【有病唔好返工？】工作壓力爆煲打工仔濕疹復發身心難受事主大嘆：每日個人又躁又唔舒服，想轉工但又轉唔到……

CTgoodjobs' Editor

Published: 2025-07-26 20:00

Updated: 2025-07-26 20:00

除了夢想自己有高薪厚職外，打工仔亦希望自己可以身體健康，享受生活。不過，打工仔經常面對龐大的工作壓力，容易使身心出現問題，影響生活。近日，有網民於香港討論區發文，指自己每天都受着龐大的工作壓力，使多年並未復發的濕疹再次出現，並對身體及精神造成嚴重的惡性循環……

延伸閱讀：【打工真係好大壓力！｜壓力大徵狀】一人一個返工壓力大徵狀！晚晚失眠、極不願意入公司門口、電話一響就焦慮……

按圖了解網民回應：

+12

+11

事主：發覺有濕疹嘅人真係不適宜返工。自從上年返咗份文員工，幾乎日日都壓力爆煲，每日好chur，上司仲要成日無嘢都搵嘢嚟鬧，搞到我返工長期好高壓，搞到成日肚痛。連本身無復發好多年嘅濕疹都出現返，搞到我人又躁又唔舒服。因為壓力大所以起濕疹，但又畀濕疹搞到壓力好大。想轉工但出面個市又唔太好，好難搵到啲待遇差唔多嘅工，而家唯有頂硬上……

網民A：份份工都有佢難處㗎啦，轉到工又未必啱，到時可能仲辛苦。坐office其實已經好過好多人。我都有濕疹，仲要返日曬雨淋嘅工，你都叫可以搽藥膏，我係搽都無得搽……

網民B：嘗試調整吓自己心態先，濕疹呢啲係惡性循環嚟，你呢個情況好大機會係壓力大到免疫系統失衡，導致濕疹惡化。試吓睇中醫調理吓身體，提升返免疫力，打好身體個底子先，咁復發嘅機會就會低好多。

網民C：唔係你嘅錯，係公司嘅錯！

網民D：人工好高？

網民E：我都係咁，啲病一次過爆晒出嚟。我做埋今個月就會休息吓，但仲未搵到工。

網民F：你公司有醫保就做住先，可以平啲睇醫生，仲可以請SL畀自己唞唞。

網民G：你人工好高？文員最多咪$3萬1個月。你上司成日無嘢搵嘢嚟鬧，係我就反擊佢啦！做得唔開心，又壓力大，畀你搵到錢都唔夠畀醫藥費！

網民H：可以試吓食益生菌，我都有濕疹，每朝早餐前食，效果幾好。我大概食咗1個月已經無濕疹，好多時濕疹成因同腸胃失調有關。

網民I：生命要緊呀，可以放慢工作就放慢，唔得就辭職，盡咗力就算，無人會怪你。我自己因為返工加要讀書，搞到濕疹周身痕，醫生勸我請多啲病假唞吓。

網民J：有濕疹就注意吓飲食，唔好食太甜、太刺激嘅嘢。多啲休息，啲衫褲要經常換。可以嘅話，就做啲會出汗嘅運動。

網民K：濕疹喺香港好普遍，咁就不宜返工，你都幾誇張吓……

延伸閱讀：【返工太大壓力？】入職新公司全部同事竟然都係「光頭大軍」！網民：恐怖過同你講公司有鬼

對於事主的經歷，不少網民都表同情，認為事主因壓力過大，導致免疫力系統失衡，繼而濕疹復發，部分網民熱心分享自己的方法，例如控制飲食、多做運動、吃補充品來加強自身的免疫力系統，盡量減低濕疹復發的機會。絕大部分網民指出，上述方法都只是一時之策，因此網民建議事主應從源頭入手，透過辭職或轉工來減低工作壓力，才能有效抑制病情。

延伸閲讀：【職場辛酸】壓力大到要掟OO發洩？網民：去老細面前掟辭職信仲爽

按圖即看10種減壓食物助你重拾好心情：

+22

+21