【職場歧視】婚後女性難搵工每間公司面試都問：你之後會唔會生小朋友呀？

2023-11-21

現今社會女性地位日漸提升，很多女士都會希望於結婚後繼續努力工作，發展個人事業，但職場世界十分現實，婚後女性一旦面臨轉工，就會變得困難得多。

有台灣求職者在網上討論區Dcard分享：

事主︰「我今年35歲，因為先生工作調動關係，三個月前我哋從中南部搬到北部住，呢段期間我都好認真搵新工，每日都安排面試，有時一日就要面試好幾間，但結果都係等通知。

我發現面試嘅公司都有一個共同問題，主管都會問我『妳之後會生BB嗎？』、『咁邊個會照顧妳小朋友啊？』、『如果小朋友放學或者有事，我哋係唔可以亂咁請假喎。』唔知係我覺得佢管太多？定係而家啲公司都會避開錄用已經結婚嘅女性？

之前仲有個主管回覆我話『如果之後懷孕，公司都好歡迎，但要好好諗清楚邊個照顧妳小朋友，請育嬰假都唔可以請太耐啊！』唔通婚後女性搵工真係咁冇價值咩？」

A：「所以你知道點解台灣生育率低啦？」

B：「我係主管都盡量避開啦，如果你嚟公司學半年啱啱上手後，就要申請育嬰假，我就要搵其他人頂你個位，我肯定要吐血，咁不如一開始就唔好揀妳。」

C：「做女人真係可悲。」

D：「因為要生BB，代表你可能會開始頻繁請假，安胎假、產假、育嬰假……都係長時間唔可以阻止嘅，對公司嚟講呢種CP值唔高嘅員工，應該都唔會鍾意。」

E：「以公司角度嚟講，係可以理解嘅考量，但坦白講呢啲問題已經算係性別歧視喎。」

F：「公司曾經遇到一個員工25歲，入職唔夠三個月就話大肚三個幾月，自此之後要求面試都要問有冇男朋友？有男友有冇考慮結婚？結婚有冇考慮生仔？一大堆私隱嘅問題……」

G：「仲遇過入職三個月嚟結婚順便請婚假，派帖嗰陣一堆同事根本唔認識。」

H：「婚後唔難搵工，人哋驚你請假啫，我同HR講冇生仔打算，亦唔會請生理假，冇耐就收到錄取通知。」

I：「同你同齡，目前都打算轉職，所以同咗另一半講，『五年內我唔結婚，都唔好令我大肚，直到我搵到合適嘅工作同埋穩定幾年先。』」

雖然每間公司都會強調自己是公平僱主，對任何性別、年齡、婚姻狀況的求職者都一視同仁，但你我心知肚明，不論甚麼地方，職場上有些類別的員工就是特別不吃香。但婚後的女性仍然會面臨經濟壓力，同時又要懼怕職場競爭壓力，使她們百上加斤。

不過只要好好裝備自己，豐富專業能力，加上以往工作經歷、適當包裝，並尋求前上司推薦，應該很快會有好消息的。

就着女性懷孕這情況，香港亦有法例嘗試保障員工。

根據《性別歧視條例》，若僱主基於婦女懷孕而使她受到不利或被解僱，即屬違法。

即睇產假資訊：（按圖了解）

除了婚姻狀況會遭到歧視外，到底女性發展事業還面對甚麼障礙？

【見工面試】面試被問私人問題點算 教你5招大方應對！