己遇到下屬「貨不對辦」的情況，坦言不知如何是好。該名新人的能力範圍，跟面試時提及的完全不同，但樓主又擔心自己會「炒錯人」，反覆掙扎應該對新員工循循善誘，抑或手起刀落解僱對方，無謂浪費雙方時間。陷入如此僵局，如果你是樓主又會作出甚麼抉擇？
按圖即看樓主經歷：
話說早兩個月我公司請咗新人，in佢嘅時候佢話自己有經驗+識得做，咁我見佢CV正常，對答都正常，所以就請咗佢啦。
但佢一返工就feel到有唔妥，佢做啲嘢勁亂，完全唔到standard，教完佢啲嘢又做唔到，佢又要話自己識。返咗兩個月仲未pick up到啲嘢，最慘佢2x歲就成個中年大叔樣咁，我完全冇心機教佢嘢。
而家就嚟第三個月，佢又就快過試用期。大家有冇試過因為工作表現（太廢）而唔畀佢過，甚至乎炒咗佢？佢本身係quit咗上一份工轉過嚟的，炒咗佢搞到佢失業，我覺得唔係幾好意思，但係佢又真係好廢⋯⋯
按圖即看網民留言：
網民 A：留個唔掂嘅冗員喺度，只會吃力不討好，兩邊都唔開心。
網民 B：既然佢跟唔上進度，咁你feel唔feel到佢係有意識到問題，同佢本身仲有冇心學先？佢對工作內容上唔上心、負唔負責，如果你都喺佢附近一齊做嘢，應該會睇得出。最怕係無心向學＋資質愚鈍，同時又懶醒，仲要唔負責任、唔認衰嗰種，衰是但一樣都可以試圖其他方面搭救，樣樣衰齊就冇得救。
網民 C：睇你想唔想做職場衰阿頭，資質差影響係長遠，要預佢handle唔到重大嘢。麻煩係在於懶醒呢樣，即係你同佢傾，都唔知佢聽唔聽得入耳。
網民 D：如果係同級仲大鑊，又冇辦法同上面表達大家合作唔到，又要一邊無限執屎。最後捱到個人瀕臨爆然後遞信，但嗰個人可以繼續留低，繼續禍害另一個。
網民 E：呢啲係死循環，明知條友做唔到嘢，你冇資格炒佢，但又唔想影響工作。
網民 F：咁你嗰行易唔易請到人？如果唔易的話，不如你留住佢，然後同時登job ad。我覺得資質差係可以畀時間佢，除非你嗰行好fast paced，態度差就永不留低。
網民 G：能力同態度真係兩樣都好關鍵，能力唔得，遲早闖大禍累街坊。
網民 H：我都好討厭要湊仔咁⋯⋯有次有個同事又係態度問題，我頂唔順爆佢，我唔係佢訓導主任，佢啲性格唔關我事㗎，但佢而家影響埋工作。
網民 I：我同過唔同年紀嘅人做嘢，結論係佢做唔做到嘢、態度好唔好，永遠同年齡無關！
網民 J：抄notes真係好重要，有理無理抄咗先，啲嘢幾白痴都要抄。尤其是啲嘢如果唔係成日做，過一年半載要你做返，之前冇抄低好易唔記得。
網民 K：試過老細請個女仔聽電話，難度級別係正常人煲住劇都ok應付到嗰隻。佢好勤力抄滿成本notes，又自己喺share drive print好多嘢出嚟睇，但聽親電話都啞咗咁，咩都話唔知，日日畀人投訴。同佢傾完，覺得佢可能唔適合同人溝通，所以調佢去對單，做咗幾日個supervisor就投訴話佢全部對錯晒，排單number都錯。
網民們紛紛認為，做決定的關鍵點在於該名新人的態度如何，他們認為工作效能可以逐步提升，但態度差則是「死罪」，難以在短時間內看到改善。同時，有網民指出樓主應該建議該員工培養「抄notes」的習慣，將工作細節紀錄清楚，避免重複犯錯；長遠而言又能靠自己解決工作上的難gaun，達成雙贏局面。
各位打工仔有沒有試過上班第一天，就發現貨不對辦的情況，「伏工」味道甚濃？遇到與合約和招聘廣告上所描述的工作內容有很大的出入，大家會果斷地立即請辭，還是多忍耐一段時間，看看有沒有轉機，才再作考慮呢？
有網民在討論區Dcard上以「返工第一日就辭職」為題，分享自己返工第一天，發現老細原有很多無理的要求，令他感到非常不公平，所以在聽完真正的工作內容後，他就毅然跟HR說辭職！有網民笑話他要打破最快辭職記錄嗎？大家遇到甚麼情況，才會第一天上班就會決定辭職呢？
即睇事主分享及網民回應：（按圖了解）
現時很多行業都要「追數」，不論是代表真實金錢的數字，還是虛擬的瀏覽數字，大家都要達到一個指標才算合格。而現在更有不少公司以能否「追到數」為量度個人工作能力的指標，關鍵績效指標 (KPI) 是測量您團隊或組織朝重要商業目標進展表現如何的量化指標。不過，以KPI來量度個人能力和員工價值，又真的夠全面嗎？
有網民在社交平台專頁「奴工處」上投稿分享一件可惜的事，他指以前有一個好同事，對同team同事都照顧有加，是工作氣份良好的重要因素，不過因為公司開始實行KPI措施，而迫走了該名同事……不禁令大家思考，究竟KPI重要還是工作氣氛重要？
即睇事主分享及網民回應：（按圖了解）
延伸閱讀：【職場人際】同事話新人請食飯係基本禮貌 網民：恰你恰到上心口
延伸閱讀：【職場熱話】文員新入職驚覺冇自己位仲要做OO 網民：早走早著
延伸閱讀：【職場熱話】新工同見工完全兩回事 網民：做管理層無下屬
最新專訪片︰
【星級斜槓族】Grace陳凱琳享受「媽的多重身分」 惟暫無意再拍劇 自認慈母 老公鄭嘉穎卻有微言？！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!